رحلة إلى الأدغال .. الجزء الخامس والأخير

[راسبوتين]

رحلة الى الأدغال .. الجزء الخامس والأخير

فيما مضى .. قرر الشباب ان يقضوا الاجازة في احد الجزر .. مما سبب لهم حوادث في البحر انتهاءا بضياع الذيب .. ثم قسمت بيوك الشباب ثلاث مجموعات .. ملكة وخالد للبحث عن وسيلة للعودة .. بيوك ونايف لاعداد المسكن والطعام .. راسبوتين ونسايم للبحث عن الذيب .. ملكة وخالد راحوا يبحثون إلين تفاجئوا بشيء شافوه .. وراسبوتين ونسايم راحوا يبحثون عن الذيب لكن راسبوتين نرفز نسايم اللي ما ملكت اعصابها ورمت بالرمح نحوه .. ونايف وبيوك فقد جاءكم زائر لم يتوقعوا وجوده هناك ..

- 1 -

تراجع راسبوتين شوي شوي وهو يقول : نسايم عسى ما شر ؟؟ والله كنت امزح معاك ..
قالت نسايم : خل مزحك ينفعك ألحين ..
قال راسبوتين في نفسه : ابد بلشنا والله .. شكل نسايم داخلها جني وهي ما تتحكم في تصرفاتها و..
قاطعت نسايم أفكاره وهي تقذف بالرمح نحوه .. تسمر راسبوتين في مكانه فما توقع ان نسايم تسوي كذا .. لكن الرمح تجاوزه بسنتميترات قليله وانغرس جنبه ..
تنفس راسبوتين الصعداء وقال : بس كل هذي الدوخه وآخر شيء ما قدرتي تصوبيني ..
قالت نسايم : يا غبي انا قناصه صح .. شف وين انغرس الرمح ؟
قال راسبوتين : حركة قديمه .. انغرس وين أجل ؟؟ في الشجرة ..
قالت نسايم : شجرة وجهك .. وش شجرته ؟؟ ناظر واحكم ..
قال راسبوتين في نفسه : الحين هي اللي تتكلم والا الجني اللي فيها ؟؟
قالت نسايم : وش فيه قاعد تفكر ؟؟ الامر ما يحتاج تفكير ..
قال راسبوتين : نسايم انت فيك جني ؟؟
عصبت نسايم واعطت راسبوتين رفسه محترمه مع لكمه سريعه وقالت : والله اني عارف انك خبل ومنت بصاحي .. طول الوقت تفكر فيني جني يالاهبل ؟؟.. وش جنيه وش كلام فاضي .. شف بس وين وقف الرمح ..
ضف راسبوتين وجهه وناظر في مكان الرمح .. وتراجع بسرعه وقال : باسم الله وش ذا ؟
قالت نسايم : هاه عرفت الحين اني صادقه ؟؟
قال راسبوتين : وش ذا ؟؟
قالت نسايم : هذا الله يسلمك اسمه ثعبان البوا ..
قال راسبوتين : متأكدة ؟؟ أخاف انه من نسل الديناصورات ؟؟
قالت نسايم : لالا تطمن يا باشا انا قارئه عنه .. وعلى فكره هذا اللي ذبحته شكله باقي صغير ؟؟
قال راسبوتين : أقول بس .. شكلنا طحنا في جزيرة دايناصورات .. وانا اقول ليه ما شفنا أحد ؟؟
قالت نسايم : يا غبي وين شايفنا في لعبة داينو كراسيس ؟؟ اعقل يا خي ..
قال راسبوتين : الا انتي اللي اعقلي .. وشوفي الواقع ..
قالت نسايم : يا راس لا تخليني اعصب عليك .. تراك ياخي في جزيرة .. يعني فيها شيء اول مره تشوفه .. تراك مو في بيتك ..
قال راسبوتين : تكفين اللي ما اعرف شيء عن الجزر .. تريني شفت فيلم طرزان ثلاث مرات .. وفيلم الكاريبي .. وعلى أمل اشوف فيلم لوست قريبا على الام بي سي ..
قالت نسايم : ام الثقافية يا شيخ .. اقول اسكت لا أفقع لك عيونك .. قال ايش قال افلام ..
قال راسبوتين : طيب ألحين ندور الذيب والا نرجع ؟؟
قالت نسايم وهي تنزع الرمح حقها من الثعبان : وش رايك ؟؟
قال راسبوتين : والله ما ادري ..
قالت نسايم : حتى انا ما ادري ..
قال راسبوتين : طيب في رايي اننا ندور قدام شوي ثم نرجع .. الظاهر ان الجو بدا يغيم ..
قالت نسايم : رايك صواب .
وبداوا يسيرون في الغابة ..
وظلوا يبحثون عن الذيب .. ويصارخون بأعلى صوتهم : ذييييييييييييب .. بس ما احد معطيهم وجه ..
قالت نسايم : الظاهر ان الذيب مو قريب والا سمعنا ..
قال راسبوتين : يمكنه نايم ..
قالت نسايم : لا يا شيييخ !! الا يمكنه يلعب بلوت من القرود الموجوده ..
قال راسبوتين هه حلوة قرود .. قسمن بالله إن يملخه الغوريلا حقهم لو هزمه . مسـ ...
سكت راسبوتين وناظر في نسايم وقال : ما تسمعين صوت ؟؟
قالت نسايم : الا بس مو متأكدة ..
قال راسبوتين : الصوت جاي من وراك .. خلينا نشوف ..
وما أمدى راسبوتين يكمل الا وذاك الثعبان الكبيييير اللي طالع لها ..
وصاحت نسايم : خلللللللللللللللللنا ننحااااااااااااش ..
وما صدق راسبوتين خبر .. وحطوا رجولهم راجعين للمقر حقهم ..
ولحقهم الثعبان في طرادة ..

- 2-
ناظر خالد في المكان اللي اشرت عليه ملكة وقال : اللهم لك الحمد .. توفرت مهمتنا ..
قالت ملكة : هذا مو كأنه قاربنا ؟؟
قال خالد : أي والله انه هو عارفه من وجهه هذا اللي تقول علبة مناديل ..
راحت ملكة وخالد لليخت .. فقالت ملكه : طيب هو ما تكسر ؟؟
قال خالد : والله لو هو متكسر كان ما جا هنا ..
قالت ملكة : والله غريبه .. يمكن ما هو تبعنا ؟
قال خالد : أجل من بيكون له ؟؟ للهنود الحمر ؟؟
قالت ملكه : يمكن ..
وقف خالد وقال لها : انا انصحك ما تقراين روايات خيالية .. بعدين تتاثرين عقليا وصحيا ..
قالت ملكة : طيب امش خلنا نشوف القارب هذا ..
وتابعوا المشي إلى أن وصلوا لليخت .. تسلقوا الجزء السهل فيه ودخلوا داخل ..
قال خالد : هاه قنعتي ؟؟ هذا قاربنا ..
قالت ملكة : أي والله صدق ، حتى شوف باقي بعض أغراضنا موجوده ..
قال خالد : البركة في شيبان الرحله .. ما قصروا أحكموا الأغراض ..
قالت ملكة : طيب خلنا نشوف الخلل وين كان ..
نزلوا لتحت اليخت وجلس خالد وملكة يدورون وين مكان الكسر اللي في اليخت ..
قالت ملكة وهي تأشر بيها في مكان : الله وش ذا الكسر ..
قال خالد : ايواااااه .. اذا هذا الكسر ؟؟
قالت ملكة : بس شكله جامد ؟؟
قال خالد : اكيد شعب مرجانيه وش تتوقين بتسوي ؟؟
قالت ملكة : طيب وش راح نصلح ؟؟
قال خالد : راح نصلحه ..
قالت ملكة : وشلون ؟؟
قال خالد : نرقعه ؟؟
قالت ملكة : وش شايفه كورة ترقعها ؟؟ والا واحد من فنايلك الرياضية ؟؟
قال خالد : أولا لا تغلطين على فنايلي الرياضية .. لاني اقدرها شخصيا ومفصلها على الطريقة الاوروبية .. بس راسبوتين يسرقها بعض الاحيان وما ترجع الا فيها شقوق .. ما ادري هو رايح يلعب والا رايح يدخل معارك ..
ثانيا : اليخت يترقع ليه لا ..
قالت ملكة : هههه على الطريقة الأوروبية يا شيخ اروح شكشوكة .. أي والله اوروبية ..
قال خالد : للمرة الأخيرة أحذرك ..
قالت ملكة : خلاص يا شيخ والله اللي يسمعك يقول وارثها من ماردونا .. الحين وش كيف نرقع اليخت زي ما تفضلت ؟؟
قال خالد : هذا اليخت وانا اعوم فيه على عهد عزه .. شفت فيه طبقتين خشب زايده .. وكمان شفت تحت مجموعه مسامير .. باشوف عساها تكون موجوده ..
قالت ملكة : طيب وكيف تبي تسمر الخشب ؟؟
قال خالد : هذي مسامير خاصه باليخوت ( جمع يخت ) .. وبعدين نحصلها اول ثم نفكر كيف نسوي ..
جلست ملكة مكانها تنتظر خالد .. وخالد طلع يشوف الخشب والمسامير ..
بعد فتره نزل خالد وقال : الحمد لله كل شي موجود ..
ثم رمى المسامير وقال : هذي المسامير وجبتها .. باقي الخشبة .. بس هي كبيره شوي .. تعالي ساعديني ..
وراحت ملكة مع خالد باتجاه الخشبة .. وشالوها بعد شق الأنفس ..ونزلوها جنب الشق ..
قال خالد : الحمد لله ان الكسر كان قريب والا كان اضطرينا اننا نرفعها اكثر ..
قالت ملكة : طيب الحين وشلون بتدق المسامير ..
قال خالد : بندور على حجرتين .. وكل واحد يدق له مسمار ..
وفعلا لقوا حجرتين تمكنهما من دق المسامير ..
وبدأ خالد وملكة يدقون المسامير .. الييين انتهو ..
قال خالد : اوه .. والله انجاز .. سوينا انجاز نستحق عليه جائزة فرناندو..
قالت ملكة : فرناندوا ؟؟ وش ذي الجائزة اللي اول مره اسمعها ؟؟
قال خالد : انتي اصلا وش تعرفين ؟؟ هذا فرناندوا كان زي حالتنا .. انكسرت سفينته وصلحها كذا .. بس للاسف ما احد عطاه وجه هو وجائزته ..
قالت ملكه : اقول بلا نصب علينا .. الحين خلنا نروح للشباب ونشوف وش صار معهم ..
وخرج ملكة وخالد من اليخت ..
قال خالد : ياااه ما احلى الجو .. مغيم .. مو زي جونا في جده ..
قالت ملكة : ايه صح .. بس خلنا نروح نشوف الشباب ..
وراحوا باتجاه الشباب ..

- 3 -

كانت بيوك تصلح الأكل للشباب .. لكنها وقفت عن العمل لمشاهدة القادم ..
لكن اللي جاءهم .. ما كانوا متوقعينه ..
قال نايف : معقوووووووووووووله؟؟
قالت بيوك : هلااااا والله .. هلا والله بالذيب ..
قال الذيب : هلا والله هاه ؟؟
ضحك نايف وقال : وش تبينا نقول ؟؟
قال الذيب : هلا والله بيكم .. كنت امزح يا بو الشباب ..
قالت بيوك : والله وحشتنا يا ذيب .. فكرناك ضعت ..
قال ذيب : أصلا ضعت بس بفضل حنكتي رجعت ..
قال نايف : شايب وش عليك .. حكيم وعندك حنكه ..
قالت بيوك : أي حنكه ياواد .. هذا اكيد ما جابه الا الجوع ..
قال الذيب : أي والله اني جايع من يوم رحنا بالطايره للحين وانا ما ذقت شي ..
قال نايف : تكفى اللي اكلنا الحين شيء .. تو بيوك تسوي الأكل ..
ناظر الذيب يمين وشمال وقال : وين الشباب ؟؟ برضه ضايعين ..
ضحكت بيوك وقالت : نو نو يا مستر .. كل واحد في مهمته ..
قال الذيب : أهاااااا مهمه .. والله ما عندكم ما عند جدتي .. وش مهمته ؟؟
قال نايف : نسايم وراسبوتين يدورون عليك يالضايع !! وخالد وملكة يدورون على شيء نرجع فيه ..
قال الذيب : والله !!
قالت بيوك : أي والله ليه ؟؟
قال الذيب : وليه خليتيهم يروحون ؟؟ الجزيرة هذي مخاطر ..
قالت بيوك وش تقصد ؟؟
قال الذيب : لو دريتي وش اللي جاني كان ما ارسلتي واحد ..
قال نايف : كيف يعني ..
قال الذيب : قبل لا أعطيكم سالفتي .. خذ يا نايف عارف انك تقدر التدخين ..
أخذ نايف البكت من الذيب وقال : كانك تعرف اني مشتاق له ..
قالت بيوك : تعال وش قصتك ؟؟
قال الذيب : أعطيكم قصتي .. ذيك الليلة يوم كل واحد طمر في البحر طمرت معاكم .. بس الموج اخذ بي وأنا كنت مرهق فما استطعت إني اقاوم الموج فخليته ياخذ راحته .. وبدا يلعب بي يمين وشمال .. وما دريت عن نفسي الا وأنا على الشاطي .. طبعا قمت وانا ما ادري وش السالفه .. كنت افكر اني في حلم ..
قاطعه نايف : وشلون ما شفناك ؟؟
قال نايف : انا كنت في الجهة الثانية .. خلني اكمل طيب ..
قال نايف : تفضل ..
قال الذيب: وقمت وانا ما ادري وين الله حاطني .. بس قلت خلني امشي .. وطبعا قلت امشي على طرف الشاطي احين من اني ادخل وسط الجزيرة لأن مخاطرها كبيرة ومحتمله .. بس وصلت في الشاطي لمرحله انك لا بد تدخل من الجزيرة حتى تتعدى هذا الجزء .. وفعلا دخلت وانا حذر وأدعي الله انه ما يصيبني بشي .. المهم وعديت على خير ورجعت للشاطي مرة ثانية .. بس رجعتي كانت نحسه .. اول ما قابلت في وجهي تمساح يدور له على فطور .. فقلت والله ما اكون في بطنك يالنذل .. وأحط رجلي وهو يلحقني .. بس ربي فكني منه .. تعرفون هو ثقيل وأنا ما شاء الله علي سريع ..
قالت بيوك : ههه الا والله الخوف ..
قال الذيب : المهم وأنا ادخل الجزيرة وحرمت اجي شي اسمه شاطي .. وبديت ادور عليكم في الجزيرة ..
قال نايف : وكيف عرفت اننا في الجزيرة ..
قال الذيب : ما ادري حسيت كذا .. المهم وأنا ادور عليكم .. الا وأطيح في ذاك السنيك ..
قال نايف : السنيك ؟؟
قال الذيب : أقصد ثعبان الله لا يوريكم اياه كبييير ..
قالت بيوك : شكلك متاثر بريزدينت ايفل ون ..
قال الذيب : هذا الكلام قوليه لراسبوتين .. انا والله اني شفته بعيوني ..
قالت بيوك : طيب كمل وش صار ؟؟
قال الذيب : وجيت ابي اتسلق لي شجره بس بطلت لسببين .. الأول ان الثعبان طاردني طاردني .. والثاني ما يمديني أصلا لقلة خبرتي في تسلق الأشجار .. فقلت ما معاي الا الشاطي ..
قال نايف : وليه الشاطي ؟؟
قال الذيب : ما ادري كذا من الله قلت يمكن الاقي التمساح والا شيء .. بس ظني خاب .. والله وامحط رجولي جري .. وأنا أجري وهو يجري وراي .. وطاح قلبي من جد .. قلت لمتى بيطردني ؟؟ وسبحان الله لمحت اليخت حقنا مرسي على الشاطي قلت بس لقيت الفرج ..
قال نايف : وأنا اقووول من وين جبت البكت حقي ؟؟
قال نايف : لا تقاااطعوني خلوني اكمل رجاءا ..
ما امداه يسكت الا وخالد وملكة واصلين ..
قال خالد : لالالالا مش معقوله .. هلا والله بشايبنا ؟؟
قال الذيب : هلا فيك عنتر ..
قالت ملكة : الحمد لله على السلامة ..
قال الذيب : الله يسلمك ..
قالت بيوك : ايوا كمل .. ما عليك من الشباب ..
قال الذيب : وفعلا صعدت اليخت .. ما ادري كيف لكني صعدت .. بس الثعبان شفته كانه يبي يطلع وراي .. قمت دورت يمين وشمال .. ولقيت لي عصا طويله شوي مثبته عل سطح اليخت .. والله وأنزعها وأقوم انغز فيها ذاك الثعبان .. كل ما جا يبي يطلع .. عطيته ذيك المحطه اللي تمشي طبلونها فيرجع .. ويوم طفش مني .. رجع وراح داخل الجزيرة .. قعدت بعدها فتره الين ضمنت انه راح .. ثم مشيت بحذر .. وانا ماشي شفت دخان النار اللي شابته بيوك .. فاطمأننت وقلت الحمد لله وصلت لبني غثه ..
قالت بيوك : الحمد لله على السلامه .. ولو كلاك الثعبان كان بيسوي جميل فينا ويفكنا شرك ..
قال الذيب : الا ليت انه ياكلك انت ..
قال خالد : ياكلك .. حبه حبه .. ياكلك .. اكل البرشومي ..
قالت بيوك : الحين انت يا رئيس الرابطه وش صلحت ؟؟
قال خالد : ابشرك لقيت اليخت .. وصلحته انا وملكة .. ما بقي الا ندفه لوسط المويه ونتوكل ..
قال نايف : وين نتوكل : ما اخذنا يوم .. خلونا نجلس شوي ..
قال الذيب : معصي إلا خلونا نروح بس .. الجزيرة مالها أمان ..
قالت بيوك : كلامك صح .. بس لا بد ننتظر راسبوتين ونسايم ..
قال الذيب : اوووه نسايم وراسبوتين سوى .. اجل مو جاينكم الا بكره ..
قالت بيوك : والله الجو بدا يظلم شوي ..
قالت ملكة : أي والله خاصة على هالغيم الحلو ..
قال خالد : طيب نلم عفشنا حتى نكون جاهزين ..
قال نايف : عفش ؟؟ الله اكبر اللي يشوفك يقول اننا واصلين براحتنا .. ما تدري ان ما فيه ولا قطعه معنا ؟؟
قالت بيوك : بعدين ما احنا برايحين الين يجي راس ونسوم ..
قال خالد : بسيطه .. نحط لوحه نكتب فيها عزيزي الزائر لقد انتقل مكاننا الى اليخت المجاور ..
قالت ملكة ك يا ثقل دمك ..
قال الذيب : هذي ضرايب اللي يخاوي راسبوتين ..
قال خالد : لا ضرايب ولا هم يحـ ..
قاطع كلامه مجيء راسبوتين ونسايم وهم يركضون ..
قالت بيوك : وش فيكم تركضون ؟؟ عسى ما شر ..
قال راسبوتين : خلونا ننحاش الحين ..
قال نايف : ليه ؟؟
قالت نسايم : الثعبان الكبير ورانا ..
قال الذيب : ما قلت لكم .. يالله بسرعه على اليخت ..
وشاف الشباب الثعبان جايهم من بعيد ..

- 4 -
توجه الشباب بسرعه كبيره لليخت ..
قال خالد خلوه علي أنا ونايف وراسبوتين .. وانتوا والشايب روحوا اسبقون وجهزوا اليخت واحنا بنلحقكم ..
قالت بيوك : ما يصير ..
قال خالد : الا افضل من انه يلحقنا كلنا ..
قال الذيب : كلامه صح ..يالله بسرعه يا بيوك ..
بيوك ما طاوعها قلبها .. لكنها الظروف وش تسوي فيها ..
وانقسم الشباب فريقين .. فريق يصد الثعبان وفريق يجهز اليخت ..
قال راسبوتين : كل واحد يكسر له غصن ويخليه معه كسلاح ..
قال نايف : وش سلاح ؟؟ الله يعيننا نراوغه ..
قال خالد : راس خله علي ..
قال راسبوتين : وش خله عليك .. ترى ما احنا في مباراة دوليه ..
وفعلا وصل الثعبان .. وبدا الشباب يراوغونه .. وكل ما وصل لواحد عطاه ذيك الضربه بعصاه ..
حاول فيهم الثعبان بكل طريقه ما قدر .. لكن اتجه هذي المره مو على نايف واللي معه .. اتجه صوب اليخت ..اتجه للذيب واللي معه ..
قال راسبوتين : والله ما تعدي منا يابن اللذينا ..
قال خالد : أي والله ..
وبدا الشباب يطاردون الثعبان .. لكن الثعبان تفطن لهم ورجع عليهم مره ثانيه ..
قال راسبوتين : نايف انت رح مع الذيب واللي معه ساعده .. واعطنا خبر لمن ينتهون وهذا الثعبان خله علينا..
قال نايف : اوكي .. بس ما اوصيكم ..
قال راسبوتين لخالد : والله طفشني هالثعبان .. وش رايك نهاجمه ؟؟
قال خالد : نهاجمه ؟؟ انت صاحي ؟؟
قال راسبوتين ما معنا الا كذا .. والا ما هو فاكنا ابد ..
قال خالد :: ابشر ولا همك ..
قال راسبوتين : اللي يوصله يطعنه .. بس لا تنس تراوغه ..
قال خالد : لا توصي حريص ..
وبدا خالد وراسبوتين يطعنون في الثعبان .. بس الثعبان مل صبره وهجم على راسبوتين .. والتف عليه بسرعه وقوه .. وبدا يعصره ..
قال خالد : افا وانا ابو خلود .. وأخذ غصن ثاني حاد وأقوى من الأول .. وجا للثعبان اللي عاصر راسبوتين ..
وبدا يطعن فيه .. وراسبوتين عيونه بدت تطلع وهو يقاوم .. وطعنه خالد .. وطعنه ..
قال راسبوتين : يا غبي رااااااااسه لا تفوته ..
جمع خالد قوته وطعن راس الثعبان باقوى ما يمكن .. فانتفض الثعبان مكانه وترك راسبوتين .. اللي ما صدق انه نجا .. وناظر في الثعبان اللي بدا ينتفض على الأرض .. فأخذ رمحع وكمل به الباقي ..
وفي هذي اللحظة نادى نايف على خالد وراس : هييييييييي تعالوا خلصنا ..
قال خالد : بدري ..
ثم ناظر في راسبوتين وقال : جاك شيء ؟؟
قال راسبوتين : لا الحمد لله .. الركاب سليمين ..
وتوجهوا للشباب اللي ركبوا اليخت .. وبداوا في الرجوع لمنطقتهم الأوله ..وفعلا تم رجوعهم بسلام ..
وسلموا اليخت ..
قال راسبوتين لراعي اليخوت : الله يقلع ذا الوجه اللي كأنه شايب يقول احد أمرين .. وش ذا اليخت ؟؟
قال راعي اليخت : اقول لا تتمسخر أنت وخشتك اللي تقول دعاية صانصيلك .. هذا خويك خذا اليخت الغلط .. أصلا اليخت اللي أخذتوه كنت ابي ابيعه في الحراج ..
قالت بيوك . خلاص هاحنا سلمناك .. وفي امان الله ..
وراح الشباب للمطار .. طبعا بعد ما غيروا ملابسهم اللي تفضح وبعد ما اخذ كل واحد منهم دش يغير من حالته اللي تروع ..
قالت بيوك للشباب : خلوكم هنا ..
قال خالد على وين ؟؟
قالت بيوك : بروح أجيب جوازات السفر من قسم الأمانات .. ليه تفكروني غبية باخذها معي للجزيرة ..
قالت نسايم : اثاريك ذكيه ..
قال راسبوتين : لا تغلطين نسايم رجاءا ..
قالت بيوك : خلاص اسكت انت واياه وخلوكم مؤدبين الين ارجع لكم ..
راحت فترة بسيطة .. ورجعت بيوك بالجوازات وبالحجوزات ..
قالت : يالله تجهزوا الرحلة بعد ساعة ونص ..
وركب الشباب الطائرة ..
وكلها كم ساعة وهم واصلين مطار جده ..
وما صدقوا شافوا جده ..
وعلى طول على بيتهم ..
وبلا اجازة برا بلا هم ..
الاجازة في ربوع الوطن أحسن ..



انتهت القصه بحمد الله .....................................

[راسبوتين]

نسيت أقول شي يا حلوين ..

بعد قراءة القصة بكل أجزاءها اتمنى الاجابة على الأسئلة التالية :

وش رايك بالقصة ؟؟ وكم النسبة التي تعطيها ؟

ايجابيات القصة .؟

سلبيات القصة ؟

أفضل شخصية أعجبتك في القصة ؟ ولماذا ؟

أفضل موقف أعجبك في القصه ؟

مقترحات ونصائح تسديها لي ؟

اتمنى انكم تجاوبون لي على الأسئلة بكل صراحة ,, وأنا المستفيد الأول ,.. كل واحد يقول اللي في خاطرة مش حازعل ..

وشكرا لكم

[سونهام يغمور]

قال الذيب : أقصد ثعبان الله لا يوريكم اياه كبييير ..
قالت بيوك : شكلك متاثر بريزدينت ايفل ون ..

دحين ما لقيت الا هالفلم يا اخي شفته عشر طعشر مليون مررره ون و تو بعد

فاطمأننت وقلت الحمد لله وصلت لبني غثه ..
قالت بيوك : الحمد لله على السلامه .. ولو كلاك الثعبان كان بيسوي جميل فينا ويفكنا شرك ..
قال الذيب : الا ليت انه ياكلك انت ..

شكلك تقرا افكاري
بالظبط نفس المشاعر

قال خالد : بسيطه .. نحط لوحه نكتب فيها عزيزي الزائر لقد انتقل مكاننا الى اليخت المجاور ..
قالت ملكة ك يا ثقل دمك ..
قال الذيب : هذي ضرايب اللي يخاوي راسبوتين ..

مسكين تحسب نفسك في المنتدى المفروض تقول
نحط لوحه نعمل لراحتكم و ناسف لازعاجكم
خخخخخخخخخخخخخخخخخخخخخخ

بيوك ما طاوعها قلبها .. لكنها الظروف وش تسوي فيها ..

اييييييييييييييييييييه لا تعليق

قالت نسايم : اثاريك ذكيه ..

مو معقوله نسومه انتى كدا تفكري فيا .... :36_1_4[1]:

وش رايك بالقصة ؟؟ وكم النسبة التي تعطيها ؟


رايييي الجزء الخامس لوحده يبغاله 10 اجزاء
هههه
لا القصه حلوه راس بس تحس انها كوبي من خلفيتك الثقافيه
امبي سي تو

الله يستر القصه الجايه ما تكون بريزن بريك

ايجابيات القصة .؟

مافي اجابيات غير في الاخر مررره
الاجازه في ربوع الوطن



سلبيات القصة ؟

كلها ضرب و تلطيش


أفضل شخصية أعجبتك في القصة ؟ ولماذا ؟

في الحقيقه و الواقع عجبني الذيب


أفضل موقف أعجبك في القصه ؟

افضل افضل افضل
طيب فيه كذا موقف بس افضل شي لما نسايم فجرت غضبها
و ركزت على الثعبان
انقذت حياتك يا راس


مقترحات ونصائح تسديها لي ؟

المره الجيه لما تبغا تالف قصه حط نفسك مكان كل واحد
و شوف تطلع حلوه و لا لاء؟






و سلامتك

[سارونة]

الصراحة في هالقصة كان معروض علي دور البطل بس أنا رفضت
لأسباب شخصية ...


إن شاء الله الفلم الجاااي أنا البطلة ..
وراسبوتين مرة ثانية اعرض علي الأدوار في وقت فراغي .. اوكي؟؟؟

[كتكوتة ماما]

قصة جميلة ورائع
انا عضوة جديدة هل تسمحوا لي ان اكون معكم في الرحلات للاني اموت في السفر

[راسبوتين]

بيوك ..
ثانكيو مسز ..
من ناحية انه يبيلها عشر اجزاء فوالله انك صادقة .. كنت انوي بس وش نسوي قد قلت لكم كلمة ..
أما كوبي ما كوبي .. فهذي حالة نفسية ما ادري يمكن لها دخل >>> كوبي والا امريكي خخخ
ومن ناحية مقترحك .. فصراحة انا احط نفسي دايم مكان كل واحد .. بس يمكن تسارع الأفكار يلخبط شوي على الأشخاص .. سوري ..

وشكرا لك .. ملاحظاتك حلوة ..

....................................

سارونه .. ايه صح كنت مقدر ضروفك ..
ومن ناحية الفيلم الجاي .. انا يمكن أحطه مسلسل حتى يكون الأعضاء فيه ( يوه قلت لكم سر )
ثم تعالي وين الاجابات .. أهم شي الاجابات على الأسئلة ..

شكرا لمرورك اللطيف .
.................................................. .
كتكوتة ماما ..
هلا بيك في المنتدى .. والله يحييك في بيتك ..
ان شاء الله بيوك تضيفك ضمن كرت العائلة ( بيوك كرت العائلة كم وصل عندك ؟؟)
والأيام جاية ان شاء الله وبتشوفين نفسك فيها .. بس بشرط ان تستمري .. لأني اللي اشوف اسمه واجد ومشارك معانا في المنتدى أحفظة وأعرف انه دايم متواجد .. وعلشان كذا احطه معانا في القصص ..

واذا امكن تحلين الأسئله ( متأثر بالاختبارات ) إذا جاوبتي لي على الأسئلة اكون شاكر .
شكرا لمرورك ....



في انتظار البقية ................

ياخي كان مطيتها شوي كم حلقة


خمس حلقات !!

والله لو انك مطولها شوي كان احسن

خلنا نتحمس ونشتاق للحلقات


شكرا لك بصراحة امتعتنا بالقصة

والاسئلة لي عودة معها

لانها صعبة ويبغالها مذاكرة <<< خذت عقله الاختبارات والمذاكرة

[راسبوتين]

وش دعوى خالد ؟؟

والله كان ودي أمططها .. بس عطيتكم كلمة ..

ثم اني مقدر وضع الشباب ..

الموضوع ينزل .. وبعد سنة يتذكرون فيردون ..

ننتظر والشكوى لله .

.

[نسايم]

ياربيييييييييييييييييييييييييييييييييييييييييييييي ييييييييييي لالالالا يا راسبو كانت المفروض تكون اكتر من كدا

لكييييييييييييييييييييييييييييييييييييييييييي يييين <<<< آي يا زوله

والله زاتها قصه خطيره جدا

بصراحه مبدع

واحلى موقف لما انقذتك انته اكيد مدين ليا بحاجتين اول شي هديه لانقاذ حياتك
تاني شي هديه علشان تخرجي
ههههههههههههههههههههههههههههههههههه

و سلبياتها انها قصيره كان يبغالها تطول
تاني شي اعتمدت على المفاجأه في اكتر من موقف
يعني في ظهور نايف وفي رجعة الذيب كلها بالمفاجأه

الشي الثالث اعتمادك في الكتابه على الصدفه اللي يخلي روايتك للقصه يضعف

هذي انتقاداتي تقبلها بصدر رحب
وما انتقدت الا عشان يكون الجاي افضل

وممكن اكون مصيبه وممكن اكون مخطئه

والقصه في اي حال من الاحواااااااااااااال هي حلوووووووووووووووووه
ويكفيني انو راسبوتين اللي كتبها

والله كل ما اجلس لحالي افتكر قصصك ياراسبو واجلس اضحك

عسى محد يدخل عليا وانا على دا الحال ويحسبوني اهلي اتجننت خخخخخخخخخخ

تشكر يا ريس

[راسبوتين]

نسايم ..

الحمد لله أخيرا .. مو مصدق أحد رد ..

مشكور نسوم على ردك ..
ومن ناحية أكثر ما أكثر .. فان شاء الله الجايات أكثر ..

ومن ناحية الجائزه فأحولك لسكرتيري العزيز خالد >>> أم الوظيفة يا شيخ

وسلبياتك أنا معاك .. بس المفاجآت كانت حلوة بس لو كانت القصه طويلة أم القصيرة فصح كلامك صح

وأما الصدف فهذي أعتقد انها اللي تحلي القصص .. بس رؤيتك في محلها ..

وأنت مصيبة من اللي قال انك مخطئة .. لا والله ملاحظاتك حاطها في الاعتبار ..

وبعدين تسلمين على ثقتك المفرطه في كتاباتي >>> يعني تبطي سارونه تجي جنبي شي :)

المهم لا اوصيك أهم شيء لا تتذكريني وأنتي في محاضرة .. بعدين تدعين علي ..

الله يوفقج >>> متأثر من سارونه ..

تحياتي