[سالم سيار] الجراح

[سونهام يغمور]

عسى ماأزعلتك البارح وزودت الجـراح جـراح
عسى مامرت الدمعه على اهدابـك مـن أسبابـى
جرحتك من كثر شوقى وخليـت الكـلام رمـاح
ولا أدرى شلون ياعمرى طعنتـك حيـل بعتابـى
بدون شعور صدقنى تـرى كثـر الغـلا ذبـاح
تعال وشـوف بغيابـك غـلاك شلـون سوابـى
حرام تغيب من عمرى وتعطينى الفـراق وشـاح
حرام الدمع فـى عينـى مناديلـه هـى أهدابـى
غيابك يشغـل عيـون الزوايـا وأمتلـى أشبـاح
وأنا أنثر صوتك بقلب المكـان وأشعـل أبوابـى
تلتفت للأمل دام الرجـى فـى عمـرى المنـواح
أناديلك..أناديلك لو شرهت وصولك تقطع أعصابى
أبيك الجاى من عمرى ...انا مابيـك شـى وراح
مدامـاك أجمـل وآخر..مدامـاك اول أحبـابـى
أبى أرتاح ياعمرى.. انا أدرى هم تبـى ترتـاح
تعال...تعال وقبل ماأفرح ترى تفرح بـك ثيابـى
أحبك.. أحبك يا بعد الحزن والجـرح والأفـراح
أحبك.. أحبك كثر مانامت عيونك داخـل أهدابـى

[دلوعة]

جميل جدا معلمه بيوك

[نواره]

تسلمي كتيير بيوك

[ولد المدينه]

سلم بنانك اختي
وسلم نقلك
والف شكر لك
والله يعطيك الف عافيه
لاهنتي
تقبلي مروري