الرئيسية التحكم التسجيل
 

 
 
العودة   منتديات الكيمياء الحيوية للجميع > الأقسام العامة > رحّب.. اضحك.. العب.. فرفش
 
 

رحّب.. اضحك.. العب.. فرفش استراحة الاعضاء للترحيب و اللعب و المزح

إضافة رد
 
 
 
أدوات الموضوع انواع عرض الموضوع
 
 
 
 
قديم 09-16-2007, 04:17 AM   #1
راسبوتين
[عضو شرف]
 
الصورة الرمزية راسبوتين

 









راسبوتين غير متواجد حالياً
افتراضي قصة ( انا وخالد في مهمة سرية ) .. ج2

انا وخالد في مهمة سرية .... ج2

ملخص لما مضى :
خالد سبب زحمة وقال يبغى يغير جو ويروح لديرتهم .. قام واستعان براسبوتين اللي اقنع بيوك على الموافقه .. بس فيه بعض الشباب كانوا معارضين .. لكن تم اقناعهم .. وبدأ خالد وراسبوتين في الاستعدادات للذهاب في المهمة السرية . ( لمزيد من التفاصيل والحش والهبال ارجع للجزء الأول ) .


( 1)

تجهز خالد وراسبوتين للسفر .. واعدوا اغراضهم .. واخذوا الاذن الخطي والعهدي والمرئي والمسموع والجيل الثالث وكل شيء لازم من بيوك .. وحركوا العصر بعدما اكلو وجبة غداء كان الملح فيها زائد وكلها بسبب الدموع الهاطلات على فراقهما >> والا ما ندري هي دموع والا دلاخه اللي طبخ ..
قال خالد لراسبوتين : أخييرا .. اخيييييييييييرا بأشوفها ..
قال راس : من هي ؟؟ حبيبتك .؟؟
قال خالد : حبيبة ايش يالأدلخ .. اخيرا باشوف ديرتي .. موطن الصبا ..
قال راس : ايه هين ..
ركب خالد وراس لسيارة راسبوتين واللي من صوتها يقوم الموتى من المقابر ويقولون : وش هذي ؟؟ والله لو انك مركب ماطور اف 16 .. تراك ازعجتنا ..
وفي تصريح من الولايات المتحدة الاسترالية أكد ان صوت سيارة راسبوتين كان له اثر بالغ في توسع ثقب الاوزون >>> والله من يوم عرفت نفسي وهم يقولون ثقب في الاوزون ..

المهم ان خالد وراس ركبوا السيارة اللي موديلها 95 من نوع كورولا ( ترى صدق سيارتي كذا ) وباسم الله .. نحو الباحة ..
طبعا اللي يسوق راسبوتين لأنه طاره ( طاره = يسوق صح ) وخالد ما عنده سالفه ، ما خلى رصيف ولا مطب بالحاره الا كلاه ..
قال راسبوتين : خالد من وين تبينا نمشي ؟؟
قال خالد : مع أي طريق ..
قال راسبوتين : ما اعرف الا طريق الساحل ..
قال خالد : ام المشوااااااااااار .. لا فيه عندي طريق أسهل .. مختصر وش احليله ..
قال راس : من وين ؟؟
قال خالد : انت اعطني الطاره ومالك الا نوصل ..
قال راس : يا ولد تعوذ من ابليس موتري ما يعرف له الا انا .. اهجد علينا وخلني اللي اسوق .. انت اوصف لي واترك الباقي علي ..
قال خالد : اخاف انام .. بعدين ترى عيب اروح للديرة وانت اللي تسوق .. بالله وش بيقولون ؟؟
قال راس : ان لله وانا إليه راجعون .. ورى ما رحت طايره ازين لك ؟؟
قال خالد : لا خلهم يعرفون اني معتمد على نفسي ..
قال راس : والله ما ادري احس انك تنصب علي .. هذي بداية الطريق ..
قال خالد : افا .. انا انصب .. انا شفت نصبات بس مثل نصبتك على بيوك ما شفت ..
قال راس : واللي هي اييييش ؟؟
قال خالد : يوم انك تقول ان معي حالة نفسية .. لعنبوا ابليسك انت تبي تدخلني مصحه نفسية ؟؟
قال راسبوتين : اصلا انت ما تعرف .. هذي كانت خطه .. والا كيف طلعت الحين ؟؟
قال خالد : طيب لا يكثر بس .. وش رايك تجنب علشان اقوم باللازم ؟؟
قال راس : يا حبك للسواقه .. شوف انا باوقف بس اياني واياك تصدم ..
قال خالد : طيب طيب والله لو اني اعمى ما اشوف ..
وفعلا طاع راسبوتين خالد ( ما ادري كيف وافق بهذي السهولة ) وجنب وتبادل الأدوار مع خالد ..
وما صدق خالد انه ساق ( تعرفون محروم من يوم هو صغير ما ساق .. وان ساق قعد يصدم خليقة الله ) ..
قال راسبوتين : طيب انت سق وانتبه للموتر وللبنزين وانا بانام .. تراني تعبان ..
قال خالد : ابد انت نام وما عليك .. السيارة تحت يد امينة ..

وبدا خالد يسوق تحت تاثير من شخير من راسبوتين .. بس خالد كان داخل عالم ثاني من التفكير والهواجيس اللي مالها حدود .. فمره يفكر في بيتهم .. ومره يفكر كيف صار حال حارتهم اللي كان دايم يتمحط فيها .. ومره يفكر في الجبل اللي ورى بيتهم وهل يا ترى هل زالت الذكريات اللي كاتبها بالفحم والطباشير اللي سارقها من المدرسه هل لازالت الذكرى ؟؟
بدا الولد يهوجس ومقلع في التفكير ..
وبدا خالد يسلك الطريق اللي يقول عنه انه سهل ووش حليله .. ومسح طبلون الموتر على ذاك الطريق ..
وما درى وش بيصير له ..
مسكين ابو خلود ..

( 2 )

كان شخير راسبوتين طاق اذني خالد مما ادى الى قطع حبال غسيل افكار خالد ..
التفت خالد لراس وقال : وجع وش ذا الازعاج والله لو انك ترنيدو مقلعه ..
ثم التفت ودور على كاسيتات والا سيديهات اغاني .. مالقي الا بشير شنان والا عزازي والا مزعل فرحان ..
قال خالد : وش عند ذا شكله من العصر الحجري .. كلها قديمه .. اذكر جدي كان يسمعها .. بس الظاهر ما معي الا هي .. خلنا نسمع ..
وشغل عزازي .. وطلع عزازي يغني :
ارحل يا قاسي ولا تسأل .. خذ مننا ما تبي وارحل ..
ارحل وخذ ماتبي واياك .. ارحل يا سبة شقاي ارحل ..

قال خالد : من اولها يا عزازي .. والله الظاهر ان راس متقصد هالاغنية ..
قام خالد يدور شريط يمين وشمال .. وبعد مشقه لقي له شريط لخالد عبدالرحمن ..
قال خالد : ايه هذا اشوى .. خالد تمام ..
وشغل خالد .. وبدى خالد يخش جو .. ونسي عن الطريق ..
جاه طريق مفترق .. بس خالد كان واثق خش يمين وباسم الله .. وطول ليله ماشي وداعس طبلونه ..
قام راس وقال : باقي ما وصلنا .. ؟؟
قال خالد : لا باقي يمكن 200 كيلو ..
قال راس : طيب ورى ما تشوف لنا محطة .. تراني اشوف البنزين كانه شوي .. وانا جايع ترى من العصر ما كلينا شي ..
قال خالد : وانا بعد اشين منك .. انا ادور محطة من مية كيلو ولا لقيت شيء ..
قال راس : لا توهقنا !! يمكن انك ماشي في الطريق الخطأ ..
قال خالد : افااا عليك انا عارف الطريق ..
ما امدى خالد يكمل الا وينقطع الطريق ويجيهم خط ترابي .. وبدا خالد يمشي ويمشى .. حوالي نص ساعه ..
قال راس : وش ذا الطريق .. والله لو احنا رايحين في رحلة مدرسية للبر ..
قال خالد : لابس وصله صغيره ما بتطول .. كلها كم متر ويوصل الطريق ..
قال راس : انا حاس ان ما عندك سالفه .. متى آخر مرة جيت من هنا ؟؟
قال خالد : آخر مره جيت من هنا اذكر كان الطرق مزفلت .. بس الظاهر انهم يسوون له صيانه ..
قال راس : وش صيانته .. والله اللي دروا بك انت وطريقك .. الا متى اخر مره جيت من هنا ؟؟
قال خالد : تقدر تقول وعمري ست سنوات .. يعني قبل خمسطاعشر سنة ؟؟
قال راس : وشوووووووووووو ؟؟ قبل ففتين ييرز يالظالم ؟؟
قال خالد : بس ذاكرتي قوية .
قال راس : الله يقلعك انت وذاكرتك .. اصلا ماضيعنا الا ذاكرتك .. لو انك صادق كان افلحت في الدراسة وانت كل يوم مسوي لنا استدعاء من المدرسه ..
قال خالد : تكفى انت ووجهك .. وش فالح فيك ؟؟
هنا ولعت لمبة الكهرباء ..
قال راس : سق على هونك . بشوي شوش .. تراك كسرت الموتر .. ياخي وين محطتك هذي .. تراك حطيتنا في مقطعه ..
قال خالد : الله يستر بس .. والله الظاهر اننا توهقنا ..
وفعلا توهق خالد وراسبوتين .. فقد صمتت السيارة ووقفت مكانها .. وقالت : الله لا يهينكم هنا مكاني ..
ناظر خالد في راس وقال : نهاية المطاف ...
قال راس : الله يقلع ابليسك .. الحين وش السواة ؟؟ ما يمدينا نرجع ولا يمدينا نكمل .. لا وبعد في الليل ..
قال خالد : بالعكس .. ندقها رجليه قبل ما تملخنا ( تملخنا = تضربنا ) الشمس ؟؟
قال راس : وييييييين نمشي ؟؟
قال خالد : عندك حل ثاني ؟؟
قال راس : ياليت ..
قال خالد : اقول خلنا نطلع الحين وناخذ معانا مويه واللي نقدر عليه ونسكر الموتر .. وعانا نلاقي احد ..

راسبوتين عرف ان ما معاه الا كذا .. وما معاه الا يرضى بالواقع ..
وأخذ خالد وراسبوتين اللي يقدرون عليه وبدت رحلة المعاناه ..
والرحله للمجهول ..

(( 3 ))

طلعت الشمس وشبعت طلوع .. وخالد وراس باقي يمشون ..
قال راس : لو انك خليتنا نمشي على طريق الساحل ابرك لنا ..
قال خالد : ما معاك الا اللي جاك ..
قال راس : طيب الحين وش السواة .. ما احد بيدري عنا .. يعني لو تسوي اللي تسويه ما حد عندك ..
قال خالد : الله يعين ما منى الا نمشي ونشوف وش خاتمتها ..
قال راسبوتين : صدق ان حنا دلوخ ليه ما ندق على جوالات العيال ؟؟
قال خالد : مسوي نفسك جبت شي جديد ؟؟ وانا وش قاعد اسوي ؟؟ مااااااااااااااااافيه شبكه ..
قال راس : يمكن علشان جوالك موبايلي ..
قال خالد : والله لو ان معاك القمر الصناعي .. احنا في ارض قاحلة .. حتى موترنا والله ما ادري وين جهته الحين ..
قال راس .. هناك جبل خلنا نرقاه ( نرقاه = نطلع فوقه ) ونشوف ..
قال خالد : ليه حنيت لطبعك يالقرد ؟؟
قال راس : لالا بس قاعد ادور وين المكان اللي هربت منه يوم اعتقلوك جمعية حقوق الحيوان ..
قال خالد : والله راايق انت ووجهك .
قال راس : من اللي رايق انا والا انت .. اقول خلنا نروح نشوف بس ..
وتوجه خالد وراسبوتين الى الكتلة الجبلية البعيده ( حلوه الكتله الجبلية ) .. ووصلوها بعد نص ساعه ..
قال خالد بعد ما طلع لسانه مترين من التعب : حسبي الله على ابليسك وش ذا المكان البعيد ؟؟
قال راس ووجه صاير كانه طماطه منتهيه الصلاحية : ما قست المسافه علشن تتحسب علي ..
قال خالد : انا مواصل وراسي يدور .. ابنام لييين اصحصح ثم نكمل طريقنا ..
قال راسبوتين : حتى انا تعبت وباخذ لي قيلوله >> مسوي مرتب الأخ .. وش قيلولته ؟؟
ونام خالد نومة عمييييييييييقة لا يوازيها عمقا الا أبيار جدي الله يرحمه ويطول في عمره !!!!
وحتى راسبوتين ما صدق خبر قام وحط راسه وناااااااااااام نومه طويله ..
مرة الدقائق .. والثواني ..
شوي الا وصوت يصيح عليهم :
( هييييييييييي انت واياه وش عندكم هنا .. قم انت وهو ؟؟)
قال خالد : راس بالله تبرطم واسكت خلني اكمل نومتي ..
قال راس : نام نام بس .. شكلك باقي تتحلم .. نـ ..
( ورع انت وياه .. قوموا قبل ما يصير لكم شي مو طيب )
قام خالد وارسبوتين .. وهم مو مصدقين وش اللي يصير ..
طالعهم واحد ثيابه قديمه ومعاه بندق ( بندق = باروده باللغه البدوية = حاجة خطيره تذبح ) ..
قال خالد : باسم الله .. وش ذا ؟؟ شكل احنا في القبر وهذا عملنا الخبيث ..
قال راسبوتين : كنت باصدقك لو ما كنت جنبي .. الا شكلنا رجعنا خمس مية الف قرن للورا ..
قال الرجال : وش قاعد تقولون انتم يالغريبين ؟؟ انتو من وين جايين ؟؟
قال راسبوتين : والله ما دام انه يقول اننا غريبين اجل ما فيه امل .. شكل كلامي صدق ..
قال خالد : من انت يا وجه البومه ؟؟
قال الرجال : ما فيه بومه غيرك .. وش عندكم انتو هنا ؟؟ ما جاوبتوني ؟؟
قال راس : انا راسبوتين وهذا خويي وجه النحس خالد ..
قال الرجال : وش ذي الأسامي؟؟ انتو من أي قبيلة ؟؟
قام خالد وقال : اسمع انت ترى لو وجهك زين كان قلنا انك من الاف بي آي .. لكن الظاهر انك مطلوب امنيا ..
طلع الرجال البندق حقه وحطها على صدر خالد وقال : والله لمن تعقل لأخليها بين ضلوعك ..
قام راسبوتين ومسك الرجال وقال : يا بو الشباب وش فيك معصب .. ترى خويي يمزح معاك >> ام الخوف يا ولد
قال الرجال : اقول ابعد مني انت واياه والله لانادي فرسان القبيلة يقطعونكم ..
قال راسبوتين : تعوذ من ابليس .. ترى ما يحتاج زحمه وفرسان وخطوط جوية .. ترانا حبايب ..
قال خالد : ايه تراه صادق .. الا من انت يافارس القبيلة ..
الرجال ما صدق ان واحد عطاه وجه وقال انه فارس القبيلة .. قال : انا صنيتان ..
قال راسبوتين : وشو ؟؟
قال صنيتان : انا صنيتان ..
قال راسبوتين : وهذا يطلع ايش اسم شركة والا لعبة قيم بوي ؟؟
قال صنيتان : ايش تقول .. اقطع هرجك ..
قال خالد : يا صنيتان الله يهديك ترانا نمزح .. انت ما تعرف تمزح ؟؟
قال صنيتان : والله لو ما انتو ضيوف علينا لا اوريكم شغلكم ..
قال راسبوتين : افا وهذا اللي نقول عنك انك فارس القبيلة .. والله شكلك طلعت راعي غنم القبيلة ..
قال صنيتان : اوديكم الحين للشيخ وهو يتفاهم معكم ..
قال راسبوتين : اهم شي يكون فيه مترجم ..
قال صنيتان : والله لو ما تمسك عقلك لأوريك قمر النهار .. تراك ضيف يا ولد ..
قال خالد : ما عليك منه .. الا الحين علمنا وين احنا فيه ؟؟
قال صنيتان لخالد وراسبوتين وهم متجهين للقبيلة : انتو الحين في مضارب الشيخ جمعان ..
قال راسبوتين لخالد : وش ذا عمى ؟؟ داخلين مسلسل بدوي ؟؟
قال خالد : اسكت بس خلني اسأله ..
قال خالد لصنيتان : وكم تبعد مضاربكم عن الباحة ..
قال صنيتان : وش باحته .. احنا في بر وما نعرف وش اللي تقوله ؟؟
قال راسبوتين : والله اللي رجعنا للعصر اللي قبل الحجري ..
قال خالد : معقوله ما تعرفون شيء ؟؟
مسك راسبوتين خالد وقال : خالد لا تكون دخلت فينا من فجوة الزمن ورجعتنا آلاف السنين وانت ما تدري ؟؟
قال خالد : الا الظاهر اننا دخلنا في مكان مجهول في المملكة ..
قال راسبوتين : والحين وشلون نرجع لسيارتنا ؟؟
قال خالد : بنشوف لها دبره .. بس الحين خلنا في اللي احنا فيه ..
قال راسبوتين لصنيتان : تقول شيخكم اسمه ايش ؟؟
قال صنيتان : اسمه جمعان ..
قال خالد : طيب تعرف واحد لاعب اسمه عبدالله جمعان ؟؟ يمكن انه ولد الشيخ والا شيء ؟؟
قال صنيتان : لا الشيخ ما عنده الا ولد اسمه شليويح وبنت اسمها وضحى .
قال راسبوتين : ام الأسامي يا شيخ .. وين شاكيرا عنكم ما تسمت باسمكم .. والا براد بيت ؟؟ ( تخيل براد بيت اسمه شليويح !!!)
قال صنيتان : وضحى هذي اجمل بنات الديرة .. ومخطوبة لولد عمها محماس ..
قال خالد : وش ذي الأسامي عليكم ما تعرفون تسمون زي خلق الله .. كل اسماءكم فكرتها روايات صومالية ..
قال صنيتان : اقطع هرج انت واياه .. الحين وصلنا لخيمة الشيخ جمعان ..
قال خالد لراسبوتين : تجهز .. والله الله لا اوصيك ..
قال راس : ما عليك بس .. جاهز ..
قال صنيتان الحين الشيخ نايم .. وبنتنامون عند الرعيان ( جمع راعي ) !!
قال راسبوتين : افااااااا .. رعيان .. ليه مفكرنا غنم والا بقر ؟؟ اقول احترم نفسك ..
قال صنيتان : ما فيه مكان الا عندهم .. تبون تنامون عندهم والا بكيفكم خلو فرسان القبيله يمسكونكم بكره ويفكرونكم مجرمين .. ترى ما احد يدخل قبيلة جمعان بدون اذن خطي >> طلع مو بدوي ..
قال راسبوتين : هذا واحنا ضيوف عندكم ؟؟ والله لأعلم العربان ( جمع عرب ) واقول لهم ان قبيلتكم فيـ ...
قاطعه صنيتان وقال : خلاص اسكت لا ترفع صوتك بتنامون عندي في البيت ..
وراحوا لخيمة صنيتان ..
وهم في الطريق قال خالد لراسبوتين : اخس اولد .. كيف عرفت تقول كذا ؟؟
قال راسبوتين : جدي عطاني كورس مكثف .. وفي نهاية الكورس اعطاني كم مسلسل بدوي ووصاني عليها ..
قال خالد : ذكرني آخذها منك لمن نرجع .. خلاص ؟؟
قال راسبوتين : خلاص ابشرمالك هم بس خلنا نشوف وش نهاية امرنا ..
قاطعهم صنيتان وقال : بتنامون هنا وبكره بعد الفجر بنروح للشيخ جمعان .. فاهمين ..
قال خالد : ايه فاهمين ..
قال صنيتان : ترى الشيخ ما يعرفكم وعلشان كذا بيسألكم وبتعرفونه عليكم وعلى قبيلتكم .. تعرفون وش تقولون له والا اعلمكم ؟؟
قال راسبوتين : خلاص يا خي فاهمين .. وراك قالب مدرس خصوصي ؟؟
قال صنيتان : ما بيكم تتفشلون قدام الشيخ .. الحين ناموا .. تصبحون على خير ..
قال خالد : الله يعيينا بس .. الحين وش بنقوله ..
قال راسبوتين : انت الحين نام .. والصباح رباح ..
وناااااااااااااام الاثنين وغطوا في سبات عميييييييق >> ما كانهم نامو قبل شوي .. وش ذولا ما يشبعون نوووم ؟؟

( 4 )

اشرقت الشمس في الصبح ..
وراس وخالد مو مفكرين في احد .. باقي ماسحييييييينها نوم ..
جاء صنيتان وقال : يالله قوموووو .. اصبح الصبح وانتو باقي نيام .. الطير طارت بارزاقها ..
قام خالد وقال : بالله يا خوي خلنا ننام شوي .. الى الساعة ثمان ثم نجيكم .. الجامعه وهي الجامعه دوامهم الساعه ثمان ..
قال صنيتان : وش ثمانه ؟؟ انت وش تقول ؟؟
قام راسبوتين وقال : ياخي ماحد ينام زي الناس .. مره واحده بالله خلنا ننام زين ..
قال صنيتان : اقول قوموا غسلوا وجيهكم واشربوا الحليب .. ترى الشيخ جمعان ينتظركم ..
يوم جا طاري الشيخ .. طار النوم من عيون راس وخالد ..
قال خالد : والله اللي حانت لحظة القصاص ..
قال راس : وش قصاصه ؟؟ والله لو انك ذابح جده ..
قال خالد : ما تسمع وش يقول الرجال .. يقول الشيخ ينتظرنا ..
قال راس : اكيد بينتظرك اجل بيخليك انتظار ..
قاطعهم صنيتان وقال يالله اشربوا الحليب علشان نروح عند خيمة الشيخ ..
وجلس خالد وراس يشربون الحليب .. لييين ارتوو وصحصحو زين ..
قال صنيتان : وش رايكم في الحليب ؟
قال خالد : تمام بس كان ينقصه نيسكافيه .. لأني انا ما احب الحليب الا بنيسكافيه ..
قال صنيتان : وش قلت ؟؟
قال راسبوتين : يقول ابد طيب ما ينقصه الا شوفة الشيخ ..
قال صنيتان : طيب الحين نروح له ..
وراح خالد وراسبوتين لخيمة الشيخ جمعان ..

قال صنيتان : يا شيخ جمعان هذولا اثنين لقيتهم في طرف القبيلة وهم ضيوفي .. قلت اجيبهم لك تعرفهم ..
قال الشيخ جمعان : حياك الله وضيوفك .. صب القهوه يا ملفي ..
قال راسبوتين لخالد : الحين حاشرينا بالحليب اللي اشك انه منتهيه صلاحيته .. يقومون يصبون لنا قهوة ..
قال جمعان : وش تقول يا ولد ؟؟
قال راسبوتين : سلامتك يا طويل العمر انا تذكرت قصيدة بس وكنت اقولها لرفيقي ..
قال جمعان : وش هي ..
قال راسبوتين : القصيدة تقول : والله صبوا هالقهوة وزيدوها هيل .. واهدوها للنشاما عاظهور الخيل ..
قال جمعان : صح لسانك .. والله باين انك نشمي وابن شيخ ..
قال خالد في نفسه : ابن شيخ هاه والله ما عنده ما عند جدتي .. الله يسلم سميره توفيق .. قال ايش قال ابن شيخ ..
قال جمعان : من وين النشامى ؟؟
وهنا توهقوا الشباب وش يقولون ؟؟
قال خالد : احنا من عرب الشيخ بيوك !!!!!!!!!
قال جمعان : عرب من ؟؟؟
قال راسبوتين : ابد طال عمرك احنا من عرب الشيخ بيطر .. >> ابو الشباب تذكر الطبيب البيطري .
قال جمعان : بيطر ؟؟ اول مره اسمع فيه ..
قال راسبوتين : اصل قبيلتنا كانت تسكن في غرب المملكة ثم اضطرت مع نهاية الدوري انها تنزاح للجنوب الشمالي من ديرتكم !!
قال جمعان : انت وش تقول ؟؟
قال خالد : الشيخ بيطر توه ساكن قريب من ديرتكم .. بس احنا ضيعنا الطريق .. وبنروح
قال جمعان : بسيطه اليوم نرسل الفرسان يدورون قبيلتكم وبعده نوديها لكم معززين مكرمين .. بس والله ثم والله ما تروحون لين تاخذون واجب الضيافه ..
قال راس في نفسه : والله لو تدور من هنا ليوم يبعثون ما بتلاقي هالقبيله ..
قال خالد : والله المدرسه كانت هادتنا واجبات تجي انت تعطينا واجب .. لا مشكور >>> ام الدلاااااااخه ..
قال الشيخ جمعان : والله ما تروحون الا بعد ثلاث ايام كرم الضيافة ..
قال راسبوتين : ابد يا شيخ ورانا اهل ورانا اشغال نخلصها ..
قال شليويح ولد الشيخ جمعان : الشيخ حلف وكلمته تمشي ..
قال خالد : اوكي خلاص .. تم انت ووجهك ..
قال الشيخ : الحين ما عرفنا اساميكم ؟؟
قال صنيتان : هذاولا واحد اسمه خالد وواحد اسمه راستن ( ام الخشه العرض )
قال راسبوتين : وش راستن ؟؟ لا يكون تبي تقول ددسن ..
قال الشيخ : المعذرة يا ولد الأجواد وش اسمك .
قعد راس يفكر وش احسن اسم بغى يقول بيكهام او رونالدوا او ماردونا بس شاف انها ما تخارج مع هالبدو ..
نط خالد وقال : هذا شاعر قبيلتنا وولد الشيخ حقها ( الشيخ حقها ؟؟؟ ليه الأخ من قبيله ثانية) واسمه مطلق بس يدلعونه راسبوتين ..
قال شليويح : يدلعونه ؟؟ وش معنى يدلعونه ؟؟
قال راس : يعني يلقبوني ..
قال خالد : وانا خالد فارس القبيلة الأول ..
قال راسبوتين في نفسه : شف النصاب فارس القبيلة قال ..
قال الشيخ : حياكم الله يا خالد انت ومطلق .. عز الله انكم ضيوف اجاويد ..
قال خالد : وانت عزالله انك شيخ وافي وابوك وافي وامك وافيه وعائلتك وفافي وكلكم موافين ..
قال صنيتان : الحين نستاذنك يا شيخ باخذهم معي للخيمة وبنجيك في الليل ..
قال الشيخ : خذوا راحتكم القبيلة قبيلتكم ..
ومشى الوقت وراس وخالد عن صنيتان .. وما قصروا يعطونك من هالنصب وهالبكش على صنيتان وهو خاش جو معاهم .. لا وبعد حبهم هالبدوي ..
جا الليل .. فقال صنيتان : نبي نسمر عند الشيخ ..
قال خالد : لا ما ودنا نغثه ..>> يبغى يصرف ابو الشباب
قال صنيتان : لا بالعكس الشيخ قعد يمدحكم .. وقال شاعرهم شكل عنده قصايد طيبه ..
التفت خالد لراس وقال : اقول تجهز تراك بتقول كم قصيده ..
قال راس : ما عليك القصايد جاهزه ..
قال خالد : غريبة ما خبرتك شاعر ..
قال راس : كذا تحطمني انا شاعر من الفئة رقم واحد .. حتى ان مايكل جاكسون شخصيا طلبني قصيدة فرفضت وقلت ابدا عيال بلدنا اولى .. وفعلا راحت من نصيب عبادي الجوهر .. !!!!!!!!!
قال خالد : اقوووول لا تنصب علينا .. وش شايفني صنيتان ؟؟
انقطع حوارهم لأنهم وصلوا لخيمة الشيخ ..
رحب فيهم الشيخ .. وجلسوا يسولفون وينصبون .. وخالد ما خلى قصه حافظها عن عنتره والا غليص الا وقالها على انه هو .. وطال ليلهم ..
التفت الشيخ على راسبوتين وقال : وانت يا مطلق نبي منك قصيده ..
قال راسبوتين : ابشر يا شيخ مالك الا اللي يرضيك ..
قال شليويح : نبيك تجيب لنا أحسن قصايد لك ..
قال راسبوتين :
البارحة يوم الخلايق نياما *** بيح صوتي من كل مكنون
ولي ونة من سمعها ما يناما*** اني صويب بين الأضلاع مطعون

قال شليويح : الله الله وش هالقصيدة .. انا اشهد انك شاعر وكفو ..
قال خالد في نفسه : والله اني داري ما عندك موهبة يا وجه العنز الحين سارق لي كلمات الاغاني وقاعد تسمعها ؟؟
قال الشيخ جمعان : طيب عطنا قصيده ثانيه ..
قال راسبوتين :
نويت مرباع الغظي سيد الأحباب *** قصدي يزول الجرح زاد التهابه
جيت وبقايا نارهم حول الأطلال *** والبيت مطوي وباقي فيه زهابه

قال خالد في نفسه : ام التحريف في القصيده .. احفظ صح والا اجلس ..
قال الشيخ : والله انك شاعر .. هذي قصيدة جبتها عل الجرح ..
قال راسبوتين : جبتها على الجرح وكانك ما دريت ** وانت قاصد ماهي عني التام
انهبل شليويح و قال :والله انك شاعر ولد شيخ .. وين قبيلتكم بس ..
قال راس : ليه وش تبي بقبيلتنا ..
قال شليويح : نبغا نتعرف عليكم ..
قال خالد : ما عندك مشكلة خذ ايملاتنا وجوالاتنا ودق علينا ..
قال صنيتان لراسبوتين : وش في خويك ؟؟ وش يقول ؟؟أظن ان خويك عليه سكني ( سكني = جني = مخلوق من عالم آخر ) ..
قال راسبوتين : لا ما عليك بس هو مشتاق للقبيلة ..
قال الشيخ : بس الفرسان دوروا على قبيلتكم ما لقوها .. انتوا وين حطيتوا رحالكم ..
قال خالد : هي الظاهر انها قريبة .. بس ما عليك يا شيخ لا تهتم بس فكنا الحين من الواجب وما عليك بنوصل ..
قال الشيخ : ابدا ما تروحون لين نلقى قبيلتكم ..
قال راسبوتين : طيب يا شيخ انت تامر بس .. الحين نستاذنك نبي ننام ..
قال الشيخ : في وداعة الله .. بس بكره السمرة هنا ؟؟
قال خالد : ان شاء الله ..
قال شليويح : لا أوصيك يا مطلق بكره .. الله الله على كم قصيده ..
قال راس : ابشر ابشر ..
وهم طالعين لمح خالد وضحى .. تعرفون خالد ما يتحكم في عيونه .. قام وقز وضحى .. وانهبل وقال : وش ذا القمر ؟؟
قال شليويح والشيخ وصنيتان في وقت واحد : اييييييييييييييييييييش ؟؟
وتورط خالد ..
فعلا تورط ..

( 5 )

عرف راس انهم وقعوا في ورطه فقال : لالا اصلا خالد يحب يشوف القمر اللي فوق .. وما صدق انه يشوفه ..
قال شليويح : عادي يا خالد .. نتمشى شوي في مضارب البادية ونتسلى بالقمر ..
قال خالد : لالا انا باروح مع خويي .. انا تعبان شوي وابغى اريح >> شده على الياء ..
ثم قال في نفسه : وش ابغى فيك انت ووجهك اللي كانه اول يوم في العزاء .. انا ابي القمر اللي شفته ..
ثم راحوا لخيمة صنيتان .. اللي مسحها نومه ..
قال خالد لراس : والله يا راس شفت شيء يشق اللييييييييييييييييييل .. والله القمر ولا شيء جنبها ..
قال راس : وش فيك بغيت تورطنا .. اقول شف لك صرفه ترى ما احنا فاضيين .. قال ايش قال يحب .. لعنبوا هالحب اللي تعرفه ..
قال خالد : باوريك اياها بكره وشف .. بس لا ترقمها .. تراك تسويها ..
قال راسبوتين : يا غبي وش ارقمها ما ارقمها .. الله يسلم البلوتوث >>> دلووووووووخ
تمغط راس وخالد علشان يجيهم النوم .. وفجاه نط راس وقال : تعال يا الحبيب انت
قال خالد : خير ؟؟
قال راس : وشلون بنطلع من هنا .. الظاهر بيقعدون سنة لين يلقون قبيلتنا ( مصدق ان فيه قبيله ) ..
قال خالد : طيب وبعدين ؟؟
قال راس : يعني بينحكم علينا مؤبد .. ولا بتروح لديرتك ولا بنروح للبيت .. وبتبقى هنا الى ان تصير شااايب ..
قال خالد : طيب وايش الحل ؟؟
قال راس : لازم ننحاش من القبيلة ..
قال خالد : احنا عرفنا من وين جينا حتى نعرف كيف نرجع ؟؟
قال راس : اجل فكر زيييييين في حل .. لا بد نطلع .. باقي نبي نروح لديرتك وباقي نبي نرجع للبيت ..
وبدا خالد وراس يفكرون وشلون ينحاشون من القبيلة ...
وجلسوا ليلهم يفكرون ويفكرون ..
ويفكرون ..



انتهى الجزء الثاني .......................................

يوم الثلاثاء الجزء الثالث والأخير ...

تحياتي للحلوين ................................................. راسبو

الحين ورونا تعليقاتكم الحلوه ..

سلااااااااااااام



من مواضيع راسبوتين في المنتدى

التوقيع

تدري وش الفرق بين
الحب .. و .. الذكرى ..!

إن أول الذكرى :
( حب ) ..

وآخر الحب :
( ذكرى ) ..!

ستبقا منتديات الكيمياء اخر الحب الى الأبد .

   
رد مع اقتباس
 
 
 
 
قديم 09-16-2007, 04:23 AM   #2
جــود
ملك الكيمياء الحيوية للجميع
 
الصورة الرمزية جــود

 









جــود غير متواجد حالياً
افتراضي

حؤؤؤؤؤؤؤؤؤؤؤؤؤؤؤؤ<<<<تلبيقة

جيييييييييييييييييييييييييييت


اقتباس:
ترنيدو مقلعه ..
اعرب ماتحته خط؟؟

اقتباس:
ليه حنيت لطبعك يالقرد ؟؟
قصم انك ختييييييييييييييييير بهذي هههههههه:36_1_19[1]::36_1_19[1]::36_1_19[1]:

اقتباس:
( الكتله الجبلية )
انا حاسة انك سادح القوصة كلها ع شان هالكلمة.. خخخخ

اقتباس:
قال صنيتان
اكيد يقرب لوائل ..ابدن ..يا اخوه ..يا اخوه
اقتباس:
عبدالله جمعان
شرط ان خالد ينسى نفسه قبل لا ينسى اي لاعب هلالي

خخخ

اقتباس:
واسمه مطلق
حيا الله النشمي ولد النشاما خخخخ

اقتباس:
قال خالد : احنا من عرب الشيخ بيوك !!!!!!!!!
هههههههههههههههههه

هههههههههه
ههه

بطني صدَع من الضهك

ختيييييييييييييييرة
:36_1_19[1]::36_1_19[1]:

اقوووووووووول يا مطلق ..الله يصلحك وراك ما (انشدت) !!!!!

اغنية شاطر شاطر ..والا ياطبطب ..



اقول خالد ..ما دام الدعوة فيها الجمعان .اجيب لك تواقيع اللاعبين ووتتوسط لي ادخل معكم بطل في القووصة <<<<برااااا

ترا يمدي اطلع لكم من المصباح خخخ



شقرن شقرن مطلق ..قصدي راس عالقوووصة

وبانتظار الجزء الثالث



من مواضيع جــود في المنتدى


التعديل الأخير تم بواسطة جــود ; 09-17-2007 الساعة 06:31 AM سبب آخر: جيت يامطلق : )
التوقيع

   
رد مع اقتباس
 
 
 
 
قديم 09-16-2007, 05:03 AM   #3
سونهام يغمور
Bioc سابقاً
 
الصورة الرمزية سونهام يغمور

 









سونهام يغمور غير متواجد حالياً
افتراضي

بصراحه يا راااااااااااس مبدع


يا شيخ وين يروح الزير و لا الكواسر منك

بس كله كوم و الشيخ بيوك كوم


يعني ما تقول شيخه ليش؟؟؟



من مواضيع سونهام يغمور في المنتدى

التوقيع

..ادعموني هنا..
فيسبوك(FaceBook) -
مدونتي(soon)

::مواقعي الشخصية::


و اخيرا اتنشر بحث الماجستير
   
رد مع اقتباس
 
 
 
 
قديم 09-16-2007, 05:04 AM   #4
سونهام يغمور
Bioc سابقاً
 
الصورة الرمزية سونهام يغمور

 









سونهام يغمور غير متواجد حالياً
افتراضي

خط ترابي في الباحه ؟؟؟؟ شكلهم طلعوا شمال على طريق الرياض


خالد تراني باسحب الرخصه منك


و ما عاد تشوفها

و لا عاد تسوق تاني مفهوم .....



عسوله بس تجي ورود ان شاء الله و ندور لنا سواق تناي يوصلنا الدره

خالد ما ينفع

اخاف يوديينا اليمن ؟؟؟



من مواضيع سونهام يغمور في المنتدى

   
رد مع اقتباس
 
 
 
 
قديم 09-16-2007, 05:44 AM   #5
Dody Mody
بيوكيميائي ماسي
 
الصورة الرمزية Dody Mody

 









Dody Mody غير متواجد حالياً
افتراضي

واااااو مره نايس

قصه من جد مره نايس

تقبلو مروري



من مواضيع Dody Mody في المنتدى

التوقيع

[align=center]\
/
\


...
[flash1=http://www.l5s.net/uploads/a2dffac57b.swf]WIDTH=400 HEIGHT=300[/flash1]
...



\
/
\
[/align]

   
رد مع اقتباس
 
 
 
 
قديم 09-16-2007, 04:07 PM   #7
سونهام يغمور
Bioc سابقاً
 
الصورة الرمزية سونهام يغمور

 









سونهام يغمور غير متواجد حالياً
افتراضي

راس


ترا اذا ما بتغير منحى الاحداث على الجزء الثالث بيصر كلام مو تمام


واااحد زايد واااحد واحد
و احيانا ما توصل واحد
و احيانا تلقالك واحد
يظبطها و تطلع مليون



من مواضيع سونهام يغمور في المنتدى

   
رد مع اقتباس
 
 
 
 
قديم 09-16-2007, 05:34 PM   #8
خالــد
ضيف

 






افتراضي

الـــله اكبر

ما اطحسك

مسوي شاعر انت وقفاك


جبتها ع الجرح وكنك مادريت

ههههههههههههه





وليش الغلط على عبادي الجوهر

الحين تجيك نسايم بالسلك

خخخخخخخخخخخ






ياحبني لشليويح

مع انه داج

بس اني حبيته هالادمي

احســه شنب مثل شنب نايف


ههههههههه



المهم

موضوع وضحى هذا طلعني منه و سمعتي طيبة

لاتشوه سمعتي تكفىىىىى




يا اصدق صديق عندي في عالم الاصدقاء الصادقين

يكفي انك مخاويني





ننتظر الجزء الثالث ياراس


بيوك ما الومك لو تسحبين الرخصة

يكفي اني ما طلعتها الا بعد مارسبت مرتين :)

مرة طلوع رصيف ومرة تشميعة :)



من مواضيع خالــد في المنتدى

   
رد مع اقتباس
 
 
 
 
قديم 09-16-2007, 06:17 PM   #9
thegame back
بيوكيميائي جديد

 








thegame back غير متواجد حالياً
افتراضي

هههههههههههههه حلوه منك ياخ راسبورتيف تسلم




   
رد مع اقتباس
 
 
 
 
قديم 09-17-2007, 04:21 AM   #10
راسبوتين
[عضو شرف]
 
الصورة الرمزية راسبوتين

 









راسبوتين غير متواجد حالياً
افتراضي

الدكتوره عسوله ..
تراكي حاجزة مكان عالفاظي ..
وين ردك ..
قالت ايش قالت تمخمخ .. والله لو انك جالسه على فيلم اكشن ..
قايل لكم من زمااان هالبنت ما بتعديها على خير ..
ننتظر ردك ..
..........................................

بيوك ..

وش دعوى .. لا زير ولا هم يحزنون .. هذا الفارس خالد >>> باقي مصدق انه فارس ..

بعدين تعرفيت خالد دايمن يورطنا .. قال ايش قال الشيخ بيوك ..

واما حالد .. بس خليكي ساكته .. ذاك الوجه ما يجي منه ا النكبات .. انا ما ادري كيف سمحت لنفسي وسلمته السيارة .. بس غلطه ..

ومن ناحية تغيير المنخى فهذي ما فيها كلام .. بس فكروا وشلون ننحاش من هالديرة الخايسه ؟؟

ثانكيو على مرورك اللطيف .
.......................................

-O-ether

انتي النايس كله ..

تسلمين عل المرور ..

.................................................
حليط اللونان ..

شكرا على مرورك ..

.........................................

خالد ..

ايه يا فارس القبيلة مسوي شاعر .. انت ليه م تقدر موهبتي ؟؟

تحب شليويح ؟؟؟؟ حبك قرد ما معه سنون .. والله انك داج .. هو ما يحبك .. هو طايحن عندي .. وابد معطيه اشكل ..

بعدين انت ووجهك هاللي تقول كرتون مناديل ابو ريالين .. بالله هذا وجه يصلح لوضحى ؟؟ اهجد علينا بس ..

بس اوووكي يا عم طلب مرفوض .. اقصد طلبك بتشوفه ..

شكرا لمرورك ..
...............................................

thegame back

هلا فيك اخوي / اختي ( ترا ما افرق .. وضح لنا )
ومرورك هو الاجمل ..

أشكرك لمرورك ..

.............................

تحيااااااااااااااااااااااتي للجميع بلا استثناء



من مواضيع راسبوتين في المنتدى

   
رد مع اقتباس
 
 
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
البروستاتا ( معلومات مهمة للرجال ) دلوعة الهرمـونات - Hormones 37 03-16-2009 10:51 PM
قصة ( انا وخالد في مهمة سرية ).. ج3 والأخير راسبوتين رحّب.. اضحك.. العب.. فرفش 12 10-04-2007 07:26 AM
قصة( أنا وخالد في مهمة سرية ) .. ج1 راسبوتين رحّب.. اضحك.. العب.. فرفش 11 09-15-2007 06:11 PM
الراتينول مادة مهمة .. هل تصلح ما أفسده الدهر؟ ريانة العود الفيتـمينات - Vitamins 4 08-16-2007 04:28 PM
هناك مواصفات دائماً لا نطلع عليها ..وهي مهمة جداً .... سامر الليل قسم الحاسب الالى و البرامج 0 07-12-2007 12:22 PM



الساعة الآن 04:04 PM


Powered by vBulletin® Version 3.8.7
Copyright ©2000 - 2024, vBulletin Solutions, Inc.
يوتك