امشي في الشارع
بص للوشوش و الناس
بص جواهم
هتلاقي الدكتور و المهندس و الطالب و النجار و المدرس و البقال و الساعاتي و السواق و صاحب العماره و ... و...
كل واحد ليه مكانه
سواء كانت في السما عند الدور العاشر
او في البدروم تحت الارض
وفي اللي مش موجود اصلا
فيه اللي مسنود
وفيه اللي ساند
في الناس الواصله
وفي الغلابه
انا منهم
واحد منهم...... غلبان
مش شرط الغلب يكون ضعف او فقر
لما تحس انك مش مهم
لما تحس بإن اللي اقل منك ريس عليك
اهلا بيك معانا في حزب الغلابه .. حزب وداد جلبي يابوي
اه انا غلبان
مواطن و إنسان
ويمكن اكون حمــــار كمان
اتمرمطت و شوفت كل مكان
وشوفت من الناس اشكال و الوان
وداسوا عليا بالبلغ والصرم في بعض الاحيان
اه انا غلبان بس معايا سلاح جنان
سلاح لو مش معاك يبقي انت الجبان
غلبان ... و معايا لسان
غلبان ... و مش جبان
اه
مش باقدر اغير حاجه بس اقدر اتكلم
اللي مش عاجبنيقوله في وشه من غير خوف
خدها بالمنطق كده .. انت خايف من ايه
ده عمر و هيعدي
اوعي تخليه يعدي كده و خلاص
دي فرصه و احده و استغلها و اثبت وجودك
بلاش المنطق
سيبك من أم المنطق :
خليك علي طبيعتك
قول رايك .. انقد .. اسخر من كل الناس .. حتي نفسك
العبيط قوله يا اهبل
والرسيم قوله يا احول
مش عايز اطول أكتر من كده
اللي مش هايتكلم و يسخر
هايضيع وسط الرجلين
السخريه :: الحرف التاسع و العشرون !
السخريه :: حرف زايد .. و اشارات ساحره !
استنوني في شويه كلام و خلاص
و ربنا يجعل كلامنا خفيييييييييييييف عليكم
منقول
تحياتى اخوكم حماده
غلبان .. وليا لسان ؟؟؟
.gif)
العرض العادي
