الرئيسية التحكم التسجيل
 

 
 
العودة   منتديات الكيمياء الحيوية للجميع > الأقسام العامة > رحّب.. اضحك.. العب.. فرفش
 
 

رحّب.. اضحك.. العب.. فرفش استراحة الاعضاء للترحيب و اللعب و المزح

إضافة رد
 
 
 
أدوات الموضوع انواع عرض الموضوع
 
 
 
 
قديم 01-03-2007, 03:08 PM   #1
راسبوتين
[عضو شرف]
 
الصورة الرمزية راسبوتين

 









راسبوتين غير متواجد حالياً
افتراضي قصة جديده .. وأنا مسافر (ج2)

..........

نكمل ...


المهم ويجي الشرطي عندي ويقول أنت اللي مسوي الحادث ؟
قلت : ايوه نعم ..
قال كيف صار الحادث ؟؟
والله وبديت اشرح له الحادث وكيف صار ..
وراح خوي الشرطي يقيس المسافة .. وشوي وهو راجع عندي ويقول انت مسرع .. قلت أبدا ماني مسرع ..
قال والله انك مسرع .. يعني 47 خطوة وش تعني ؟؟
قلت : تني ان رجولك كبار .. وش 47 خطوة والله لو اني ابي ألعب بلنتي ..
قال : اسكت أنت وخشمك هذا اللي كانه سنارة صيد ..
قلت : الا اعرف احسب أنت ووجهك هذا اللي كأنه الحصه الأولى يوم السبت ..
صاح الشرطي الثاني وقال : الا انت مسرع .. بس ما يهم خلنا نشوف الجماعة هناك ..
ونجي عند المصري وهو يصيح : مش حسامح .. مش حساااااااامح ..
قلت تكفى يا روبن هود ..
ويجي الشرطي ويقول تكفى اسمح .. هذولا مسافرين .. وأجرك على الله .. وكل عام وانت بخير ..
وأخيرا اقتنع ..

قلت الحمد لله .. والتفت لخويي وقلت يالله شف لنا سطحه تنقل سيارتنا للرياض ..
قال اصبر شوي ما انتهينا ..
قلت : كيف ؟؟
قال : تراك صادم سيارتين ..
واللي تطير عيوني : كيييييييييييييييييييييييييييف ؟؟
واناظر والا صدق سيارتين ..
وأثاري المصري اللي قاعد يصايح في وجهي سيارته ما جاها الا دقة بسيييييييييييييطه في الرفرف .. وباقي السيارة الثانية واللي هي سيارة الشركة وصدمها والله فيها شي من الجمود ..
قلت : وأنت يابن اللذينا مصايح علي علشان هذي الدقة البسيط .. قطع الله وجهك هذا اللي كانه شايب يقول احد أمرين.
ونرجع مرة ثانية أنا والشرطي لراعي الشركة .. وطلع مصري برضه وقال : مافي أمل في التنازل هذي شركة مو السيارة بتاعتي ..
قلت وان طلباك .. تكفى يا ابو حسنين .. كم تبغا وتتنازل ؟؟
قال : حد الله ما بيني وبين الفلوس ..
قلت : تكفى توك تطلع شريف ..
المهم وجا ناس ووقفوا وكل واحد يقول سلامات عسى ماشر .. وانا اقول الحمد ما من شر بس شوفوا لنا هالمصري .. ومن كثر المارين بغيت أعلق لوحة واكتب فيها ما فيه أموات ولا اصابات بس فكونا شركم ..
المهم ومنا ومنا ماش المصري رفض .. قال الشرطي أجل خويك بيروح معنا للقسم وأنت رح مع المصري وشف كم تكلف سيارته والحقنا عل القسم ..
قلت : يالله وش نسوي ..

والله وأروح انا والمصري وندور كم من ورشه والله وطلعت القيمة عالية ..
ونروح للقسم ونخبرهم ..
قالوا : وش بتسوي أنت ..
قلت : والله سواة عدوك شوف الباشا وش عنده ..
قال : أبي السيارة زي ما كانت ..
قلت : وش شايفني ساحر .. والا اييييييييه ؟؟
قال : لا .. بس جيب قيمتها ..
قلت : ياليييييييييييل ومن وين أجيب لك 1700 ريال ؟؟ تبغى 200 ..
قال : ايش ياروح امك ؟؟
قلت : اللي سمعت ..
قال السيارة انعدمت ، حتى الكلتش مش عاوز يعمل ؟؟
قلت : اييييييييه ؟؟ لا أحسن شي قل المكيف بعد ما يشتغل ، والسلف ما بيعمل ؟؟ أنا مالي دخل في السيارة اللي صدمته بصلحه .. يلعن ابليسك من نصاب ..

قام واحد من الشرطة وسحبني والمصري لبرا وقال شوفوا تصالحوا احسن .. قلت وهذا اللي ابيه بس هذا رافض ..
قال ما رفضت بس انا عاوز حقي ..
قال الشرطي كلامه صح ..
وخذاني على جنب وقال : شوف جب ألف ريال وبنخليه يتنازل غصب ..
قلت : يا طويل العمر أنا مسافر من وين أدبر الألف ..
قال : تراك ما انت في مقطعه .. اتصل على اهلك وخلهم يرسلون لك ..
قلت طيب .. وين الصرافه ؟؟
ووصف لي ..

والله واجري اتصالاتي ووووو الخ وتدبر المبلغ ..
واروح للصرافه واصرف وارجع وما لقيت المصري .. قلت شف النذل وين راح . وأروح للقسم وأدور على المصري قالوا راح يتغدى ..
قلت أنا عندي سفر مو فاضي له ..
قالوا اجلس شوي ..
والله وأجلس .. وتجمعوا العسكر وقاعدين يتفرجون في التلفزيون .. الا وهم حاطين على ام بي سي تو .. لا والمصادفة فيلم تايتانيك .. قلت يا سلااااااام هذا الفيلم ما كملته البارحه ( أمي خربت علي ) والله وأنا اتابع الفيلم ومشدود .. شافني واحد من العسكر قام وقلب القناة وحطها على العربية .. والله وأحقد عليه .. بغيت أقوم أترفس في بطنه ..
وكل ما جا واحد قعد يسألني .. والله حسيت اني في الابتدائية وواقف قدام باب المدير .. ومن كثر الأسئلة بغيت أطلع بطاقتي الشخصية واصورها أعطي كل واحد نسخة ..

وطول المصري .. قمت وقلت يا جماعة الله يرحم والديكم شفوا لنا صرفه أبغا أمشي .. قام المسؤول الكبير وقال خلصوا له شغله .. ( أظنه رحمني )

المهم وخلصوا لي شغلي .. وأنطلق أنا وخويي وندور سطحه .. وياااااااااااااااااالله بعد ما طلعت ريحتنا لقينا سطحه .. وتفاهمنا معه على نقل السيارة من الوادي إلى الرياض بـ 550 ، ويالله حملناها وعالرياض ...
وستمائة كيلوا وأنا جنب الأفغاني في السطحة ، والله حسيت اني محشش من صدق ..
وثمان ساعات الى ان وصلنا للرياض .. من 4 العصر ، إلى 12 ليل ..

واتصل على اخوي يجينا في الصناعية .. ويوم جانا وشاف اسيارة .. قال وش ذا ؟؟ وش أنتوا صادمين فيه ؟؟
قلت في زبالة ؟؟ أجل وش صادمين فيه ؟؟ في سيارة ..
قال اقول الشرهة ما هي عليك الشرهة على اللي يعطيك سيارة ..
قلت اقول خلنا نمسي الليلة لا يصير فيلم أكشن فيك ..
والله وحاسبنا الافغاني ..
وتوكلنا للبيت ..
ونمت ..




وانتهت القصة ..............................

وسلامتكم ...


شف النذلان ولا واحد قال سلامات ، أبشر ببي أم جديده >>> شف طرار ويتشرط ..


وانتهت الحتوته ..

راسبوا



من مواضيع راسبوتين في المنتدى

التوقيع

تدري وش الفرق بين
الحب .. و .. الذكرى ..!

إن أول الذكرى :
( حب ) ..

وآخر الحب :
( ذكرى ) ..!

ستبقا منتديات الكيمياء اخر الحب الى الأبد .

   
رد مع اقتباس
 
 
 
 
قديم 01-03-2007, 05:55 PM   #2
نسايم
المشرفة العامة
 
الصورة الرمزية نسايم

 









نسايم غير متواجد حالياً
افتراضي

يسعدلي مساك يا وجه الخير يا راسبو

مشكوووووووووووووووووور على القصه

وبصراحه اهم شي انكم حاسبتو الافغاني



من مواضيع نسايم في المنتدى

التوقيع


بقضي الليالي أنتظر صابر على المقسوم
متعلـق بطــرف الأمـــل يمكن يجيــني نـــــوم


   
رد مع اقتباس
 
 
 
 
قديم 01-06-2007, 12:12 PM   #3
روووح
ملك الكيمياء الحيوية للجميع
 
الصورة الرمزية روووح

 









روووح غير متواجد حالياً
افتراضي

جناااااااااااان
انا اقترح عليك تصير مؤلف خاصه فكاهي <<اتوقع لك مستقبل
اله يسعدك ذكرتني بأخوي لما يصدم نفس حوووستك تصير معاه
تشكرااات



من مواضيع روووح في المنتدى

التوقيع

الحمدلله
   
رد مع اقتباس
 
 
 
 
قديم 01-09-2007, 02:51 AM   #4
ملكــة الصــمت
[عضو شرف]
 
الصورة الرمزية ملكــة الصــمت

 









ملكــة الصــمت غير متواجد حالياً
افتراضي

ماتشوف شر راس
قصة خنفشارية كما عودتنا



من مواضيع ملكــة الصــمت في المنتدى

التوقيع


After great experience with different relations
..
I realize

always family comes first

اتخرجناااااااااااااااااااااااااااااااااا


[glow=FF3366]لا اله الا انت سبحانك اني كنت من الظالمين ...[/glow]
   
رد مع اقتباس
 
 
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
يد خشنة تلامس جسدي الاميرال ستالين قسـم النقاش الجاد 6 03-16-2008 11:06 AM
عضوه جديده ... هلا ترحبون بي الباحثه عن الدكتوراه رحّب.. اضحك.. العب.. فرفش 10 03-12-2008 04:02 PM
لعبة جديده (( وطني الحبيب )) سونهام يغمور رحّب.. اضحك.. العب.. فرفش 20 04-18-2007 10:29 PM
قصة جديده .. وأنا مسافر ( ج1) راسبوتين رحّب.. اضحك.. العب.. فرفش 1 01-03-2007 04:24 AM
قصه جديده .. لعيونكم .. ( ج1 ) راسبوتين رحّب.. اضحك.. العب.. فرفش 4 12-29-2006 05:07 AM



الساعة الآن 09:59 AM


Powered by vBulletin® Version 3.8.7
Copyright ©2000 - 2023, vBulletin Solutions, Inc.
يوتك