( رحلة الى الأدغال .. الجزء الرابع )
فيما مضى ..
قرر الشباب قضاء الاجازة في احد الجزر .. لكنهم واجهوا متاعب ومصاعب .. فقد غرق يختهم .. وكاد يفتك بهم احد اسماك القرش .. واختفى الذيب ونايف .. لكن نايف وجدهم في الجزيرة .. وقررت بيوك توزيع الشباب إلى فرق .. كل فرقه لها مهمتها .. وتوجه كل واحد حسب دوره ..
- 1 -
قال راسبوتين : بيوك وين بيكون مقرنا علشان نرجع له ؟؟
قالت بيوك : اغتقد ان هذا هو المكان المناسب ..
ثم التفتت لنايف وقالت : وش رايك ؟؟
ناظر نايف في اللي حوله وقال : يمكن ..
قالت نسايم : كيف يمكن ؟؟ مناسب والا لا ؟؟
قال نايف : لالا قصدي مناسب ..
قالت بيوك : تحركوا الحين وارجعوا لي قبل الظلام ..
قال خالد : الله اعلم كم بقي على المغرب ؟؟
ناظرت ملكة في الجو وقالت : يمكن حدود اربع ساعات ..
قالت بيوك : وش دراك انه باقي اربع ساعات ؟؟ ما معانا ساعة ؟؟
قالت ملكة : فيه شيء اسمه ساعة استخدامية ، وفيه ساعة ذهنيه ..
قال راسبوتين : ام الألغاز يا شيخ ؟؟ ممكن تفسيري ؟؟
قالت ملكة .. اوكي يا سيدي اوضح لك ..
تقدمت خطوتين ثم قالت : الساعة الاستخدامية هي اللي نشوفها ونلبسها ونستخدمها وهي تخدمنا في البحث السريع عن الوقت الدقيق ..
قال خالد : طيب والذهنية ؟
قالت ملكة : واما الذهنية فهي اعتمادا على العقل وعلى العوامل المحيطه ، والا كيف كانوا اول يعرفون الوقت ؟؟ وفي الساعة الذهنية ما يكون هناك وقت محدد يتقيد بالوقت .. يعني بس تقدر تحدد الوقت بعمومه ..
قالت نسايم : ممكن توضيح أكثر ابله ملكة ؟
قالت ملكة : يعني لو قلتي لي الحين وش الوقت كان قلت لك نهاية الظهر .. بس كم الساعة بالتحديد ما اعرف ..
قالت بيوك : يعني ما نقدر نحدد الوقت ؟
قالت ملكة : الا عن طريق واحد ..
ثم ناظرت في نايف وقالت له : ممكن يا نايف ترسم دائرة كبيرة شوي على الرمل ؟؟ وتجيب لي معاك عصا طويله ؟؟
قام نايف وصلح اللي طلبته ملكه .. اخذت ملكة العصا وغرستها في النصف وقالت : الحين يا سادة نقدر نحدد الوقت .. الساعة الحين تقريبا ثلاث ..
قال راسبوتين : أحلاااااااااا شكل تخصصك مادة العلوم .. اذكر اول كنا ندرسها ..
قالت نسايم : بس هذي الطريقة ما تنفع بالليل ..
قالت ملكة : أي صح .. عاد هذي يبيلها تقدير ذاتي .. قد يكون صح وقد يكون خاطيء ..
قالت بيوك : يعني الساعة الذهنية تتعطل في الليل ..
قالت ملكة : ايوه ..
حط راسبوتين يده على كتف نسايم و قال : طيب ركبوا لها أحجار .
ضحك خالد وقال : يقلع ابليسك يا بو دجه ، احنا وين وانت وين ..
قالت نسايم : نزل يديك من على كتفي لا أشيل وجهك بكف ..
قال راسبوتين : بسم الله .. اللي يشوفك يحسبك الحجر السود ممنوع لمسه ..
قالت نسايم : والله ما فيه حجر اسود الا انت يا غبي ..
قالت بيوك : ياللا الحين كل واحد يشوف شغله ويروح في مهمته ..
ناظر الشباب في بعضهم ..
كل واحد ناظر في خويه .. وبدا في التوجه لمهامهم ..
- 2 -
قال خالد لملكة وهم يمشون : ما شاء الله عليك من وين صرت مثقفة .
قالت ملكة : من وين تتوقع ؟؟
قال خالد : ام بي سي تو ؟؟
قالت ملكة : ايييييييش ؟؟
قال خالد : اجل ما فيه غيرها قناة ون ..
قالت ملكة : هذي قنوات يا غبي .. وش دخلها في الثقافة ..
قال خالد : اجل من وين ..
قالت ملكة : من القراءة .. من الكتب ..
قال خالد : وعععععع .. وين اقرب زبالة .. ابي اطرش .. قالت ايشذقالت كتب ..
قالت ملكة : ايه كتب وش فيها ..
قال خالد : انا في الدراسة ما كنت اطيق شيء اسمه كتب ..وما اناظر الا كتاب العلوم ..
قالت ملكة : ليه كتاب العلوم بالذات ؟؟
قال خالد : لأنه مليااااان صور .. حتى في صورة لقيتها في الكتاب تشبهني .. بس اكيد ماهي في قسم الحيوانات ..
قالت ملكة في نفسها : وش عند ذا يستهبل هو وخشته ؟؟
قال خالد : انا اصلا اثقف منك .. لا عاد تنفخين علينا مره ثانيه ..
قالت ملكة : يا شييييييخ ..
قال خالد : قولي أي شي وانا اجاوبك .. اصلا المدرسين معجبين فيني من ثقافتي العالية ..
قالت ملكة : ايه صح .. ما كاني شفت الاشعارات اللي تجي بيوك من المدرسن تبعك .. واللي تخبرها عن غباءك ..
قال خالد : اصلا متقصدها اخاف من العين .
ضحكت ملكة بقوة وقالت : يا شيخ أي عين .. باسم الله عليك من العين ..
ثم قالت : باسالك سؤال وان جاوبته فانت مثقف ..
قال خالد : اسألي ..
قالت ملكة : من هم الأتاليون ؟
قال خالد : تستهبلين ؟؟ الإيطاليون هم اللي سكنوا ايطاليا وكانوا عايشين فيها ومنهم اللاعب توتي اللاعب الشهير و ..
قالت ملكة : يا غبي اتاليون مو اطاليون ..
قال خالد : هذي من تخاريفك .. اتحداك تجاوبين ؟؟
قالت ملكة : الأتاليون هم مؤسسو حضارة اتاليا اوانطاليا او اداليا القديمة ، وهي اليوم ميناء جنوبي تركيا على البحر المتوسط ، كانت مشتى للسلجوقيين ( معلومه حقيقية ) .
طارت عيون خالد : وقال طيب عندي لك سؤال اذا جاوبتيه انتي امتز وحده ( يعني ممتازه ) ..
قالت ملكة وش هو ؟؟
قال خالد : وش هو البرنتيله ؟
قالت ملكة : البرنتيلة ؟؟ اظنه شعب جنوب افريقيا ؟؟
قال خالد : لالالا تقعدين تنصبين علينا .. مو الاجابه هذي ..
قالت ملكة : اجل وش هي ؟؟
قال خالد : هذي اسم سيارتي .. هههههههههه
قالت ملكة : ام الغباء يا شيخ ..
قعد خالد يضحك منها ويقول : قالت ايش قالت شعب جنوب افريقيا .. ام الثقافة يا شيخ ..
حقدت ملكة ولأول مرة في حياتها تجمع قبضتها وتلكم خالد في بطنه لكمه مالها اول ولا آخر .. طلعت معاها عيون خالد .. بس خالد مو زي راسبوتين يسكت . قام خالد ورد اللكمة بمثلها .. وانقلب الوضع بينهم مضاربه .. وبدا يتطاردون .. ووقفت مكلة فجأة وناظرت لخالد اللي كان شاد حيله ويجري يبي يلحق ملكة .. واستغرب وش في ملكة وقفت .. ناظرت لخالد وقالت : خالد انت تشوف اللي اشوفه ؟؟
قالت خالد : وش هو اللي شفتيه ..
أشرت ملكة بيده لمكان ما وقالت : هناك ..
ناظر خالد ..
ويوم شاف اللي قالته ملكه .. ارتفعت حواجبه لآخر حد ..
فما رآه كان امرا لا يتوقعه ابدا ..
- 3 -
مشى راسبوتين بجانب نسايم وكل واحد منهم يلتفت يمين وشمال يبحث عن نايف ..
قال راسبوتين : ما تشوفينه ظلم ان اقسى مهمة توكل لنا ؟؟
قالت نسايم : لا مو ظلم ..
قال راسبوتين : وش عليك ، انتي تتسببين بالمصايب وانا اللي اتحملها ..
قالت نسايم : اجل ليه انت رجال ؟؟
قال راسبوتين : علشان اعيش حياتي مو ابلش معاك ..
قالت نسايم : تعيش حياتك .. أي والله من حياة تعيشها ..
قال راسبوتين وش تقصدين ؟؟
قالت نسايم : ولا شيء ..
استمر مشي راسبوتين ونسايم .. ثم انتبه راسبوتين لشيء ما .. وقف مكانه وقال لنسايم : نسايم ..
قال نسايم : خير ؟؟ عسى ما شر ليه وقفت ؟؟
قال راسبوتين : ما تلاحظين نسينا شيء مهم ؟؟
قالت نسايم : وش هو ؟؟
قال راسبوتين : احنا ما ندري وش اللي قدامنا .. وشلون مشينا بدون ما احذنا احتياطاتنا..
قال نسايم : وش تقصد ؟؟
قال راسبوتين : اقصد لا سمح الله لو هجم علينا شيء وشلون نتخلص منه ؟؟
قالت نسايم : أي والله صادق .. ما فكرت في هالشيء ..
قال راسبوتين .. الحين وش الحل ؟؟
قالت نسايم : طيب وين سكينك ؟؟
قال راسبوتين : طاحت مني في البحر يوم هربت من القرش ..
قال نسايم : هذا اللي كان ينقصنا ..
قال راسبوتين : خلينا نجلس نفكر شوي اشلون نسوي لنا ادوات ..
جلسوا يفكرون .. ويفكرون ..
قال راسبوتين لقيتها ..
قالت نسايم : زين .. كفو والله قدها ..
قال راسبوتين : عارف اني قدها ..
قالت نسايم : تراني اعطيك وجه بس .. والا انت من جنبها ..
طالع راسبوتين في وجهها ثم قال : والله انكم عجايب يالبنات ..
ثم قال : انتي تشوفين هالغصن هناك يا نسايم ؟
قالت نسايم : ايوه شايفته ..
قال راسبوتين : نبي نكسره .. ثم نكسره نصفين كل نصف يكون راسه حاد ..
قالت نسايم : أهااا .. تبي تسوي منها سكين ..
قال راسبوتين : لا رمح ..
قالت نسايم : سكين والا رمح وش الفرق ..
قال راسبوتين : كذا مزاج ابيه رمح ..
قالت نسايم : بلا مسخره بعد يا راس ..
راح راسبوتين للغصن وبدا يكسر فيه .. ويكسر ..
وناظر في نسايم وقال في عصبية : نسوووم انت ووجهك .. وش قاعده تصلحين .. تعالي ساعديني ..
وفعلا ساعدته نسايم .. وأخيرا صنعوا لهم رمحين ..
قال راسبوتين : الحين يبي لنا حبل ..
قالت نسايم : وش تبي به ؟
قال راسبوتين : علشان امحطك فيه .
اعطت نسايم راسبوتين لكمة خطافيه على وجهه وقالت : قلت لا تتمسخر معاي ..
قال راسبوتين : اوكي يا خبله .. بغيتي تعدمين خشمي .. هذا الحبل للطواريء ..
قالت نسايم : اخاف تبي تصير كاوبوي ؟؟
قال راسبوتين : والله ؟؟ اقول لا تشوفين افلام امريكية كثير ..
قالت نسايم : طيب يا طرزان .. من وين بتجيب حبل ؟؟
قال راسبوتين : ما يبيلها كلام : من ألياف الشجر ..
خلص كلامه وتسلق الشجره وبدا يسحب بعض الألياف .. ويعقدها في بعض إلى ان صار حبل طويل ..
صاح راسبوتين لنسايم : نسايم خلصت الحبل ..
قالت نسايم : شطور .. هيا انزل ..
قال راسبوتين طيب ..
ونزل .. ويوم وصل لنسايم قال : والله صنعت حبل قوي .. لو اشنقك به كان متي ..
قالت نسايم : والله ؟؟ الا انا اللي باشنقك به ..
قال راسبوتين : ايه هين .. انا باربطك مع رجولك واسحبك ..
قالت نسايم : تسحبني هاه ؟؟
وعرف راسبوتين انها ناوية شر ..
قالت نسايم وهي زعلانه : انا قلت لك لا تتمسخر معي ..
قال راسبوتين : اف نسايم امزح وش صار ؟؟
مسكت نسايم الرمح حقها وقالت : طيب شوف وش بيصير ..
وقذفت بالرمح نحو راسبوتين ..
وأصاب الرمح الهدف ..
وبكل دقة ..
- 4 -
قالت بيوك لنايف : الحين وشلون بنبني بيت ؟
قال نايف : بيت ؟ انتي خبله ؟؟
قالت بيوك : لا .. بس ليه استنكارك ؟؟
قال نايف : وش بيته .. ما احنا مطولين ان شاء الله ..
قالت بيوك : الاحتياط واجب ..
قال نايف : الله يسلم المكان المفتوح .. بلا بيت بلا هم ..
قالت بيوك : لالازم نسوي بيت ..
قال نايف : ما يمدي البيت لين نبنيه يبي لنا شهر وبعده نسكن ..
قالت بيوك : ايوه صح ..
ثم قالت : خلنا من البيت الحين ..وش ناكل الشباب لمن يجو ؟؟
قال نايف : اللي نحصله من الجزيرة ..
قالت بيوك : اجل واحد منا يروح يدور على اكل والثاني ينتظر ..
قال نايف : لا ينتظر ولا شي .. نروح الاثنين .. المكان معروف وما احد بياخذه ..
قالت بيوك : صح كلامك .. يالله توكلنا بسرعه قبل ما يجو الشباب ..
وانطلق نايف وبيوك في رحلة للبحث عن الأكل ..
وفعلا وجدوا شيئا بسيطا في القرب منهم يصلح للأكل ..
وجمعوا كم من مصدر طعام ورجعوا لمكانهم حتى يجهزون المكان والطعام ..
قالت بيوك : انتبه يا ناااااايف ..
وقف نايف مكانه ورجع ورا بدافع غريزي ..
قامت بيوك اخذت صخره وقذفت بها على كائن سام يمشي تحت قدم نايف ..
قال نايف : ما شاء الله عليك يا بيوك .. وشلون شفتيه ؟؟
قالت بيوك : العقارب سامه .. صدفه شفتها ..
قال نايف : شكرا يا بيوك ..
قالت بيوك : لا شكر على واجب .
ورجعت بيوك ونايف للمكان حقهم اللي تركوه .. وبدأوا يجهزون الطعام .. وانتشرت ريحة الطعام ..
قال نايف : اخاف يكون فيه احد على هالجزيرة ويجينا ضيف .
قالت بيوك : الله يحييه ..
قال نايف : حتى ولو كان مو مرغوب فيه ؟
قالت : الله يحييه ميت ..
قال نايف : ام الثقه يا شيخ ..
ما سمعته بيوك فقد كانت تعد الطعام ..
قال نايف : وش رايك نتمشى شوي ين يزين الاكل ..
قالت بيوك : لا رح تمش لحالك ..
قال نايف : والا اقول .. اقعد احسن لي ..
قالت بيوك : ايوه احسن لك ..
قال نايف : الجو بدا يظلم والشباب ما رجعوا ..
قالت بيوك : الله يستر ..
قال نايف : ان شاء الله يرجعون بسرعه ..
قالت بيوك مكماه : ومعاهم اخبار ساره ..
سمعوا صوت اقدام تقترب منهم ..
قال نايف : ما خاب ظننا ..ها هم وصلوا ..
قالت بيوك : زين .. الحمد لله ..
قال نايف : باسوي فيهم مقلب .. باخلعهم ..
ضحكت بيوك وقالت : بكيفك .. بس انتبه يجيك كف ..
قال نايف : ما عليك ..
وتخبا نايف للقادم ..
ويوم ظهر ..
شهق نايف ..
فما كان متوقع القادم ..
لقد خالف توقعاته تماما ..
تماما ..
انتهى الجزء الرابع
المواضيع المتشابهه
.jpg)
رحلة الى الأدغال .. الجزء الرابع
.gif)
العرض العادي
