الرئيسية التحكم التسجيل
 

 
 
العودة   منتديات الكيمياء الحيوية للجميع > الاقسام الاكاديمية > قـسـم الدراسات العليا - Graduate
 
 

قـسـم الدراسات العليا - Graduate مواضيع و مناهج الدراسات العليا في الكيمياء الحيوية

إضافة رد
 
 
 
أدوات الموضوع انواع عرض الموضوع
 
 
 
 
قديم 08-07-2007, 05:45 AM   #1
ehab10f
دكتوراة في الكيمياء
 
الصورة الرمزية ehab10f

 









ehab10f غير متواجد حالياً
افتراضي خطوات مزاولة المهنة وعمل الدبلومات

سأتولى بإذن الله شرح خطوات مزاولة المهنة وعمل الدبلومات .. إلخ لانه قد أثير لغط كبير حول الموضوع وأثمرت الأقاويل عن تخرصات عشوائية وتكهنات لا طائل منها..


بس لازم أقول حاجة مهمة جدا جدا وأسأل سؤال مهم :


س / هل من حقي أن أفتح معمل ؟ وأكتب عليه اسمي ؟ وابقى دكتور تحاليل؟



هذا يقودنا إلى سؤال سؤال هام جدا : يعني قانونا هل المعمل ده من حقي ؟


* القانون المصري لسنة 54 لم يفرق في ممارسة مهنة التحاليل الطبية بين الكيميائي والصيدلي والطبيب .. إلخ بل هذا الحق يتساوى فيه جميع الخريجيين طالما قد استوفوا شهادات التخصص المطلوبة، واعتبره القانون المصري حق مكتسب ومشروع للجميع واعتبر مهنة التحاليل الطبية مهنة منفصلة عن باقي التخصصات الطبية الأخرى.


* هذا القانون معمول به في كثير من الدول العربية مثل تونس – سوريا وجميع دول العالم الأول مثل : أمريكا – كندا – فرنسا – ألمانيا – بريطانيا .. إلخ

* إن أقدر وأكفأ من يتعامل مع أجهزة التحليل الكيميائي كالأسبكتروفوتوميتر أو الفصل الكروموتوجرافي أو التحضير الكيميائي للعينات الكيميائية أو الإلمام بالتقنيات الكيميائية في التحليل الكيميائي أو العضوي مثل التحليل التربيديمتري أو الكلاريمتري أو الجرافيميتري هم الكيميائيون والبيطريون والصيادلة بحكم طبيعة الدراسة .

* المسألة تتلخص في تحليل عينة فقط فالجميع من أطباء أوغيرهم - رسميا - غير مطالبين : لا بتشخيص سريري – ولا بربط النتائج – ولا بكتابة علاج - أو تفسير نتيجة !!!

حتى سحب بعض العينات قد يخرج عن نطاق تخصصك!! مثل عينات الدم للمولودين حديثا (تعرض على أخصائي الأطفال) – عينات فحص الأورام ( أخصائي الباثولوجي) – عينات البذل النخاعي (التخدير أو الحميات)


* للأسف يروج بعض الأطباء في أحقيتهم وإلغاء أحقية الباقيين في ممارسة المهنة ويضعون العراقيل ويحاربون بشتى السبل من أجل ضع قصور على الباقيين في ممارسة المهنة، ويضغطون على وزير الصحة من أجل رفض إعطاء الترخيص والتحايل على القانون (الصريح)، ولي عنق الحقائق ، واتباع مبدأ "بروكر استيز" الذي كان يقطع أرجل ضيوفه لتناسب طول السرير الذي سينامون عليه !!! ويتفنون في وضع العراقيل لمنعنا من ممارسة المهنة مثل إجبارنا على رفع القضية وخلافه ؟؟؟ وكتابة عبارات في الصحف بغرض الإثارة : " تضافروا لقصر المهنة على الأطباء" أو من يكتب : " فوضى التحاليل الطبية"


سؤال فرعي / ما هي آخر صيحة في وضع القصور للمزاولة؟

(1) التصريح يكون بالماسترية لا بالدبلوم
(2) العمل في المستشفى مدة 3 سنوات
(3) ضرورة كتابة التخصص الحقيقي : صيدلي / بيطري / كيميائي .. إلخ على لافتة المعمل و على التقرير، كما تكتب بجواره : "الكيمياء الحيوية الصيدلية" أو "الميكروبيولجيا البيطرية".. إلخ
(4) إجبارك على ممارسة التحاليل التي قد تخصصت فيها ، وهذه قصة طويييييييييييييلة جدا




لكن هذه القصور غير معمول بها الآن ولله الحمد ، بل يريدون تنفيذها !!



* لقد خسرت نقابة الأطباء القضية المرفوعة ضدنا لمزاولة المهنة وأمام مجلس الشعب قوبل طلبهم بالرفض عام 94 بعد أن أستماتوا في تقديمه ومازالوا، هنا أعيد الحق لأصحابه ، لكن هناك من يعبثون بشد ذيل القط النائم من آن لآخر ، والذين يريدون الحصول على شعرة من شنب الغول الأسود وهو غافي !!


* الخلاصة .. التحاليل الطبية لا تعتمد على التشخيص السريري .. أنك - في المعمل - تتعامل مع عينة لا مع مريض ، وأنك الأكفأ والأجدر مقارنة بما هو مطلوب ، أنت تشخص فقط تشخيصا طبيا معمليا لا سريريا ولا تعتمد على الحالة الإكلينيكية في التحليل ، لكنها تؤخذ في الإعتبار ، وأكرر تؤخذ في الإعتبار.


إن ممارسة التحاليل الطبية حقك ..



حقك ..


حقك !!


* في دول العالم الأول يتساوى الصيادلة مع الكيميائيين مع الأطباء مع البيطريين في الحصول على المناصب ، ومعروف أن رئيس الإتحاد الدولي للتحاليل الطبية صيدلي ويتناوب على رئاسة المنصب بيطريين وأطباء وكيميائيين وصيادلة.كما يتولى إدارة بعض معامل البرج المصرية أوالعربية بجانب الأطباء .. صيادلة وكيميائيين أيضا.

* وجدير بالذكر - ومعلومة لمن لا يعلم - أن من أبرز مؤسسي بعض أقسام التحاليل الباثولوجيا الإكلينيكية بكليات الطب العريقة هم أساتذه صيادلة وبيطريين وكيميائيين في علوم الميكروبيولجي والبيوكمستري !!!

حاشية : أنا لا أتحامل على الأطباء .. حاشا !!! فكثير منهم الزميل والقريب والصديق والأخ والأب (والله)، وأنا مؤمن بدورهم الفعال في المجتمع تمام الإيمان ، ومتيقن من عظم وتفعيل دور الطبيب في النهوض بمستوى الطب وأنه ملقى على عاتقه يمكن أكثر من 90% من مجمل الخدمات الطبية التي تقدم للمجتمع والأبحاث والوعي الصحي .. إلخ ، وده لو كان موضوع تعبير كنت كتبت 6 ورقات فلوسكاب وش وضهر !!! وإن كنت قد جرحت مشاعر أو آذيت أي من أخوتي الأطباء فأنا على اتم أستعداد أن أقدم له اعتذاراً فقط لمجرد أن يبدي سبباً ، وحقيقي .. حينما يتعلق الأمر بحق شرعي ورسمي وقانوني فمن كل المشروعية أن أدفع عنه وأطالب به ... ارجو من الجميع مشاركتي الرأي وإبداء ملاحظتهم بالتواصل الإلكتروني معي ..




ركزوا معايا يا جماعة .. وفنجلوا عنيكوا و طرطقوا ودانكوا

عشان أنت كصيدلي تفتح معمل بإسمك لازم تعمل الخطوات الآتية:


(1) أن تحصل على أحد أو جميع شهادات الدبلوم في الآتي :



+ دبلوم الميكروبيولجي العامة أو التطبيقية أو الإكلينيكية أو الماسترية (ماجستير) في نفس التخصص برضه أو على :


+ دبلوم البكتيريولوجيا العامة أو الإكلينيكية أو على:


+ دبلوم الكيمياء الحيوية التحليلية أو الإكلينيكية أو الماسترية فيها


(2) ح تاخد من النقابة درجة : أخصائي تحاليل طبية

ثم تأخذ التصريح من وزارة الصحة ويستغرق أشهر حسب دورك و العدد .. إلخ بس ح يكتبولك في التصريح عبار ": مع عدم التشخيص الطبي المعملي" يعني المعمل ح تبقى أنت مديره لكن مش صاحبه ؟؟؟ هههههههه

، ولن يسمح لك بوضع لافتة عليه ؟؟؟؟ ههههههههه
ولن يسمح لك بكتابة اسمك على التقرير ؟؟؟؟ هههههههه
ولن يسمح لك بأن تمضي على نتائج التحليل ؟؟؟؟ ههههههههه
إذن فبهذا التصريح ح تبقى كوكتيل ومزيج فريد من دكتور التحاليل وفني المعمل !!

(3) ح ترفع قضية وتقعد حوالي سنة ب 1000 ألف جنية بس عند محامي مشهور (تفاصيل الموضوع عندي .. ولما الوضوع يطق ف دماغ أي عضو يبقى يكلمني)
وح تكسبها .. ح تكسبها .. ومضمونة 100% (لأن ده حقك كصيدلي) .. المهم بعد لما تكسبها ح تبقى دكتور تحاليل فعلا .. وهنايسقط الفرق (عمليا) بينك وبين الطبيب الأخصائي !!

++ ملاحظة لا معنى لها ولابد منها !! : الفرق الرسمي (واخد بالك من الرسمي دي؟) بينك وبين الطبيب أنك لو خدت الدبلومتين الميكرو + البيو ح يبقى في سحب العينات فقط .. يعني لازم ح تجيب ورقة من دكتور طبيب أنه المسئول عن السحب في المعمل بتاعك ، وأنت اللي ح تسحب العينات برضه.. يعني عمليا مفيش فرق !!! وإحقاقا للحق .. ان هذا هو الفرق الرسمي الوحيد بين الطبيب وغيره في ممارسة المهنة

+ أسئلة ع السريع باختصار (مجاب عنها ) :
س 1 : إيه لزوم القضية طالما إن الموضوع من حقي وكده كده ح أكسبها ؟؟؟؟؟؟؟؟؟؟؟؟
ج 1 / إحنا في مصر !

س 2 : لأ بجد .. عاوز أعرف إيه لزومها؟

ج 2 / عشان يخوفك ويوهمك إن دي حاجة مش بتاعتك فتقوم جاي مطنش وتقول لنفسك في سذاجة: طالما أنه مش مسموح لي تبقى مش بتاعتي؟؟؟؟؟ في حين أنه حقك ودي لعبة "الحق يغتصب" .. نقطة تانية هي نوع من أنواع كوابح السيارات والفرامل عشان متكترش المعامل زي الأجزاخانات ! ويبقى بين كل معمل ومعمل مختبر !!

س3: إيه أفضل وأسرع شهادة لفتح المعمل (يعني م الآخر .. عاوز أنجز )؟؟؟؟؟
ج 3 / دبلوم ميكروبيولجي أو بيوكمستري وأنا بفضل الأخير ومدته سنه بس لكني أنصحك بال 2 .

س 4 : الليلة دي ح تكلف كام؟
ج 4 / الدبلوما تمنها تبع المكان (متوسط كله 2000 + 1000 القضية)

س 5 : طيب أخدها من أي جامعة أو من أي كلية ؟
س 5 : صراحة .. اشهر ناس شغالين في الحكاية دي كليات العلوم ..
عندك في صيدلة : المنصورة - الزقازيق - الإسماعيلية - عين شمس (بيخرجوا أعداد قليلة
عندك في علوم : اسكندرية (أشهر دبلومة تحاليل في الجمهورية وبتخرج كل سنة 700 أخصائي) - شبين الكوم ( بدأت تشتهر برضه بتخرج حوالي 700 ) - الإسماعيلية ( بتخرج حوالي 1000 أخصائي

عندك بيطري : مشتهر / اللي جنب بنها ( تنافس الأسكندرية وبتخرج حوالي 1000 أخصائي على ما اسمع ) - المنصورة (مبتعديش ال 50 في أي كلية) بس (علوم بكتيريا ممكن تعدي ال 80)

والموضوع ده فيه تفاصيييل تانية كتيرة وممكن أجاوب بالتفصييييييييييييييل الممل للي عايز

س 6 : طيب إيه أرخصهم وأسهلهم؟ ويديلي الشهادة ع السربع ؟؟
ج 6 / * احذر هؤلاء : المنصورة (معقدين أوي ) - عين شمس (ناشفة؟)
* تحاشى هؤلاء : مشتهر لاناللي بيدخل ما بيطلعش إلا فيما ندر - شبين (مهرها غالي 2500 ) - طنطا( !بيقولوا صعبة ومش عاطفية
* ارشح لك دول : الزقازيق و الإسماعيلية (باشا !!) - اسكندرية (شغالة ومانجه) – شبين (مووووووووووز / بس غالية) - بنها ( وأنت واقف!!!)

س 7 : طيب لو أنا (بالي طويل) وعاوز أبقى كفاءة في التحاليل وافتح جنب معمل البرج؟ !!!!
ج 7 / دبلوم ميكرو + ماستر أو دكتوراه في البيو ( أو العكس لكني أفضل كده)

س 8 : طب و الليلة دي ح تستهلكني في كام سنة؟؟؟؟
ج 8 / لو أنت بيدعولك في البيت كويس ح تقعد من 8 -9 سنين

س 9 :( للمحترفين فقط) : طيب لو أنا عاوز آخد جايزة نوبل في التحاليل أو كأس العالم ؟!!!!!!!!
ج 9 / دبلوم ميكرو + دبلوم بيو + دكتوراه في المناعة
ملاحظة : اعرف دكتور معاه كل دول .. واعرف دكتور تاني معاه دكتوراه الفلسفة في الميكرو + دكتوراه البيوكمستري وكاتب على المعمل :" معمل الدكاتره فلان الفلاني " وع التقرير كاتب :" الدكتور الدكتور" - فعلا بتاعة شهادات !!

س 10: ممكن أعرف إيه حكاية المناعة دي بقى؟؟
ج 10 / معهد البحوث الطبية / اسكندرية بيدي ماسترية للصيادلة في المناعة لكن بيطلب تقدير وبياخد بالعدد (بيطلبوا 2 من صيدلة بس ) يعني الموضوع ممكن يفرقع منك – وبيطلب برضه 2 أطباء – و6 كيميائيين .. تحيز؟
أو عندك معهد بحوث الهندسة الورائية / السادات وده بياخد كله .. ورخيييييص 400 في السنة ومفيش تمهيدي ماجستير .. يعني رسالة على طول + كورسات / سنتين وده بيدي دبلوم أو ماسترية أو دكتوراه أو دكتوراه الفلسفة في المناعة الجزيئية

س 11 / مين تاني ممكن يفتح معمل ؟
الزراعيين – الكيميائيين – الصيادلة - البيطريين – الأطباء
وجميعهم لابد لممارسة المهنة من الحصول على دبلوم أو الماسترية أو الدكتوراه في التحاليل
وجميعهم يأخذ درجة : " أخصائي تحليل طبية"




س 12 : فيه ملاحظات تانية ؟

ج 12/ لأ .. بس اللي عاوز يسأل أي سؤال أنا في الخدمة


الموضوع منقول للامانة العلمية ولكن للاستفادة نظرا لاهميته



من مواضيع ehab10f في المنتدى

   
رد مع اقتباس
 
 
 
 
قديم 08-15-2007, 03:40 PM   #3
ساالي
بيوكيميائي برونزي
 
الصورة الرمزية ساالي

 









ساالي غير متواجد حالياً
افتراضي

دكتور ارجوك كيف لي ذلك وانا بالرياض



من مواضيع ساالي في المنتدى

   
رد مع اقتباس
 
 
 
 
قديم 08-15-2007, 04:35 PM   #4
ehab10f
دكتوراة في الكيمياء
 
الصورة الرمزية ehab10f

 









ehab10f غير متواجد حالياً
افتراضي

الجنسية الخاصة بك مصرية ام سعودية
الوضع ده للمصريين اللي بيدرسوا في مصر
ام السعودية لااعرف شروطهم اللي بيطلوبوها في السعودية
د/ايهاب



من مواضيع ehab10f في المنتدى

   
رد مع اقتباس
 
 
 
 
قديم 08-15-2007, 09:47 PM   #5
إيمان بالله
بيوكيميائي جديد

 









إيمان بالله غير متواجد حالياً
افتراضي

السلام عليكم ورحمة الله وبركاته
جزاك الله خيرا د/إيهاب معلومات شاملة ووافية




   
رد مع اقتباس
 
 
 
 
قديم 08-16-2007, 04:53 PM   #7
الكميائى
نقيب العلميين
 
الصورة الرمزية الكميائى

 









الكميائى غير متواجد حالياً
افتراضي

الحقيقه
المقال ده مسمع فى اكتر من مكان والناس معجبه به جدا
وده دليل على اننا لانعلم حقوقنا وكمان لو فيه جهه بتجمعنا هنكون اوقويا جدا
شكرا دكتور ايهاب



من مواضيع الكميائى في المنتدى

التوقيع

معانا هستفيد كتير
   
رد مع اقتباس
 
 
 
 
قديم 09-03-2007, 02:51 AM   #8
nour el islam
بيوكيميائي جديد

 








nour el islam غير متواجد حالياً
افتراضي

حقيقى الموضوع رائع يادكتور بس انا عايزه اعرف ايه حكايه معهد بحوث الهندسة الورائية / السادات وموجود فى اى بلد بالتحديد وهل فعلا مفيش تمهيدى؟؟؟؟؟؟؟؟؟




   
رد مع اقتباس
 
 
 
 
قديم 09-05-2007, 06:02 PM   #9
ابو فايزة
بيوكيميائي جديد

 








ابو فايزة غير متواجد حالياً
Rose أرجو الرد من فضلك يا دكتوووووور

شكرا لحضرتك دوكتر ايهاب عل الموضوع المتميز ده
انا عضو جديد ولسه مسجل حالا .. وعجبنى الموضوع ده جدا
واللي لفت نظري أكتر أن المقال ده فعلا مسمع في كل ناحية .. زي ما قال أخي كميائي .. وأنا لقيته في أكتر من ست سبع منتديات لحد دلوقتي .. وده يدل على اننا كلنا مش عارفيييييين حقوقنا .. ياريت تتفضل ادارة المنتدى بتثبيت الموضوع نظرا للافادة ..
شكرا يا دكتور وجزاك الله كل خير ..

بس عندي استفسارات ..

أولا .. ليه متحاولوش تعملوا يا دكتور جمعية مصرية تجمع اخصائيين التحاليل الطبية .. ويبقى رؤسائها أساتذة جامعة محترمين زي حضرتك من أقسام الميكروبيولوجي والبيوكمستري بكليات العلوم .. وتعملوا لهم تدريب .. واعتراف رسمي بأن أخصائي التحاليل الطبية ياخد لقب دكتور .. مجلة ولو سنوية .. مؤتمرات وندوات تتكلم في التحاليل ومحاضرات ...الخ حتلاقوا آلاف عاوزين يشتركوا فيها .. حتى لو برسوم معقولة .. طالما ان ده حيدينا حقوقنا .. وتتكلم الجمعية دي باسمنا قدام وزارة الصحة ونقابة الاطباء .. بدل ما كل واحد فينا ماشي في ناحية .. مفيش حد عارف حقه .. دبلوما التحاليل بقت بآلاف .. ومذاكرة وسهر زتعب على الفاضي ومن غير فايدة .. نقابتنا الكريمة مش بتساعدنا وعاملة نفسها طرشة .. ووزارة الصحة بتضايقنا وبتتراخم علينا .. لا في سنة امتياز ولا تدريب رسمي في المستشفيات (طب ازاي ؟) ... والمحامي رفع اتعابة بقت بألفين جنيه .. ونقابة الأطباء افترت على الآخر بعد لما قالوا ان لازم النقابة تشرف على موضوع الترخيص .. هو احنا حنلاقيها يعني منين ولا منين يعني ؟؟؟

ثانيا .. ايه هو الوضع القانوني لكتابة لقب دكتور على اليافطة والتقارير ؟؟؟ واحنا عارفين ان الصيدلي مش دكتور والطبيب كمان مش دكتور ؟؟؟ .. لأن الدكتور ده هو كل واحد معاه درجة الدكتوراه !! .. فالمفروض انه يكون وضعنا وضع مثل زي الطبيب والصيدلي .. صح ولا ايه ؟؟؟ .. وهل بره (ألمانيا مثلا .. لان حضرتك خت الدكتوراه من المانيا ) بتعامل الكميائي اخصائي التحاليل الطبية على انه دكتور ؟؟ أم ماذا ؟؟؟ ياريت ترد علي في النقطة دي بالذات

ثالثا .. أنا معايا دبلومة بيو كمستري من اسكندرية (اللي شغالة ومانجة ) ولو انها صعبة حبتين مش سبهللة يعني وجبت جيد // ( مش عارف ايه لزوم الشرطتين لكن بيكتبوها كده ) .. هل ممكن أسجل كعضو في الجمعية المصرية للكيميا الاكلنكية .. وايه هيه شروط التسجيل ؟؟؟ ولا همه عاوزين ماستر بس ؟؟

ياريت ترد علي يا دوكتر ومنتظر رد حضرتك ..





التعديل الأخير تم بواسطة ابو فايزة ; 09-05-2007 الساعة 06:47 PM
   
رد مع اقتباس
 
 
 
 
قديم 03-25-2008, 04:57 AM   #10
walaa
بيوكيميائي جديد

 









walaa غير متواجد حالياً
افتراضي رد: خطوات مزاولة المهنة وعمل الدبلومات

جزاك الله خيرا:36_3_17[1]:




   
رد مع اقتباس
 
 
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



الساعة الآن 02:36 PM


Powered by vBulletin® Version 3.8.7
Copyright ©2000 - 2021, vBulletin Solutions, Inc.
يوتك