الرئيسية التحكم التسجيل
 

 
 
العودة   منتديات الكيمياء الحيوية للجميع > الأقسام العامة > رحّب.. اضحك.. العب.. فرفش
 
 

رحّب.. اضحك.. العب.. فرفش استراحة الاعضاء للترحيب و اللعب و المزح

إضافة رد
 
 
 
أدوات الموضوع انواع عرض الموضوع
 
 
 
 
قديم 05-10-2007, 02:49 AM   #1
راسبوتين
[عضو شرف]
 
الصورة الرمزية راسبوتين

 









راسبوتين غير متواجد حالياً
افتراضي رحلة الى الأدغال .. الجزء الثاني

( رحلة إلى الأدغال ) الجزء الثاني ..

في الجزء الماضي ..
جاءت الصيفية واحتار الشباب وين يقضوا صيفيتهم .. لكن نايف أشار عليهم أن تكون في أحد الأدغال .. وتوجه الشباب إلى هناك .. واستأجروا يختا .. وذهبوا إلى الجزيرة ...


- 1 -
تجول كل واحد من الشباب في انحاء اليخت ..
قال راسبوتين : ام الفلة يا شيخ .. أثاري اليخوت ( جمع يخت ) كذا ؟؟ ان شاء الله لمن نرجع لجده كل يوم استاجر واحد .
قالت بيوك : ايه هين ، صح اني باسمح لك ؟؟
قال الذيب : الله يهديك بس يا بيوك .. خلي الرجال يحلم على قده ..
قال راسبوتين : تكفى يا الشايب وش أحلامك أنت .. إذا طارت طارت حلمت في ددسن من زمان جدي ..
قاطعتهم نسايم من آخر اليخت وهي تقول : يااااه شوفوا الدلافين !!
ناظر الشباب كلهم في الدلافين وكأنهم أول مره يشوفون هالمخلوقات ..
قال خالد : سبحان الله اول مرة اشوفها على الطبيعه ..( ورجعت له ذاكرته للوراء قليلا على مشهد التماسيح اللي كادت تودي بحياته لولا ... تتابعون أحداثها في قصة رحلة الى الصين ) .
قطعت ملكة أفكاره وهي تقول : لا ياااااشيخ !!!
قال راسبوتين : شباب وين نايف ؟؟
قالت بيوك : صح ماله شوفه ..
وقام الشباب يدورون عليه .. ويمين ويسار بحث عنه ..
قال الذيب : أصلا وش اللي خلانا ناخذه ..
قالت نسايم : لا يكون نسيناه ..
قال خالد : لا أنا شايفه يحمل الأغراض معكم ..
قال راسبوتين : لا يكون أعجبته المضيفات ورجع ثاني لجده ؟؟
قالت ملكة : مستحيل .. امبوسيبل ..
قالت بيوك : وااااي .. ليه مستحيل ؟؟
قالت ملكة : لأني متاكدة شايفته موجود في اليخت اول ما مشينا ..
وبحث الشباب مره ثانية .. وأخيرا صاح خالد : لقييييييييييته ..
قالت بيوك : وينه ؟؟
قال خالد : نايم في الغرفة السفلية ..
قال راسبوتين : أحلى .. مسوي لي فيها جيمس بوند ؟؟
قالت بيوك : خلوه ينام من طول أمس ما نام .. تعالوا خلونا نشوف وش نصلح هناك ..
قال الذيب : أولا ننصب خيامنا ، ثم نوزع الشباب في مهامهم .
قالت نسايم : أهم شيء تفكوني من الطبخ !!
هدا اليخت بشكل ملحوظ .. فقال خالد : عن اذنكم بروح اشوف واجيكم ..
قالت ملكة : بليييز وأنا ابي استمتع بالطبيعة ، ابي احس بالراحة والاستجمام ..
قال الذيب : ايوه وبعد ؟؟ وانت يا راسبوتين لا تكون بعد تبي نسوي لك الشاهي .. وأنت يا خالد نجيب لك كيس رمل تلكم فيه .. ما بقي الا كذا ..
قالت نسايم : يا اخي وش فيها احنا طالعين نتمشى والا نتمرمط ..
قال الذيب : احنا طلعنا نستانس بس كيف نستانس وكل واحد متكل على الثاني ؟؟
قالت بيوك : صح كلام الذيب هو عين العقل ، لو كل واحد اتكل على الثاني كان مـ...
قاطعتهم طلة خالد الغريبة ..
قالت بيوك : وش فيه ياخالد ؟؟ فيه شيء صار ؟؟
قال خالد : فيه مشكلة .. ومشكلة صعبة ..
قلق الشباب كلهم .. فقال الذيب : عسى ماشر فال الله ولا فالك ..
قال خالد : اليخت تعطل ..
قال الشباب : ايييييييييييييييييييييش؟؟
قال خالد : والله تعطل صدقوا والا ما تصدقوا هذا اللي صاير ..
قال راسبوتين : يوووه وش ذا الحظ النحس ؟؟
قال خالد : لا وفيه مشكلتين بعد ..
بلع الشباب ريقهم وقالت بيوك : وش بعد ..
قال خالد : احنا ما قطعنا الا نصف المسافة بس وهذه المنطقة ما يمر فيها احد الا كل يومين ..
قالت ملكة : ما يصير ابد .. وش رايحين له جزيرة مهجورة ؟؟
قال خالد هذي المشكلة تهون .. لكن الثانية ..
قالت نسايم : وش هي ؟؟
قال خالد وهو يشير الى الجو : الوضع ما يساعد .. احتمال تمطر ، والليل مقبل علينا !!
وخيم الخوف على الجميع ..

- 2-

ناظر الشباب في وجه كل واحد فصاحت نسايم : نااااااايفوه هو السبب !!
قالت ملكة : ليتني قعدت في البيت احسن لي ..
قالت بيوك : ما معكم الا اللي صار ..
قال راسبوتين : المهم الحين وش نصلح ؟؟
قال خالد : ما معنا الا ندي الله ..او ..
قال الجميع : او ايش ؟؟
قال خالد : او اننا نصلح مجاديف ..
قالت نسايم : انت صاحي انت وخشمك ؟؟ وش مجاديفه ..
قال خالد : هذا الحل ..
قال راسبوتين : يمكن نسايم تحب تسبح ..
قالت نسايم : وش دخلك انت يابو راس ..
قال راسبوتين : طيب لا تعصبين علي مالي دخل ..
صمت الجميع .. على طلعة نايف اللي قال : وش عندكم مصايحين ؟؟
قال الذيب : مصايحين من توريطتك ؟؟
قال نايف : الله يستر وش من مصيبة مسويها ؟؟
قال الذيب : شف وش صار .. تعطل اليخت ..
قال نايف بهدوءه المعتاد : بسيطه ..
قالت بيوك : لا يااااااشيخ ..
قال نايف : ايه بسيطة ..
قال راسبوتين : طيب يا عمو .. وش برايك الحل ..؟
قال نايف : اما نصلح العطل .. او نجدف ..
قالت ملكة : اما التجديف ما فيه أمل .. والله لو انك سوبر مان ..
قال نايف : طيب نحاول نصلح العطل ..
ثم ناظر في الشباب وقال : أحد عنده خلفيه ..
قال راسبوتين : انا بحاول أنا وخالد وعساه بس يصلح ..
قالت بيوك : عساه بس ..
وراح خالد وراسبوتين اسفل اليخت حتى يصلحون العطل ..
وكل واحد من الشباب جلس في ركن من اركان اليخت .. وكل واحد في تفكيره ..
وبدات السماء تمطر مطر خفيف .. فقالت بيوك : ياللا يا شباب ادخلوا داخل ..
ودخل الشباب .. وقلوبهم ترجف من الخوف ..
قالت نسايم : إذا كانت نهايتي في بطن قرش فهذا شي جميل ..
قالت ملكة : لا والله افضل اموت غرقانه ..
قال الذيب : تفاءلوا بالخير ..
كان نايف يدخن في نهاية اليخت وما هو يم الشباب ولا كأن شي هامه ..
قالت نسايم : ما ابردك يا نايف ..
قال نايف : وش تبيني اصلح اشق ثوبي واصيح ؟
قالت بيوك : خلاص كل واحد يسكت مو فاضين مشاكل بعد ..
وبدت السماء تمطر بغزارة ..
خالد كان يقول لراسبوتين : هاه بشر وصلت لشي ..
قال راسبوتين : باقي اصلح وادور الخراب ..
قال خالد : تكفى شد حيلك الدنيا مظلمة والمطر كل شوي يشتد ..
قال راسبوتين : وانا وش بيدي ؟ أنا قاعد اصلح ..
استمر الوضع ساعتين .. والمطر يشتد والقارب يعتز بشده ..
ولازال راسبوتين وخالد يصلحون ..

- 3 -

صاح راسبوتين : أخييييييييييييييييرا .. صلحته ..
قال خالد : كفووو والله انك كفو ..
قال راسبوتين : الله يسلم كرسيدا الذيب .. كل ما اخذها تخرب .. واجلس يومي اصلح فيها ..
وبدا القارب يشق طريقه ..
فرح الشباب وقالوا : الحمد لله صلح القارب ..
جاء راسبوتين وخالد وانضموا للشباب ..
قالت بيوك : أحسنت راسبوتين .. ما قصرت يا ولد ..
ابتسم راسبوتين وقال : البركة فيكم ..
قالت بيوك : الحين نبي نوزع الشغال بيننا ..
قال راسبوتين : على بركة الله ..
قالت بيوك : كل واحد يعرف دوره وش علـ ...
انقطع كلامها على ارتجاج عنيف للقارب حتى ان الذيب انقلب قلبتين وطاح على نايف ..
قالت بيوك : الله يستر وش ذا ؟؟
قال راسبوتين دقيقه اشوف ..
طلع راسبوتين .. ثم رجع وقال : مصيبة ..
قالت ملكة : لااااا مش ثاني ..
قال راسبوتين : اليخت تكسر من تحت .. الظاهر ان اليخت توطى له شعب مرجانية حادة ..
قال الذيب وشلون ؟؟
قال راسبوتين : العاصفة الله يسلمك ..
قال نايف : اهم شيء تعرفون تسبحون ..
قالوا الشباب ايوه ..
قالت ملكة : طيب وشلون نسبح في هالمطر والعاصفة ؟؟
قال خالد وهو يشير إلى المياة وهي تنساب من تحت اليخت للداخل : عندك خيار ثاني ..؟؟
ارتج اليخت بقوة .. ليقطع الحوار ويضع الشباب تحت رحمة البحر والعاصفة ..
قالت بيوك : مستعدين ؟؟
خفقت قلوب الشباب بقوة .. وناظر بعضهم في بعض ..
وقالوا : مستعدين ..
قالت بيوك : يالله طلعنا .. وعسى الله يلطف بنا ..
قال الذيب : كل واحد يكون قريب من الثاني .. لا تنسون ..
قالها والشباب يغادرون اليخت اللي بدا نصفه يمتلي مويه ..
وقفز الشباب في البحر ..
وكل واحد بدا يناظر رفيقه ويمسك به ..
وبدات السباحة الجماعية في الليل ..
صاحت نسايم : عسى ما يكون فيه بس اسماك قرش .. كان بيلقون وجبة دسمة ..
قال راسبوتين : كان بيخلونك يا نسايم آخر شيء .. بيخلونك حلى ..
قال خالد : مو وقته التريقه يا راس ..
قالت بيوك : كل واحد يمسك برفيقه : الموج هائج ..
مسك .. كل واحد بيد الثاني في قوة .. وصاروا دائرة واحدة ..
لكن الموج كان أقوى .. وبدا يصفق بهم يمين ويسار ..
وبدا الشباب في السباحة بقوة .. لاجل الحياة ..
صاح خالد : يا شباب لا احد يبتعد من بعض ..
لكن ما احد كان حوله .. كل واحد في همه .. وما احد سمعه من الموج ومن المطر ..
صاح راسبوتين : يا شبااااااااااااب الحقوا الذيب ..
ورغم هم كل واحد في السباحة إلا انهم شاهدوا الذيب والموج ياخذه بعيد ..
بعيد جدا ..
وابتلع الشباب ريقهم ..
فها هو البحر قد بدا يفرقهم .. ويأخذهم واحد تلو الآخر ..
وبدات رحلة البحث عن النجاة ..
وكل يسبح بكل قوته ..
لكن .. البحر اقوى ..
فخارت قوى الجميع ..
وبدا أن البحر يسخر منهم جميعا ..
فقد فقد الشباب الوعي ..
ولا زالوا في وسط الأمواج ..
..
انتهى الجزء الثاني



من مواضيع راسبوتين في المنتدى

التوقيع

تدري وش الفرق بين
الحب .. و .. الذكرى ..!

إن أول الذكرى :
( حب ) ..

وآخر الحب :
( ذكرى ) ..!

ستبقا منتديات الكيمياء اخر الحب الى الأبد .

   
رد مع اقتباس
 
 
 
 
قديم 05-10-2007, 02:57 AM   #2
عديل الروووح
[رئيس اللجنة الاعلامية و المتحدث الرسمي]
 
الصورة الرمزية عديل الروووح

 









عديل الروووح غير متواجد حالياً
افتراضي

مشكور على القصه



من مواضيع عديل الروووح في المنتدى

التوقيع



سأطلب يدك من القمر لإنك يا حبيبتي لستي من البشر وسأجمع كل النجوم عقدا وسأنسج من الشمس فستانا وسأبني بالورود بيتنا المنتظر




من يقول انك تحب من يقول انك وفيت كل هذا كان لعب ياما اخذت وياما عطيت كافي ما جا منك كافي
   
رد مع اقتباس
 
 
 
 
قديم 05-10-2007, 03:13 AM   #3
سونهام يغمور
Bioc سابقاً
 
الصورة الرمزية سونهام يغمور

 









سونهام يغمور غير متواجد حالياً
افتراضي

اااااااااااااااااااااااااااااااااااااااه

ايش الاجازه دي


حسبي الله على اللى يفرقنا



من مواضيع سونهام يغمور في المنتدى

التوقيع

..ادعموني هنا..
فيسبوك(FaceBook) -
مدونتي(soon)

::مواقعي الشخصية::


و اخيرا اتنشر بحث الماجستير
   
رد مع اقتباس
 
 
 
 
قديم 05-10-2007, 04:40 AM   #4
ملكــة الصــمت
[عضو شرف]
 
الصورة الرمزية ملكــة الصــمت

 









ملكــة الصــمت غير متواجد حالياً
افتراضي

لااااااااااااااااااااااااااااااااااااااااااااااااا ااااااااااااااااااا

حرام عليك ياراس



من مواضيع ملكــة الصــمت في المنتدى

التوقيع


After great experience with different relations
..
I realize

always family comes first

اتخرجناااااااااااااااااااااااااااااااااا


[glow=FF3366]لا اله الا انت سبحانك اني كنت من الظالمين ...[/glow]
   
رد مع اقتباس
 
 
 
 
قديم 05-10-2007, 06:05 AM   #5
نجــم
الذيب ميثانول سابقاً [عضو شرف]
 
الصورة الرمزية نجــم

 









نجــم غير متواجد حالياً
افتراضي


:36_1_4[1]: :36_1_4[1]: :36_1_4[1]:
يوم اخذ الموج الذيب /// خلاص اتفرقتوا ،، علشان تعرفون اهمية الذيب ..

نسووووووومه يا ويلك من القرش
ملوووووكه تبغين نهايتك غرق
وين :36_6_2[1]: ؟
بيوك ما عاد ينفع التجديف :36_15_5[1]:
خالد اقرا علينا وصيتك
راسبوتين اطلب المساعدة بالثريا

في الانتظار الجزء الثالث



من مواضيع نجــم في المنتدى

التوقيع


الذيب ميثانول ( سابقاً )

   
رد مع اقتباس
 
 
 
 
قديم 05-10-2007, 06:41 AM   #6
نايف
ملك الكيمياء الحيوية للجميع

 









نايف غير متواجد حالياً
افتراضي

هههههههههههههههه


على هامش القصههه:

*نسايم رفلا حتى بالبحر

*انا:36_6_2[1]: :36_6_2[1]: وبيوك مناقر حتى بالمصيبهه

*ملكه راح عرش الصمت بتااعها

* خالد ملح الرحلات

*الذيب فينو ماياكل سمك القرش



من مواضيع نايف في المنتدى

   
رد مع اقتباس
 
 
 
 
قديم 05-11-2007, 05:32 PM   #7
نسايم
المشرفة العامة
 
الصورة الرمزية نسايم

 









نسايم غير متواجد حالياً
افتراضي

كلووووووووووووووووووووو من ناااااااايفوه
يالله يالله ياراسبو حمستنا جيب الباقي



من مواضيع نسايم في المنتدى

التوقيع


بقضي الليالي أنتظر صابر على المقسوم
متعلـق بطــرف الأمـــل يمكن يجيــني نـــــوم


   
رد مع اقتباس
 
 
 
 
قديم 05-13-2007, 01:53 AM   #8
خالــد
ضيف

 






افتراضي

بكرة الاثنين

تنزل الثالث

ترى وربي حماااااااااااااااااااااااااااااااااااس



بس شوف ,,, الذيب مااخذه الموج بعيد !!!

تكفى خليني انقذه ,, ودي امسك عليه شي اقعد اذله فيه



من مواضيع خالــد في المنتدى

   
رد مع اقتباس
 
 
 
 
قديم 05-13-2007, 02:00 PM   #9
راسبوتين
[عضو شرف]
 
الصورة الرمزية راسبوتين

 









راسبوتين غير متواجد حالياً
افتراضي

عديل الروح ..
هلا والله .. تشرفنا بوجودك ..

بعدين لا عاد تسوي علينا ثقييييل .. ياخي فرفش شوي ..

..............................

بيوك

آآآآآآآآآآآآآآآآآآآآآمين .. بس الفرقة ما راح تتطول ..

على الأقل خليكم تشوفون كيف حالكم وانتو متفرقين ..

.................

ملكة الصمت
ايه العياط ده كله .. يا رب سامحنا ..

ما عليك مقدر انك ما تعرفين تسبحين .. بس خارجتك ..

والقصه تونا بادين فيها .. الله يستر وش بتقولي مع الأحداث الجاية ؟؟

.......................

الذيب ..

وش قاعد تقول ..
والله انك شايب مخرف ..
انت اللي مورطني حسبي الله على عدوك ..
بس بتشوف دورك أنت وخشتك في القصه ..

..............................

نايف :
هلا ابو سيجارة .. وش عندك .. ما يكفي انك طول الرحلة نايم ؟؟

الله يعيني أدور لك على مخرج يكون لك في سيجاير .. تعرف سيجاريك أخربتها المويه ..

يالله تابع وبتشوف ..

.............................................

نسايم :
ما عليك بتشوفي الأجزاء كلها ان شاء الله ..
وحتعجبك ان شاء الله ..

...................................
خالد ::
حسبي الله على ابليسك أنت وردك والله ضحكتني يا دب ..
أما دورك .. فما عليك أدوارك دايم بطوليه ..
وما عليك من الذيب اصلا ابي اضيعه ..
بتشوف الجزء الثالث ان شاء الله بكرة ..

,.................

شكرا للجميع



من مواضيع راسبوتين في المنتدى

   
رد مع اقتباس
 
 
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
موسوعة جسم الانسان الاميرال ستالين الكيمـياء الحـيوية العامة 13 03-24-2009 11:03 PM
الموسوعة السرطانية الشاملة الاميرال ستالين المواد المســرطنة - Cancer's Oncogenes 4 11-21-2008 09:23 PM
الموسوعة السرطانية الشاملة الاميرال ستالين المواضيع المميزة 0 02-06-2008 01:32 AM
قرار مجلس الوزراء رمضان بلا دراسه نسايم القـسم العام 9 08-18-2007 07:33 PM
قرار مجلس الوزراء امس : أخيراً رمضان بلا دراسه سونهام يغمور الأرشيف 0 08-18-2007 06:32 AM



الساعة الآن 09:53 PM


Powered by vBulletin® Version 3.8.7
Copyright ©2000 - 2018, vBulletin Solutions, Inc.
يوتك