.لاهم مثل هم العــرس .. ولا غلا مثل غلا الرز..!!>>سووووولافة

[نجــد]

[align=center]




------
------

سالخير
تسيف الحال,,,

لي يومين مدري وش فيني ..أحس إن صداع ناشبن بمووخي

وتسبدي توجعني.. على الرغم أني كنت سهرانه عند مرموورا..

عقب هاليومين كتبت هزاك الموزوع ,,أبيات مووضحكة .....
وعقبها قلت... آآآتشووووو<<عطست الحمد لله ؛؛يرحمكم الله
الموهم ..أيقنت يقيناً أنني سأوزكم (بتجيني زكمه)

ثمن أتت عسولة للرياض ..إلا والزكمة ناشبتن بي..
ومع هزا وزاك بخاطري هرجن سثير وسوالـــــف ناسن فاضية..:36_7_7[1]:

خولاصة هالمقدمة ,,إن قريتوا لكم كلمة تسذا ولا ستذا لاتشرهون علي
>>مازلت في فترة الحضانة>> حضانة المرض خخخ

----------


مثل مالكم شايفين العنوان ,,
آآآخ يــاهم العرس >>أحلفي
خخخخخ

دزت جارتنا على أمي وقالت لها : أم عقاب ترى القهوة عندنا ذا العصرية ..لاتنسين تعالي وجيبي ورود معاتس نوير تحتريها..

أمي : أبشري أبشري أم بدر ,, ولا تتكلفون بالحلى ترى ورود بتسويه لكم ..<<على كيفك يمّه

>> هنــا جتني الوالده : ورود سوي لنا ذاك الحلــى..
اييييه ذاك الحلى ماتدرون وش سالفته؟؟

يومنا كنا طالبات (منذ مبطي يعني)..
كل يوم اثنين واربعاء عندنا عوزومة باليونيفرستي حقتنا خخخخ

وكل ماقلنا على مين الحلى ؟؟.. طقت عسولة الصدر..
وكل ماجابت لنا حلى .. جابت حلى الـ....
وكل ماصار عندنا حلى جابت حلى الـ...
وكل ماصار عندنا حلى جابت حلى الـ...
وكل ماصار عندنا حلى جابت حلى الـ...
وكل ماصار عندنا حلى جابت حلى الـ...


مليتــوا صح..

حتى أنا ..كل مره نفس الحلى >>طلع مع خشومنا .خخخ

رحت بسويه لأهلنا وعجبهم بقووووه..

وكل مامر اسبوع سويت لهم نفس الحلى ,,>>طلع مع خشومهم ..
آآخ لو تدرين يا أم بدر أي حلى بسويلك..>>اللي طلع ......ههههههه

الله يكرم النعمه <<بدري
الموهم نويتن ثانية نرجع للسولافة ..

سويت ذاك الحلى وقلت للوالدة يمه بنام ..وإذا جا العصر قوميني تراي طفشانه بطلع..
وإذا ماقمت ..إرفسيني ثلاث رفسات وإن شاء الله إني بصحصح<<خيشة نوووم خخخخخ

رحت غرفتي وصكيت الباب وراي وقبل لأصكه ..حطيت ورقة حجم A3 مكتوب عيها مايلي..
(قسمن اللي يشوت الكورة وأنا نايمــة .. لأتوطى ببطنه)

ثمن صارت الدنيا سوووودا وماعاد حسيت بالكووون ..>>أثرني نمت:36_1_50[1]:

فتحت عيوني بعد شوي إلا أسمع صوت الآذان ..قمت مستانسة قبل لا تقومني أمي ..

طلعت الصالة ..لااااااااا:eek:

أثره أذان صلاة العشاء >>تحطيم..
وأروح لمامي ..يمه ليه عملتي (هيك) يعني ستذا

أمي: مليت وأنا أقومتس مير خيييشة نووم طالعتن على أبوتس

ثمن قالت آآآه ياهم العرس خخخخ

يمه وش عرسه؟؟

أمي : أبد يومني رحت لم أم بدر قمنا نتكلم عن العرس وما عرس وعن هالشباب المسيكين كودهم يعرسون بسس>>إيه هين

أنا: ليه وش المشكلة ؟؟
أمي: يابنتي ياورود العرس يبيه مصاريف يكلف يكللللف ,,والشباب هاليومين نصهم عطاليه..

>>في هذه الأثناء جاني هاجوس يقول كم يصرفووون على العرس .. وتخيلت نفسي ولـــد >>ياهوووو
لااا وسميت نفسي (طلال)<<جايزلي ذا الاسم ههههه

وجيت أبعرس ..
وبنت جيرانا نوير ماعليها مزيونه بخطبها ..:36_3_1[1]:

لا وتوني متخرج قسم حيوي >>هين إن لقيت وظيفة ..بس يلا فرضاً توظفت ههههه
لا وراتبي 1800 مع البدلات 3200 >>يابختي >>برااا خخخخ

نفترض فرضيات العرس ..

المهر
60.000
القاعة والعشا
40.000
الطقاقة والحلى والكوشة >>كنت بنت أقدر الوضع خخخ
15.000
امم وش بعد وش بعد وش بقى ياربيييي
ايه الشقة ايجار + اثاث
30.000
شهر العسل من سفر وخرابيط
10.000 مدري عاد بقى شي لعرسي؟؟ ,,تيب تيب
------
المجموع 155.000 ريال
ياحووووول ,,طيب راتبي 3200 بصرف 200 وأجمع ذا الـ 3000 << إيه هين قابلني
بظرف سنه 36000
سنتين 72000
ثلاث سنوات 108000
اربع سنوات 144000
خمس سنوات 180000
>>يالليل ,,بعد خمس سنوات بعرس ..الله يعينتس يانوير ..الوكاد انتس اعرستي ..

بدور عروسة غيرتس..
>>>>>>>>>>
>>>>>>>>>>>>>
>>>>>>>>>


ولولوليييييش وأخيراً أعرست والليلة صبـــاحي خخخخ

عقب شهر جتني مرتي تدربي دمجتها فاتورتي 500>>حاط لها حد إئتماني خخخخ
وأبي مقاضي للبيت ..
سدد الثابت والكهرب ..

>>طيب نشوف
مصروف المره 1000 ريال<<مكافأه صارت خخخ
الكهرب والتلفون 1000<< اتحداك
ايجار الشقة 1300
مقاضي البيت 500
مقاضي شخصيه 500
احتياطي 200
-----
المجموع 4500 >>وراتبي 3200
>>وجه يبتسي

>>أحد عنده سلف ياشباب؟؟...

>>عقب خمس سنوات جاني ولد وبنتين ..

ومــايكلون إلا رز >>أمهم معودتهم على البذخ...>>


>>>صدز لا هم مثل هم العرس ..ولا غلا مثل غلا الز ..
.يـــبـــه زوجني :confused:
....
>>هونيا قمت من هالغفوة وقلت (الحمد لله إني قذله ) :36_1_34[1]:
>>يمه مرتن ثانيه اذا بغيتي تروحين لم ام بدر ماني برايحه ,,بس سلميلي على نوير خخخخخخخ

** النهـــاية **
------



مايوستفاد من السولافة/
- ننصحكم بالإكثار من أكل الفواكه والخضروات لما لها من فوائد عظيمة للصحة والبشرة والتقليل من الرز لأنه يسبب زيادة الوزن وزيادة الطفر.

- أخي طالب الجامعة جمّع مكافأتك واحدتن تلو الأخرى استعداداً للعرس

- أخي الشاب ..نرجو منك مراجعة الصيدلية لمعرفة أفضل أنواع صبغات الشعر واللحية >>يمديك تصبغ لاجيت تعرس وانت شايب

- أختي الشابه أعرسي على واحد ماكد دخل الجامعة كوده يهنيتس خخخخخ
--------

****مولاحظة/ بغيب يومين عندي اجازة من الدختور..
--------

خلصت السولافة ,,سلاااام[/align]

[سونهام يغمور]

الله يرج ابليسك


سالفه طويله عريضه عشان تقولي هالكلمتين

طيب ابي اعرف صفة الحلى <<< اكيد مافيه رز

[صــــالح]

من جد طولتيها وهي قصيره
في البدايه مليت شوي بس بعدين تحمست وتحطمت شكلي اببطي ماتزوجت

يصراحه ماشاء الله عليك والله عندك اسوب كتابه


موضوع رائع يناقش مشكلاتنا وبطريقه مررررررررررره حلوه
اهنئك ورود على الاسلوب

[جــود]

[color=#0000FF]

سالخير

سالنور

تسيف الحال,,,

هلا بتس تمام <<<مقطعها الاخلاص

لي يومين مدري وش فيني ..أحس إن صداع ناشبن بمووخي

من متى وانتي صاحية ؟؟!!!

عقب هاليومين كتبت هزاك الموزوع ,,أبيات مووضحكة .....
وعقبها قلت... آآآتشووووو<<عطست الحمد لله ؛؛يرحمكم الله

يهديكم الله ويصلح بالكم

ثمن أتت عسولة للرياض ..إلا والزكمة ناشبتن بي..
ومع هزا وزاك بخاطري هرجن سثير وسوالـــــف ناسن فاضية..:36_7_7[1]:

المفروض جبت لكم شوي دفا يالدلخة:36_1_59[1]:

خولاصة هالمقدمة ,,إن قريتوا لكم كلمة تسذا ولا ستذا لاتشرهون علي
>>مازلت في فترة الحضانة>> حضانة المرض خخخ

الحين كل هذي مقدمة !!!!!!!!!!!


مانيب ...


مع السلامة



















هاااااااااااااااو ..لاتصيرين صدقتي باكمخة :36_9_1[1]:

أمي : أبشري أبشري أم بدر ,, ولا تتكلفون بالحلى ترى ورود بتسويه لكم ..<<على كيفك يمّه

اشوى اني كنت موب هنا خخخخ:briggin:

يومنا كنا طالبات (منذ مبطي يعني)..
كل يوم اثنين واربعاء عندنا عوزومة باليونيفرستي حقتنا خخخخ

وكل ماقلنا على مين الحلى ؟؟.. طقت عسولة الصدر..
وكل ماجابت لنا حلى .. جابت حلى الـ....
وكل ماصار عندنا حلى جابت حلى الـ...
وكل ماصار عندنا حلى جابت حلى الـ...
وكل ماصار عندنا حلى جابت حلى الـ...
وكل ماصار عندنا حلى جابت حلى الـ...


مليتــوا صح.

حتى أنا ..كل مره نفس الحلى >>طلع مع خشومنا .خخخ

احمدي ربتس انتي واياهم والله ماكنتوا تبقون شي ..

ثمن صارت الدنيا سوووودا وماعاد حسيت بالكووون ..>>أثرني نمت:36_1_50[1]:

يخلق من الدلاخة مالاتعلمون


وشو ووووو؟؟!!!


اهوووووووووه عطيني رقم نوير خليني افتن عليتس

<<<<مسحت جملتك بس والله ما ارجع<<<اعصابتس

لا وتوني متخرج قسم حيوي >>هين إن لقيت وظيفة ..بس يلا فرضاً توظفت ههههه
لا وراتبي 1800 مع البدلات 3200 >>يابختي >>برااا خخخخ

تصدقين ..اول كلمة صح تقولينها ,قعدت اصفق يوم قريتها وامي كفختي بالخدادية اللي

بجنب هير سيلف

نفترض فرضيات العرس ..

جانا فيثاغورس زمانه..وفيثاغورس 2 بيحسب معكـ:36_9_1[1]:

المهر
60.000

هذي صح ,, وممكن 50000

القاعة والعشا
40.000

ياحليلك ماتجي القاعة اربعين اقل شي سبعين يعني ميه مع العشا اقل شي

لكن هذي الظاهرة اللي بصراحة ما ادري وش تبي ؟؟!!

يعني من وجهة نظري خاصة في هذي الايام ..ان الحفلة الكبيرة مالها داعي

يعني (اعظمكن بركة ايسركن مؤؤنة)..

وممكن الزوارة بعدين يسوونها كبيرة اذا بغوا

واذا البنت ودها بزواج كبير ..تدفع من جيبها الله لايهينها

الطقاقة والحلى والكوشة

الرجال ماله دخل بأي شي من هذا ,المفروض البنت تدفعه

امم وش بعد وش بعد وش بقى ياربيييي
ايه الشقة ايجار + اثاث
30.000

هذي الميزانية مالي علم فيها

وشهر العسل ..

ما ادري بعد بس اتوقع اقلها ثلاثين

معليش شكلي بتكلم بشكل جدي ..

الان عند القبايل _تراي قبيلية _ المتمسكين بعاداتهم يكبرون موضوع ان اهل البنت هي

اللي عليها القاعة ومكملاتها ..وكل من قلت له انه احنا في مجتمعنا ..العرس على

الحرمة..شوي وتجيهم سكتة ويستغربون لييييييييييه ؟؟

ويقولون لا البنت معززة مكرمة وهذا فيه من الذل انها تتكفل بالعرس

هي ماعليها الا تلبس عبايتها وتجي !!!!!!!!!!!!!!!!!!!

صراحة ما ادري ليش هالعادة لازالوا متمسكين فيها لا ملزقين بباتكس فيها بعد


_معليش شطحت عن الموضوع شطحا بس حبيت اكتب عن هذا الشي دام صقيقتي

جابت طاري العرس_



مايوستفاد من السولافة/

-

ننصحكم بالإكثار من أكل الفواكه والخضروات لما لها من فوائد عظيمة للصحة والبشرة والتقليل من الرز لأنه يسبب زيادة الوزن وزيادة الطفر.

لا ابشرك الملك بيموَل الرز والحليب خخخخخ

- أخي الشاب ..نرجو منك مراجعة الصيدلية لمعرفة أفضل أنواع صبغات الشعر واللحية >>يمديك تصبغ لاجيت تعرس وانت شايب

لا ان شاءالله ..ربي يسهل على كل شخص يتمنى اي شي ويسهل رزقه ياااارب

<<<قسم بالله ترا من جد متعاطفة معهم


<<<<<<<<<<<<<


سولااافة مثلتس وانا اخيتس

ياحبني لتس ولو اني شطحت نحو الجد برهة من الزمن <<<عسى ماشر


بس شكريا كتير فور يو صقيقتي

[وائل]

اولا الحمد للله اني القوصة ماهي فيني لاني يوم شفت العنوان قصه لا ومن ورود قلت هاذي في صلوعتي

خخخخخخخخخخخخخخخخ


:36_1_20[1]::36_1_20[1]:

المشاركة الأصلية كتبت بواسطة ورود

[align=center]



>> هنــا جتني الوالده : ورود سوي لنا ذاك الحلــى
اييييه ذاك الحلى ماتدرون وش سالفته؟؟
[/align]

ورود شكلك طباخة محترفة


الا وش رايك تسوين لنا جريش <<<<هذا وقتة


خخخخخخخخخخخخ


من جد الليلة وفي هالوقت نفسي هافتني على جريش مادري ليش

:36_1_59[1]:

ومافية مانع تسوين لنا نوعين والا ثلاثة والا اربعة انواع حلا <<<<<زودها خخخخخخ <<<<اموت في الحلى خاصة بعد صلاة العشاء

المشاركة الأصلية كتبت بواسطة ورود

[align=center]

المهر
60.000
القاعة والعشا
40.000
الطقاقة والحلى والكوشة >>كنت بنت أقدر الوضع خخخ
15.000
امم وش بعد وش بعد وش بقى ياربيييي
ايه الشقة ايجار + اثاث
30.000
شهر العسل من سفر وخرابيط
10.000 مدري عاد بقى شي لعرسي؟؟ ,,تيب تيب
------
المجموع 155.000 ريال
[/align]

هاذي اذا كانت مختصرة مرررررة مررررررة والان صعبة العشاء والقاعة ب 40000 اقل شي اقل شي اذا مرة 60000 <<<< الشعير مولع نااااااار وبالتالي الذبايح نااااااااااااااار نااااااااااااااااااار

والاثاث والشقة لايمكن يكون اقل من 50000

<< الاسعار في كل شي مولعة مولعة

المشاركة الأصلية كتبت بواسطة ورود

[align=center]

.

- أخي طالب الجامعة جمّع مكافأتك واحدتن تلو الأخرى استعداداً للعرس

[/align]

اللي يسمعك يقول المكافأة 10000 ريال علشان يوفرون منها


والله ماينزل الالف الا يحوسونك الديانة من كل جهه راعي البقالة يطلب وراعي محطه البنزين يطلب والاتصالات تتطلب والله ماتسوي ولا شي بس الله يطول بعمر الوالد مايقصر

المشاركة الأصلية كتبت بواسطة ورود

[align=center]

عقب شهر جتني مرتي تدربي دمجتها فاتورتي 500>>حاط لها حد إئتماني خخخخ
وأبي مقاضي للبيت ..
سدد الثابت والكهرب ..

>>طيب نشوف
مصروف المره 1000 ريال<<مكافأه صارت خخخ
الكهرب والتلفون 1000<< اتحداك
ايجار الشقة 1300
مقاضي البيت 500
مقاضي شخصيه 500
احتياطي 200
-----
المجموع 4500 >>وراتبي 3200
>>وجه يبتسي

[/align]

والله جبتيها

ياسحالي الله يصلحكن اذا شفتي تمساحك مطفر وحالتة حالة ماتجينة وتقولين اعطني فلوس ابغى اروح للسوق حتى اذا اعطاك هو من نفسة من دون ماتقولين له انتي قوليلة ما ابغى وفر على نفسك يازوجي <<<<<< والله لتبطي خخخخخخخخ

:36_1_20[1]::36_1_20[1]:

المهوهم هاذي معناه الشباب كلهم لكن مانقول الله يصلح الحال




ورود يسلمووووووو موضوع هااااام وطر ح رائع

[نجــد]

هلاااا والله بالربع

مسوية زحمة بموزوعي<<بغت تجيها حالة نفسية ما احد رد ههههه

يلااا نمسكم بالدوووور..

--------

الله يرج ابليسك


سالفه طويله عريضه عشان تقولي هالكلمتين

طيب ابي اعرف صفة الحلى <<< اكيد مافيه رز

هلااا والله بالمديرة ,,شقرن شقرن جزيلاً لقص الشريط
وبعدين قلت لك كنت مسخنة وانا اكتبها يعني عااادي ..
اما الحلى ..راجعي مقلط الحريم ههههه

--------------

من جد طولتيها وهي قصيره
في البدايه مليت شوي بس بعدين تحمست وتحطمت شكلي اببطي ماتزوجت

هلاااا عالم خاش موضوعي المتواضع <<<اقول اسكتي
مليت..تحمست..تحطمت..
اشوى ماجت الا على كذا خخخخخ يلا لاتتحطم لابغيت تعرس بس عطني خبر والتكاليف كل ابوها علي<<بتورطه خخخخخ

يصراحه ماشاء الله عليك والله عندك اسوب كتابه

موضوع رائع يناقش مشكلاتنا وبطريقه مررررررررررره حلوه
اهنئك ورود على الاسلوب

تسلم عالم من زوقك ,,وعيدها كل ماشفتني رازه شي سير علينا ههههه..
شقرن ع المرور..

اللي بعدوووو.........

------------------










-----------------

هذي انتي .. وهـ ليلنا طوووويل خخخخخخ
يلا تعالي ..

من متى وانتي صاحية ؟؟!!!

من يومين تقريباً <<قبل السولافة..

يهديكم الله ويصلح بالكم

شقرن

هاااااااااااااااو ..لاتصيرين صدقتي باكمخة

وهـ حبستني العبرة خخخخخ

يخلق من الدلاخة مالاتعلمون


وشو ووووو؟؟!!!

خخخخخ اسعلي وايل ياجته حالة دلاخة مستعصية مني <<يحبها قلبك خخخخخ

تصدقين ..اول كلمة صح تقولينها ,قعدت اصفق يوم قريتها وامي كفختي بالخدادية اللي

بجنب هير سيلف

ياشين التحمس على غير فايده ,,:36_1_28[1]:

الان عند القبايل _تراي قبيلية _ المتمسكين بعاداتهم يكبرون موضوع ان اهل البنت هي

اللي عليها القاعة ومكملاتها ..وكل من قلت له انه احنا في مجتمعنا ..العرس على

الحرمة..شوي وتجيهم سكتة ويستغربون لييييييييييه ؟؟

اييييه ليييييييييييييه؟؟ سلامات ام الشباب .. يبيني ياخذني بمصاريفي <<يحمد ربه خذيته<<داخلة مضاااربة ههههه

طبعا امزح وانا أأيدك بكل ماكتبتي ..

صراحة ما ادري ليش هالعادة لازالوا متمسكين فيها لا ملزقين بباتكس فيها بعد

كنها تسب <<خخخخخ

لا ابشرك الملك بيموَل الرز والحليب خخخخخ

مولها عقب سولافتي ههههههه<<اعصابتس

سولااافة مثلتس وانا اخيتس

ياحبني لتس ولو اني شطحت نحو الجد برهة من الزمن <<<عسى ماشر


بس شكريا كتير فور يو صقيقتي

الله مير يلمتس ويخليتس ذخر للأمة العربية والاسلامية <<عسى ماشر ههههه

باااااااااااااس هذا ردتس<<براااااا

شقرن شقرن يابعد من قام وقعد ..

اللي بعدووووو............

-------------

اولا الحمد للله اني القوصة ماهي فيني لاني يوم شفت العنوان قصه لا ومن ورود قلت هاذي في صلوعتي

خخخخخخخخخخخخخخخخ

اذا رجعت للسولافة تلقاني ذكرت اني تخيلت نفسي ولد وسميت نفسي طلال صح؟؟
بس للأمانة تخيلت نفسي ولد واسمي طلال وأصلع ..خخخخخخخ
<<محد قلك تكلم خخخخخخ

ورود شكلك طباخة محترفة


الا وش رايك تسوين لنا جريش <<<<هذا وقتة


خخخخخخخخخخخخ

اووووه من ناحية الطبخ ..مافيها كلااام ..
اصلن كل ماسويت طبخة قالولي ماصخ <<قصدي يممممم

ومافية مانع تسوين لنا نوعين والا ثلاثة والا اربعة انواع حلا <<<<<زودها خخخخخخ <<<<اموت في الحلى خاصة بعد صلاة العشاء

اقول ..وخر شوي..
عسولة استلميه..:36_7_3[1]:

هاذي اذا كانت مختصرة مرررررة مررررررة والان صعبة العشاء والقاعة ب 40000 اقل شي اقل شي اذا مرة 60000 <<<< الشعير مولع نااااااار وبالتالي الذبايح نااااااااااااااار نااااااااااااااااااار

امممم والله ماعندي فكره بالموضوع ابد ابد وش دخلني انا ..لايكون بسوي العرس وانا مدري<<ترفع الضغط:36_1_28[1]:

لا من جد كل اللي ذكرته تقديري ومن نسج الخيال ..

والله جبتيها

ياسحالي الله يصلحكن اذا شفتي تمساحك مطفر وحالتة حالة ماتجينة وتقولين اعطني فلوس ابغى اروح للسوق حتى اذا اعطاك هو من نفسة من دون ماتقولين له انتي قوليلة ما ابغى وفر على نفسك يازوجي <<<<<< والله لتبطي خخخخخخخخ

سحالي في عينك ياخي خخخخخخطيب <<ايه هين..

ورود يسلمووووووو موضوع هااااام وطر ح رائع

الله مير يسلمك ويعافيك ويزوجك وانت وعالم صغير<<عشان مروا موضوعي خخخخ
,,وشقرن شقرن للمرور:36_3_13[1]:

ايه عشان الشباب اللي في باله يعرس يبطل

وصرحة موضوع يسد النفس عن الزواج

هههههههه

اجل كيف اللي يعرس اول مرة و يصير تتش ويطلق

ويعرس مررة ثانية



يبي له ينتظر 5 سنوات ثانية



مشواااااااااااار الله يعين




-------

وتكفين مرة ثانية لاتسوين مقدمة خخخخخخخخخخخخخخخ

[نجــد]

المشاركة الأصلية كتبت بواسطة خالــد

ايه عشان الشباب اللي في باله يعرس يبطل

وصرحة موضوع يسد النفس عن الزواج

هههههههه

اجل كيف اللي يعرس اول مرة و يصير تتش ويطلق

ويعرس مررة ثانية



يبي له ينتظر 5 سنوات ثانية



مشواااااااااااار الله يعين




-------

وتكفين مرة ثانية لاتسوين مقدمة خخخخخخخخخخخخخخخ

خخخخخخخخ مووقدمة <<لااا ابشر ابشر الموزوع الجاي كله موووقدمه خخخخخخ

اقووول ....
يسد النفس هاااا

أحسن
<<ماعندها وقت هههههه

أجل ناوي تطلق وتعرس والله أمحق شبـــــااااب ..<<بتصفق

الله يعين اللي بتاخذك أنا اشهد امها داعية عليها هههههههه

هههههههههههههههه

امزح امزح ..

نورت موزوعي وجه النكبة منذ مبطي ماشفناك..
شقرن ع المرور

[جــود]

عسولة استلميه..

مطعم عسولة للحلويات يرحب بكم ..اطلب تجد

بس لاتكثرون خخخ

ويعرس مررة ثانية



يبي له ينتظر 5 سنوات ثانية

<<<شهقة انتفض لها قلب الشاعر وسالت لها الاودية <<يامصلتس

ناوي تعرس مرة ثانية جعلك مانيب قايلة ؟؟؟!!!!!

اسمع اذا بغيت تعرس قل لي ..قسمن اوري زوجتك هالرد

[وائل]

المشاركة الأصلية كتبت بواسطة ورود

اووووه من ناحية الطبخ ..مافيها كلااام ..
اصلن كل ماسويت طبخة قالولي ماصخ <<قصدي يممممم


اقول ..وخر شوي..
عسولة استلميه..:36_7_3[1]:

]:

المشاركة الأصلية كتبت بواسطة الدكتورة العسولة

مطعم عسولة للحلويات يرحب بكم ..اطلب تجد

بس لاتكثرون خخخ



[color=#0000FF[/color]

عسولة الله لا يهينك مادمك سهرانة لهالوقت ادخلي المطبخ واعملينا شي طبخة شعبية لااااازم شعبية على ذوقك وسوينا معها كذا نوع حلا 3 او اربعة4


وخلي مرمورة تساعدك خخخخخخخخ

المشاركة الأصلية كتبت بواسطة الدكتورة العسولة

<<<شهقة انتفض لها قلب الشاعر وسالت لها الاودية <<يامصلتس

ناوي تعرس مرة ثانية جعلك مانيب قايلة ؟؟؟!!!!!

اوف ووش فيها اذا اعرس الرجال على حرمتة

الشرع حلل اربع



انا ناوي ادق اربع حريم وكل وحدة تكون من قبيلة واسكنهم في بيت واحد علشان اشوف تصادم الحضارات خخخخخخخخخخ <<<< مثل الحاج متولي خخخخخخخخخ



<<<<<<انت جيب الاولة بعدين فكر في الثانية والثالثة والرابعة هههههههههه