الرئيسية التحكم التسجيل
 

 
 
العودة   منتديات الكيمياء الحيوية للجميع > الأقسام العامة > رحّب.. اضحك.. العب.. فرفش
 
 

رحّب.. اضحك.. العب.. فرفش استراحة الاعضاء للترحيب و اللعب و المزح

إضافة رد
 
 
 
أدوات الموضوع انواع عرض الموضوع
 
 
 
 
قديم 01-07-2008, 01:12 AM   #1
جــود
ملك الكيمياء الحيوية للجميع
 
الصورة الرمزية جــود

 









جــود غير متواجد حالياً
Smile أيــــــام الــطــفـــــولة..

سلاااااااااااااااااااااااااااااامون ..

ازيكو ياقماعة؟؟:36_1_1[1]:

اسمع ياللي بتقرا ان كانك معنصب والا واصلتن روحك بخشمك وشايش

على راعي البقالة لانه جاب لك ديو بدل الميرندا الله لايهينك لايردك الا الـ

back



واذا روقت وشربت لك بيرة وفشَت براطمك وغديت وش زينك حياك واقرا

القووصة<<<<مشكلتها تهتم بمشاعر الاخرين:36_1_1[1]:


القوووصة ترا فيها من النصب والحتسي الفاضي واجد وفيها من الصدتس

الشي الاوجد..



:36_15_3[1]:أيـــــــــــــــــام الطــفــــــــــولــــــــــة:36_15_3[1]:


الجزء الأولــ:


الحرب مع عيال الجيران ..

تعرفون ايام اول كان حدنا كمبيوتر صخر لاااااااا ويوم تطورنا سوبر ننتيندو

_والله مادري اسمه صوووح والا المخ فاضي:36_1_5[1]: , وكااااان ثلاث ارباع اوقاتنا

بالحووووش لدرجة ان اهالينا ينسون اشكالنا:confused: , ويمكن يجي الابو يشرط

لولده اذا دخل لانه نساه من كثر ماهو مخلل بالحوش

ومرة من المراريت طلعت الحوش ولقيت لي ذاك السلم مسند عالجدار

واسمع عيال جيراننا يصارخون..وانا الله يحفظني اخذت السلم وتسلقت

ويوم طليت عليهم قال واحد خيييييييييييييييييييير ..

قلت : وش دخلك انا ببيتنا وعناد هه بلمس جدار بيتكم كييفي:36_1_59[1]:<<ام المبزرة اللي عايشتها

قال اقلبي وجهك ..

قلت له اسكت انت وعيونك اللي تقل مصاقيل ملزقة ..

ويفحط البزر وياخذ من الطين يكوره وانا يقالي قوية ماتحركت

وطررراااااااخ صقع وجهي

قسم ياجتني الصيحة ذيك الساعة بس والله لاقهره ماصحت وقلت اصبر

واروح ادرو لي شي احوسه فيه والقى جزمة ابوي <الله يكرمكم>

الظاهر ان ابوي مقاسه صك الـ50

واستانس والقطها وارقى السلم وانا اتحلطم وارز خشتي عاد هو مسوي

قوي قال قضيتي صياح يالبزر

عاد انا موتي واللي يقول لي يابزر ..قلت انت البزر وأصكه على جبهته

صارت تقل ملعب حارة:36_1_1[1]: واقول ضف وجهك انت واخوانك الي

وراك الي تقل فقع..

جا الوجه السمح ابيي وانا في بهالحالة وما اذكر وش قال ذيك الساعة

<<تصريفة


وبعد برهة من الزمن <<كاتبه الموضوع عشانها

رن الجرس وراح ابيي ورجع ومعه كيس فيه............

وصكـني فيه لين صار وجهي تقول مقلا



وانتهى الجزء الاول على حال يرثى له...


<><><><><><><><><><><>

الجزء الثاني ..

روحتنا للشرقية..

عايلتنا معروفة بالعجلة وعض الشليل فمرة جا ابوي يقول

لاهلي .بنمشي بكره ان شاءالله للشرقيه بس على راحتكم متى

ماخلصتوا لو مانمشي الا الساعة 12..وش معجلنا !!!!:36_3_11[1]:

يوم جت الساعة 5 قبل لايطلعون من صلاة الفجر الا وحنا عند المحطات


ويوم اننا بالسيارة مسوية نفسي خاشعة توي مخلصة الحلم السادس

وداخلة عالسابع والجو هااادي ماش ماجاز لي الوضع


قلت يابنت الحلال سوي اكشن و..واعطيهم ذيييك الصرخة وانا

مساااتنسة واستنى ابيي

وش يقوووووووول..

وابوي قامت تطلع من اذانه دخان ويقوووول عسسسسول وجع يوجع

العدو اسكتييييي:36_5_11[1]::36_5_11[1]:

وانا شادة الحيييل مافيه مانيب ساكته..:36_7_8[1]:


بعدين فجأة انقلب الصراخ لصوت حنوون وقال حبيبتي بنيتي

تعالي بعطيك حلااوة وطبعا انا بثانية صرت بخشة ابوي ..وانا

اقول ..عطني اياها<<<مقطعتها الذراربه

ويصكني ذاك الطراق ويمسكني ويدفني ورا ..وانا عيوني مايحتاج بس

ماصحت عشان يعرف..

ويوم انه قعد له شوي قال عسسول ..اسمعي ..اذا رحنا ان شاءالله

تصيرين مع امك ما تتعدينها وتسمعين الكلام واذا زرنا خالك ابيك تصيرين

مؤدبة زي سارة..وانا قلت : يبه

خوالي وشو؟؟<<<<ام اللسؤال

وابوي يلتفت لمي وهو يتنهد:36_1_5[1]:..قال يالدهدوهه هذا خالك

عبدالرحمن وبنته سارة ..قلت سم يالاخو<<عقب الطراق نست

منهو اللي يحاتسيها ..

ابوي قال لامي ..اقول خوذيها لا اشوتها مع الشباك..


ويوم اننا وصلنا الشرقية ..رحنا لم خالي ..وتجي بنتهم سارة وتسلم

على ابوي وتلفز بجنب ابوها وما سمعنا لها كلمة :redface:..

انا ماجاز لي الوضع ابدن ابدن..قلت ..انتي تعالي العبي معي ..

وقامت ..وانا شوي وانتفش و اقول بقلبي.. ايييه والله انك قويه

ياعسول..:36_1_11[1]:


..واطلع بالحوش والقى كورة واشووتها قلت يالله انتي الحارس

وانا بشوتك:36_7_7[1]: لا لا قصدي اجيبها عليك:36_1_1[1]:

هي قالت لا انا مالعب هنا تعالي نلعب باربي ..

قلت اقوووووووول وراه ماتطسين وتنادين اخوك فيصل ارحم منك

يالخكرية

وفي هذه الاثناء تذكرت طراق ابوووي قلت يابنت اركدي وروحي مع

هالبنت اللي وجهها تقول شكل هندسي له ست زوايا حادة

واروح معها وتمسك لعبتها قالت نلعب جيييران وش رايك؟؟

وان تحوم تسبدي ويجيني غثيان واقول يللا جعلتس مانيب قايله..والقى

لي مقص واجي وامسك الباربي واقووص في شعرها صار كنه شعر

واحد الله يذكره بالخير <<<ابد ما اقصد احد


واروح بوريها العروسة ..الا وجهها ينتفخ وبراطمها غطت وجهها من قوة

العبرة :36_1_38[1]:..وتصييح ذيك الصيحة وتشغل الونان اللي خلال

دقايق كلهم عندها ..وهي تشاهق ماقوت حتى تتكلم ..ويلتفت علي

ابوي وهو منتفخ..

وقال لي ..انتي الشر وش سويتي لها ؟؟؟ واقعد اقسم واقول

قسمن خنجر سيف ماطقيتها بس قصيت شعر باربيتها وصاحت

بزر .......


وما كملت كلامي الا وابوي يمسكني مع شوشتي وانا ماصحت بعد

ودفني بالسيارة وركب السيارة وهو يتحلطم ..ويقول انتي وجهتس وجه

كورة وتشويت وانا قلت والله اني طلعت العب بالكورة وهي عيت وش

اسوي اذا كانت بزر هو ما رد ..

وانا فاكتن هالكشرة ...:36_1_1[1]::36_1_1[1]::36_1_1[1]::36_1_1[1]:

ومن يومها ماعاد طبيت بيت خالي عقب ذاك اليوم الا يوم عقلت وغديت

اقوطر رزانه
:36_1_62[1]:


وهـ تعبت ..وانسجمت معها بصراحة وبغيت احوم تسبودكم

وتسبدي انا بعد بقوووصة يوم نسوي انفسنا شحادات <<<استروا ما

واجهتوا

بس تعبت وان شاءالله النص مجاز خخخ

شكريا كتير تو اول ميمبرز ريد ماي قوووصة



من مواضيع جــود في المنتدى


التعديل الأخير تم بواسطة جــود ; 01-07-2008 الساعة 01:14 AM
التوقيع

   
رد مع اقتباس
 
 
 
 
قديم 01-07-2008, 01:22 AM   #2
سونهام يغمور
Bioc سابقاً
 
الصورة الرمزية سونهام يغمور

 









سونهام يغمور غير متواجد حالياً
افتراضي رد: أيــــــام الــطــفـــــولة..

أول ....


كلمه تقال في لعبة البلوت لاول واحد يرمي



من مواضيع سونهام يغمور في المنتدى

التوقيع

..ادعموني هنا..
فيسبوك(FaceBook) -
مدونتي(soon)

::مواقعي الشخصية::


و اخيرا اتنشر بحث الماجستير
   
رد مع اقتباس
 
 
 
 
قديم 01-07-2008, 01:35 AM   #3
سونهام يغمور
Bioc سابقاً
 
الصورة الرمزية سونهام يغمور

 









سونهام يغمور غير متواجد حالياً
افتراضي رد: أيــــــام الــطــفـــــولة..

ياااااشريره

قاصه شعر الباربي ...!!!

و الله في يوم جاتنا وحده من قريباتي و تلعب في الباربي حقتي
و تجي خارجه و ماسكه معها الباربي و انا اصيح هااااتي

و امي تقلي خليكي عاقله هي اصغر منك
و انا ابدا ما اتنازل

ابوي تاني يوم شرالي 3 عرايس

عشان اعطيتها حقتي

<<< ما يوستفاد >>> خليكي طفله عاقله و تحوبي الباربي



من مواضيع سونهام يغمور في المنتدى

   
رد مع اقتباس
 
 
 
 
قديم 01-07-2008, 01:44 AM   #4
الريمـ
ملك الكيمياء الحيوية للجميع
 
الصورة الرمزية الريمـ

 









الريمـ غير متواجد حالياً
افتراضي رد: أيــــــام الــطــفـــــولة..

اقتباس:
تعرفون ايام اول كان حدنا كمبيوتر صخر
ياااااااوك انتي وين عااايشه فيه للحين متذكرته

اقتباس:
واروح ادرو لي شي احوسه فيه والقى جزمة ابوي <الله يكرمكم>
انا كان سلاحي النبيطااات

مير انا يوم اني كنت زغيره بلاني الله بأخو رخممه كنت افزع له كل يوم بالحاره >>ايه هين....... قسمن اني ماا أكذب خخخخخ

اقتباس:
واطلع بالحوش والقى كورة واشووتها قلت يالله انتي الحارس
لاتذكريني بالكوره كرهتها من زمااان
اخواني عقدوني منها لالعبت معهم يضحكون على لأني اشوت بس باليسار
وهم ماشاء الله يمين ويسار

اقتباس:
الا يوم عقلت وغديت اقوطر رزانه
منهي؟؟ انتي
اييييه هين خخخخخ

=====

شوكرن شوكرن صقيقتي ع القوصه
واخبر إنا قلنا لتس لاتعيدينها بعد خشم امتس



من مواضيع الريمـ في المنتدى


التعديل الأخير تم بواسطة الريمـ ; 01-07-2008 الساعة 02:00 AM
التوقيع

{حظ عـيني لو تـشوفك كل يوم...
.
.
   
رد مع اقتباس
 
 
 
 
قديم 01-07-2008, 01:52 AM   #5
نيوفي
بيوكيميائي جديد

 









نيوفي غير متواجد حالياً
افتراضي رد: أيــــــام الــطــفـــــولة..


ههههههه
اموت انا بلقصمان ولقافتهم
وحب استطلاعهم




   
رد مع اقتباس
 
 
 
 
قديم 01-07-2008, 03:14 AM   #6
وائل
كيميائي بالفطرة
 
الصورة الرمزية وائل

 









وائل غير متواجد حالياً
افتراضي رد: أيــــــام الــطــفـــــولة..

ياااااااااااهوووو وش الحركات الجديدة في المنتدى

ماصار لي يومين منقطع وبعد مادخلت المنتدى فكرت اني غلطان بالعنوان خخخخخخخ


نجد

وجود

والريم

غير اللي ما اكتشفتهم


عاااااااشت الاسامي واللله

لكن غيرو ولا جعلكم ماتغيرون اسمائكم

انا ماعرف الا


ام براهيم

وام توفيق فريال يعني

وام عبد الله الساحرة



خخخخخخخخخخخخ


انا ماقريت قوصتك يا.......يا.......ياجود خخخخخخ

ابغى اروق شوي واقراها على اقل من مهلي ونشوف وش عندك



من مواضيع وائل في المنتدى

التوقيع

   
رد مع اقتباس
 
 
 
 
قديم 01-07-2008, 03:38 AM   #7
الريمـ
ملك الكيمياء الحيوية للجميع
 
الصورة الرمزية الريمـ

 









الريمـ غير متواجد حالياً
افتراضي رد: أيــــــام الــطــفـــــولة..

^^
إن شفتك تقولي يالسااحره لأحوس مريرك >>معلوم هازا كلمه أكيد

خلوني أعيش جوو النيوووو لووووك خخخخخ



من مواضيع الريمـ في المنتدى

   
رد مع اقتباس
 
 
 
 
قديم 01-07-2008, 03:29 PM   #8
نجــد
ملك الكيمياء الحيوية للجميع
 
الصورة الرمزية نجــد

 









نجــد غير متواجد حالياً
Confused رد: أيــــــام الــطــفـــــولة..

[align=center]تسجيل مروووور,,

ولي شقلبه هيناااا
[/align]

[align=right]ميته ضحك ,,بروح وارجع[/align]



من مواضيع نجــد في المنتدى

التوقيع

:


:

:


هنــاك بعيــد

يا الشــوق غنينـي وحبينــي


هينـا لاتقــربي

ضـاق المكـان بزحمــة الأقــدار
   
رد مع اقتباس
 
 
 
 
قديم 01-07-2008, 04:11 PM   #9
نجــد
ملك الكيمياء الحيوية للجميع
 
الصورة الرمزية نجــد

 









نجــد غير متواجد حالياً
افتراضي رد: أيــــــام الــطــفـــــولة..

[align=center]
اقتباس:
اسمع ياللي بتقرا ان كانك معنصب والا واصلتن روحك بخشمك وشايش

على راعي البقالة لانه جاب لك ديو بدل الميرندا الله لايهينك لايردك الا الـ

back
كنت معنصبة ثم رجعت<<لاياشيخة..

اقتباس:
القوووصة ترا فيها من النصب والحتسي الفاضي واجد وفيها من الصدتس

الشي الاوجد..
لاغريب في الموزوع خخخخ


اقتباس:
الجزء الأولــ:


الحرب مع عيال الجيران ..
اقتباس:
قلت : وش دخلك انا ببيتنا وعناد هه بلمس جدار بيتكم كييفي<<ام المبزرة اللي عايشتها

قال اقلبي وجهك ..
:36_1_20[1]::36_1_20[1]::36_1_20[1]::36_1_20[1]::36_1_20[1]:





اقتباس:
جا الوجه السمح ابيي وانا في بهالحالة وما اذكر وش قال ذيك الساعة

<<تصريفة
تذكري ونحتريتس خخخخ

---

اقتباس:
الجزء الثاني ..

روحتنا للشرقية..
هاتي...

اقتباس:
خوالي وشو؟؟<<<<ام اللسؤال
وهــ..اثرتس دلخة منذ مبطي ههههههه

اقتباس:
بس تعبت وان شاءالله النص مجاز خخخ
والله مدري ان كان الدختور غسان يجيزها ..<براااا

===

جوود,,ياعليتس طفووله حافله بالدلاخة وانا اختس..

قسمن بغى ينشق بطنى من الزحك

شقرن شقرن شقرن..ياحبني لتس..
[/align]



من مواضيع نجــد في المنتدى

   
رد مع اقتباس
 
 
 
 
قديم 01-08-2008, 01:47 AM   #10
جــود
ملك الكيمياء الحيوية للجميع
 
الصورة الرمزية جــود

 









جــود غير متواجد حالياً
افتراضي رد: أيــــــام الــطــفـــــولة..

[align=center]بيوك..

اقتباس:
أول ....


كلمه تقال في لعبة البلوت لاول واحد يرمي

اخييييييييييييييري

كلمة تنقال لابغينا نلعب غميمة

هلااااااااابكـ


اقتباس:
ياااااشريره

قاصه شعر الباربي ...!!!
اييييييييييييييييييه ما احبها ..احب العرايس احلى منها

خخخ


اقتباس:
و الله في يوم جاتنا وحده من قريباتي و تلعب في الباربي حقتي
و تجي خارجه و ماسكه معها الباربي و انا اصيح هااااتي

و امي تقلي خليكي عاقله هي اصغر منك
و انا ابدا ما اتنازل

ابوي تاني يوم شرالي 3 عرايس
لا حررررررام انا كنت اعطيهم .مرة شريت زلاجات جديدة وماصار لي اسبوع جتنا وحدة

ومرة اعجبتها و24 تراكض فيها بالاخير عطيتها اياه <<ام الكرم اللي عايشته

خخخخخ


اقتباس:
<<< ما يوستفاد >>> خليكي طفله عاقله و تحوبي الباربي
غصب ما ارتاح لها <<<<خير

احب الدباديب والعرايس ..خخخخخخخ


شكريا بيوكـ على قص شريط الموزوووووووووووووووووع


اللي بعدو



******************************

الريم..


اقتباس:
ياااااااوك انتي وين عااايشه فيه للحين متذكرته

اذكري الله

خخخخخخخ

لا يوم صرت بالمتوسط نزل واحد ملون وشريته بعد خخخخخخخ

يقال لكـ فيه تعليم انجليزي خخخ


اقتباس:
انا كان سلاحي النبيطااات

اييييييييييه مرت جيراننا اذا قعدت تاكل قعدنا وراها وقمنا نبطها بأورراااااااااق

ما نخلي احد بحاله..


اقتباس:
وهم ماشاء الله يمين ويسار
ماشاءالله عليهم انا بس يمين

اقتباس:
منهي؟؟ انتي
اييييه هين خخخخخ
الخلاااااااااااااااااااااااااا


شكريا ريمو على مرورتس القاضي

اللي عقبها


***********************************

نيوف..


اقتباس:
ههههههه
اموت انا بلقصمان ولقافتهم
وحب استطلاعهم

تحاكيني والا اللي بجنبكـ؟؟

وش دخل القصمااااااااااااااان ؟؟

شكرا لمروركـ


*********************

وائل..

اقتباس:
ياااااااااااهوووو وش الحركات الجديدة في المنتدى

ماصار لي يومين منقطع وبعد مادخلت المنتدى فكرت اني غلطان بالعنوان خخخخخخخ

خخخخخخخخخخخ..شرايكـ بالفساطين الجديده خخخخخ؟؟



اقتباس:
عاااااااشت الاسامي واللله
عاشت يور ايام خيو


اقتباس:
ام براهيم

وام توفيق فريال يعني

وام عبد الله الساحرة
هههههههههههههههههههه


اقتباس:
انا ماقريت قوصتك يا.......يا.......ياجود خخخخخخ

نعم نعم ..معكـ عسولة


اقتباس:
ابغى اروق شوي واقراها على اقل من مهلي ونشوف وش عندك

رووووووووووق على كيفكـ بس مو تسحب خخخخخخخخ

شكريا اخوي وائل عالمرور<<<<مأدبة

اللي بعدووو


**********************

نجد..


اقتباس:
تسجيل مروووور,,

ولي شقلبه هيناااا
تشقلبي على كيفتس وانا اخيتس

اقتباس:
تذكري ونحتريتس خخخخ
ام التحجييييييييييييييير اللي عايشته خخخخخخخ

اقتباس:
هاتي...
القفي

اقتباس:

وهــ..اثرتس دلخة منذ مبطي ههههههه
صقيقتس انتي وريم ماعلي شرهه

اقتباس:
والله مدري ان كان الدختور غسان يجيزها ..<براااا

وش ابي فيه ؟؟ اهم حاجة سولتان!!خخخ




اقتباس:
جوود,,ياعليتس طفووله حافله بالدلاخة وانا اختس..

قسمن بغى ينشق بطنى من الزحك

شقرن شقرن شقرن..ياحبني لتس


شكريا ماي فريند.. يو دونت نو هاو متش آي لوف يو whhh..bs



شكريااااااااااااااا للكل واللي عنده موقف او قوووصة يسدحها هووونا ودنا نذهك خخخ[/align]



من مواضيع جــود في المنتدى

   
رد مع اقتباس
 
 
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



الساعة الآن 07:52 PM


Powered by vBulletin® Version 3.8.7
Copyright ©2000 - 2024, vBulletin Solutions, Inc.
يوتك