الرئيسية التحكم التسجيل
 

 
 
العودة   منتديات الكيمياء الحيوية للجميع > الأقسام العامة > القـسم العام
 
 

القـسم العام استراحه عامه بعيدا عن الدراسة

إضافة رد
 
 
 
أدوات الموضوع انواع عرض الموضوع
 
 
 
 
قديم 03-27-2007, 04:47 AM   #1
نسايم
المشرفة العامة
 
الصورة الرمزية نسايم

 









نسايم غير متواجد حالياً
Shade دكشنري جداوي

كيفكم
اخباركم

نبدأ
بسم الله




أبو كلب
دايم اقولها

وهادي الكلمة تنقال لما يكون في شي ما يعجبك هههههههههاي
يعني زي لمن يكون جوالك قديم ومعدوم العافيه تقول عليه
جوال أبو كلب
ولمن يكون قلمك ما بيكتب زي الأوادم ويقطع تقول
قلم أبو كلب



أشكل
جات فتره انتشرت دي الكلمة بصورة كبيرة وهيا بشكل عام معناها الطناش
فلمن تيجي تبغى تطنش شي تقول أديه اشكل
ومأخودة من لعبة البلوت اوالورق للاخوان اللي ما يعرفو معنى البلوت
أطبعوا ههههههههههاي
من الألفاظ المضحكة جدا وتنقال لمن شخص ما يسمعك
ويسأل ايش قولت وماتعيد الكلام تاني فتقوله
اطبعو بلاهه وربي بلاهه



أل
انتشرت بشكل رهيب اضافة ال التعريف من باب المبالغة في الفترة الاخيرة
زي مثلا لمن تشوف واحد غشيم تقول
مو بس غشيم الغشيم ههههههه
لمن شباب يعاكسوا في السوق ويشوفو بنات ما يقولو بنات البنات
ما رح يفهمها الا اهل الحجاز
بصراحه لانها تتنطق بطريقة مميزه
=== > يموت في الطرق المميزه


إنبراش
نعرف انه لمن بتلعب كوره واحد يدخل عليك
معناتها انبرش عليك لكن عند الشباب صار لها معنى تاني
انبراشة صار معناها انه دخله غلط وسط الكلام
يعني انه تكون انته والشلة بتهرجوا في موضوع
ويجي واحد يقول كلام مالو أي علاقة بالموضوع
هنا نقول فلان انبرش وهادي تصير انبراشه
ولا لمن يكون الكل ساكت
ويجي واحد يقول كلام ماله داعي زي نكته بايخه مثلا
هنا نقول على الحركة دي انبراشه



بسط وهز وسط
تخيلو الفيلم الهندي دا كولو عشان تجاوب على احد يقولك كيف حالك؟

بلف
ههههههههههايمن اضحك المصطلحات بصراحة طبعا الشباب يعرفو البلوف
معنى انه شخص ينبلف يعني انه يسوي الشي بسرعه بدون تفكير
مثلا لو شاف صاحبه اشترى سياره جديده وعجبته قوام جاب وحده من نفس النوع
هنا نقول انه بلف ينبلف بسرعة هههههههههاي
ولمن يكونو اتنين بيتضاربو ويجي واحد يحرش
ولا لما يكون واحد يجري بالكورة ولساعو بعيد عن المرمى
ويجي واحد يقولو شوووت يقوم يشووت كدا بسرعة
دا نقول عليه انبلف ههههههههااي
احس بعض الناس ماحتفهمها بس هوا معناها كده وخلاص



تشبيك
ودي الكلمة معروفه وانتشرت بمختلف ارجاء المعمورة
ومعناها انه لمن واحد يقول انا شبكت فلانه
يعني انا خليتها تعجب فيا وتحبني ولا تكلمني وزي كدا



تغريز
كلمة يعرف انه لمن السيارة تغرز يعني تغرز في الرمل
لكن بين الشباب المصطلح ده غير
يعني لمن انته تيجي وتقول غرزت عند فلانه
يعني وقعت في دباديبها ههههههههههه
او تقول فلانه غرزت عندي يعني وقعت في دباديبي
ايش بالله الكلام الفاضي دا نجيبلك ونش احسنلك
هههههههههههههههههههاي



حمزه
هادي اللفظ اللي المفروض يتلغى من قاموس الشباب بتاتا البتة
لأنه على اسم صحابي جليل وحرام نهين الاسم بالصورة هادي
وحمزه هادا اللفظ معروف حاليا بين مجتمع الشباب بالشخص الركاب يعني الكزاب
فلمن تلاقي احد يبكش يقولوه بس ياحمزه
((ومو قصدي عليك ياحمزه ))



جنط
الكل يعرف جنوط السيارات طبعا
لكن اليومين دول برضو صار للجنط معنى تاني
يعني لمن واحد يقرفك ويطفشك من كلامو يقولولك الشباب اعطيلو جنط
يعني طناش وهادي زكرتها فوق بمعنى أشكل



دافور
دافور معناها زمان في الحجاز الفرن
ولكن دحين صار معناها البنت او الولد الشاطرة في الدراسة
نقول عنهم دافور / دافوره
اللي دايمن شغال عالكتب ولا يسيبها
زي ما يسموه المصارية عثة كتب



دعس
دي الكلمة تنقال للاقدام على الشي وتنفع مرادف لكلمة قدام
يعني لمن مثلا يجي احد يقولك تيجي نروح التحلية
ترد عليه وتقول والله دعس يعني يلا معاك
ولا هيا شباب نلعب كورة يقولولو ادعس



زي الكرتوووون
تنقال للواحد الأهبل

شاكوش
معناها الاصلي طبعا المطرقة
لكن دحين صار معناها البنت ولا الولد اللي مو حلو
هههههههاي نقول عنه شاكوش


شباب في رحلة
وهيا مرادف لكلمة مشى حالك اللي أستخدمتها كتير في كلامي
فلمن تعمل شي وما يطلع مره مزبوط فتقول للي جنبك
يااخي عادي شباب في رحلة
ههههههههههاي
من فين جات هادي الله اعلم
ولا تسوي شي مو معتاد كدا وتحس احد استغرب فتقولو
شباب في رحلة ياخي



شوربة
طبعا كلنا نعرف الشوربة احلى شي عندنا هنا شوربة الحب على الفطور
ياسلام سلم لكن
هنا معناها غير فلمن انته تقول شوربه يعني شي سهل
فلمن مثلا يكون عندك اختبار ويكون سهل جدا تقول الاختبار كان شوربة .. وهكذا
ولا مسلا تكلم احد وتقولو انا اروح شوربه يعني اروح وطي
ولا تيجي المدام تجبلك الاكل تقوم تقولها حياتي من غيرك شوربة



صاروخ
هههههههاي
طبعا نعرف الصواريخ لكن هنا معناها شي ثاني
معناها البنت الحلوة فلمن الأولاد يشوفو بنت حلوة يقولو عنها صاروخ



صهيوني
: كلمة جدا وحشه بصراحه وما احب انه نستخدمها وهي تنقال للشي الحلو
فيقولو لو شي جدا جميل صهيوني وهي مو حلوه
لانه الصهاينة اليهود مو من الجميل ننسب لهم الحاجات الحلوه



طقطقة
ودي الكلمة تنقال لمن تبغى تتسلي في واحد يعني تستعبط عليه
وهوا اهبل يكون مسكين على نياته وتلاقي ياما شباب مثلا متجمعين
يقولو لو جا فلان نطقطق عليه
ولا تلاقي واحد يجي يقول امس طقطنا على راس فلان وزي كده



في الألف وفي المليون
دي حلوه مره وهيا لمن تشوف شي يعجبك ويكون مميز
زي يعني اوتعمل حركه مميزه او شي زي كده
لنفرض مثلا جوال عجبك تقول
والله جوال في الألف أو تقول جوال في المليون



ما عندك احد
هههاي كلمه فله ولمن مايكون عندك هرجه
وتنقال للشي اللي مو تمام



نمرة واستمارة
ودي تنقال عند التأكيد وغالبا في الغباء والهباله
زي مثلا تقول فلان أهبل بنمرة واستمارة


كاي
وهادي هيا ضحكة الشباب الجديدة
ويضحكوها وقت التريقة والشماتة
ولا دحين صار الضحك تقول كااااااي بصوت عالي وتمد الألف



هبقة
هبقة زمان اعتقد كان معناها سرقة لكن دحين اتغير المعنى فلمن تقول
مثلا والله هبقت انا والشباب ورحنا الكباين متلا فهبقة فهنا معناها
طلعة وليها معنى تاني بمعنى هروب زي لمن طالب يقول أمس هبقت من
المدرسة يعني شردت منها او تسوي حاجة غريبة على حركاتك انتا تقول
يا ... عمي هبقة



يعطيك
دي الكلمة من الكلمات الجديدة وتنقال للتشجيع يعني لمن تلاقي احد
عامل حاجه رهيبه تقوله يعطيييييييييك بمد الياء التانية زي متلا
يكون سجل قول ولا شي زي كده



أرنب ركبتي
من الكلمات الي تدل اني انا بسمه بكشه قدامي
فيعني قلك بيسو انهم محترمين ومايبغو يقولو للقدامهم انو كزاب
يقومو يقولولو كده يعني زي واحد قاعد يتكلم ويحكي وكول كلامو بكش
يقوم واحد يقول للتاني يووواد شوف شوف ارانب


يلعن ام الفله
وهادي من الكلمات الي ماسكه في لساني
لمن يكونو في شباب وعجبتهم مره الطلعه ولا في اولا يبسطو الواحد
يطلعو يقومو يقولو على الطلعه متلا يلعن ام الفله



امووو
يعني مسلا مين فين لأمو حلو
يابن الناس سيب امو في حالها هيا اشلها صلاح



فوكنا
يعني تكون مافيك و واصله معاك على النهايه
واحد مطفشك تقولو ياشيخ فوكنا



فوكها
هههههههههههاي هادي المره هوا حيفكها
لمن الواحد تكون اخلاكو زفت ومررره طين
تقولو ياشيخ خلاص فوكها



قويه
لمن يسير شي مو عاجبك ولا شي كده مو زي الناس
تقول قوييييييييييييه بشد الياء



خريييش
دي الكلمة لمن تكون جالس بين الشباب
ويجيك واحد يجلس يكدب ويلفق في الحكاية ويملح فيها
تقوم تقول خريييييش



كووووووول
وتنقال على أي شي يعجبهم
وهادي حكتر منها


جييييييد
بشد الياء لمن يعجبك الشي كول جيييييييد

بااااااااد
لمن تشوف امر مو حلو ولا ولد سيء منظرو يقولو عليه باد
بمد الالف


هيااا خير

لما يسير شي مفاجيء ولا يكون في حاجة غريبة كدا
ولا باسوي نفسي مستغرب ولا باستهبل اني مش مستوبع فعلى طول
هيااااا
خيييييييييييييير


كل فطير وطير
يعني يللا روح سري راحت عليك خلاص

انشكاح
ومعناها يعني لمن الواحد بيسمع خبر حلو ولا عندو خرجه خطيره
وفيها فله تلاقي طاير من الفرح ومين قدو
على طول نقولو بطل انشكاح تلاقيه منشكح



لاتدف
كلمه حلوه وتنقال لمن تكون تتكلم ومتحمس في الهرجه ومتفعل في كلامو
ويأشر بيدو كده ويطلع فيها وينزل ولا واحد معصب وبيهزئ في الكلام
ولا كده واحد يقول يلا بسرعه سوي كده دحين تقوم تقولو لاتدف



زرقنه
خخخخخخخخخخخخخخ كلمه جييييييييييييييده
واحد مخو ونافوخو ناشفه زي خخخخخ كده وتقعد تقولو وتشرحلو وتترجى
وهوى موصر كده يعني كده يعني مزرقن بقوه


قردنه
هادي غالبا ماتنقال على الناس الي مزرقنين
متلا تبغى تخرج وابوك مصر انك اليوم معاقب مافي خوروج
على طول يقولك صاحبك ياشيخ روح قردنو يعني روح جيب راسو
ههههههههههههههههههههههههاي
مو راسو يعني تروح تقتل الرجال وتجيب راسو
لا لا يعني تجيب الموافقه ويقول طيب او تروح تقول لصحبتك نبغا نخرج
وهيا تقولك لا ومدري ايش فتقعد تقردنها الين ما ترضى
ههههههههههااي



اصرفه اخرشها


نص كوم
حركات النص كوم دي بطلوها تقعد تعملي انك ولد كووول
وفي النهايه ايش تبغى كده قول مين الاخير
عندك شي تبغاه مصلحه تبغاها قول
لكن لاتقعد تدحلس عندي وتعمل حركات نص كوم



من مواضيع نسايم في المنتدى


التعديل الأخير تم بواسطة نسايم ; 03-27-2007 الساعة 04:50 AM
التوقيع


بقضي الليالي أنتظر صابر على المقسوم
متعلـق بطــرف الأمـــل يمكن يجيــني نـــــوم


   
رد مع اقتباس
 
 
 
 
قديم 03-27-2007, 06:12 PM   #2
نايف
ملك الكيمياء الحيوية للجميع

 









نايف غير متواجد حالياً
افتراضي

هههههههههه

قرين دكشنري >> وكنت اظنها كشري جداوي


واااحد جيعاااااااااااااااااااااااان




خيتي



نصف الكلمات ماره على والبعض ماسمعتو



من مواضيع نايف في المنتدى

   
رد مع اقتباس
 
 
 
 
قديم 03-27-2007, 08:43 PM   #3
عديل الروووح
[رئيس اللجنة الاعلامية و المتحدث الرسمي]
 
الصورة الرمزية عديل الروووح

 









عديل الروووح غير متواجد حالياً
افتراضي



السلام عليكم ورحمه الله

هاي نسومه ماشاء الله عليكي

مشاركه ممتازة

ومتميزة


بس مارح اقول ايش الكلمات اللى انا ماسكه معاي



من مواضيع عديل الروووح في المنتدى

   
رد مع اقتباس
 
 
 
 
قديم 03-27-2007, 09:48 PM   #4
الأحيائية
وزير بيوكيميائي
 
الصورة الرمزية الأحيائية

 









الأحيائية غير متواجد حالياً
افتراضي


هلا نسايم.. عاد أنا حاولت اترجم الى اللهجه الاماراتية بعض المصطلحات من الدكشنري الجداوي

أبو كلب <<< قوم بو عبود

إنبراش <<< داش عرظ

جنط <<< إلبسه "لبسنج"

دافور<<< دحيــح

دعس <<<عليهم

هبقة << شرده

فوكنا << فكنــا ياخي

وفي قاسم مشترك بينا في القاموس منها:

قويه
خريييش
كووووووول
بااااااااد
قردنه

مشكوووره نسايم .. صرت الحين expert في اللهجة السعودية



من مواضيع الأحيائية في المنتدى

التوقيع

   
رد مع اقتباس
 
 
 
 
قديم 03-27-2007, 10:11 PM   #5
نسايم
المشرفة العامة
 
الصورة الرمزية نسايم

 









نسايم غير متواجد حالياً
افتراضي

هههههههههههههههههه
ردودكم حلوه

مشكورين على الطله المميزه

نايف ميرسي

عديل الروح مشكور خييي

الاحيائيه اصبر شويه بس ان ما خليتك جداويه ههههههههههه



من مواضيع نسايم في المنتدى

   
رد مع اقتباس
 
 
 
 
قديم 03-27-2007, 10:19 PM   #6
سونهام يغمور
Bioc سابقاً
 
الصورة الرمزية سونهام يغمور

 









سونهام يغمور غير متواجد حالياً
افتراضي

ما شاء الله نسووومه من وين مجمعه الديكشنري دا

على فكره معظمها اذا مو كلها مصطلحات شبابيه

مو بناتيه يعني


و خاصة حقت البلوووت


الله يحفظك لجده و يجملك زيها



من مواضيع سونهام يغمور في المنتدى

التوقيع

..ادعموني هنا..
فيسبوك(FaceBook) -
مدونتي(soon)

::مواقعي الشخصية::


و اخيرا اتنشر بحث الماجستير
   
رد مع اقتباس
 
 
 
 
قديم 03-28-2007, 04:14 AM   #7
وائل
كيميائي بالفطرة
 
الصورة الرمزية وائل

 









وائل غير متواجد حالياً
افتراضي

هههههههههههههههههههههههههه
هههههههههههههههههههههههه
ههههههههههههههههههههه
ههههههههههههههههههه


والله صدق اغلب او كل هذي الكلمات نسمعها ونستعملها كثير

وترى ماهي محصورة في جدةبس

نسايم

شكرا على هالموضوع الحلو

يعني

صاروخ



من مواضيع وائل في المنتدى

التوقيع

   
رد مع اقتباس
 
 
 
 
قديم 03-28-2007, 05:09 AM   #8
نجــم
الذيب ميثانول سابقاً [عضو شرف]
 
الصورة الرمزية نجــم

 









نجــم غير متواجد حالياً
افتراضي


هههههههههههه
منت طبيعية يا خاله نسوومه ..
بغيت اجرب الوافي في الترجمه ...
ههههههههه

كلها معروفة لدي .. انتظروا دنكشنري البدو
والله لضيعكم .. وراااي ..

جعلك سالمة نسايم




من مواضيع نجــم في المنتدى

التوقيع


الذيب ميثانول ( سابقاً )

   
رد مع اقتباس
 
 
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



الساعة الآن 03:42 PM


Powered by vBulletin® Version 3.8.7
Copyright ©2000 - 2022, vBulletin Solutions, Inc.
يوتك