قصه جديده .. لعيونكم .. ( ج1 )

[راسبوتين]

سلااااااااااااااااام ..

كيفكم حلوين ..

المهم انا كاتب لكم الليلة حتة قصه .. إما إييييييييه .. ما تخرش الميّه .. >>> يا كثرها اللي كذا وما شفنا شي

السالفة وما فيها ..

قصتن حلوتن جدتن ..

بس لا أحد يجيني بكرة والا رسائل خاصة يقول هذي بست وكابي = قص ولصق .. هذي القصة من عرق جدي الله يرحمه لقطتها من خشمه قبل لا يموت .. احم .. اقصد هذي من عرق دشرتي الله لا يجيب لها شر .. فقط لمنتدانا حصريا ..
نترككم مع القصة اللي ما لقيت لها عنوان .. بس أهم شي المضمون .. صح والا لا مع تصحيح الخطأ >> متأثر بالاختبارات .

بس هيه اللي ينذكر اسمه وما يعجبه دوره ما يجي يبرطم ويقدم شكوى .. فقط تشابه بالأسامي .. أنا والله ما ادري من الجديد من القديم .. علشان كذا ضربت أسامي من ذاكرتي العتيده >> ايه صح عتيده ..

...........................................

في ليلة من الليالي اللي انتم عارفينها .. واللي بردها ما تقول إلا انك وسط ثلاجه كبيرة وبجنبك دجاج الوطنية وساديا يلعبون شطرنج ..
في ذيك الليلة ما أدري من اللي دعى على راسبوتين ( أشك في الذيب ، ما أدري ليه خشمي شام ريحة دعوته ) وقدر ربي إني اطلع مع ستة من الشباب الله ( ما ني بداعي ولا شي ) جابوا لي سكر في الكبد .. وعقدة في جزر لانجرهانز .. إليكم أوصافهم وأسماءهم :
وضاح: اتوقع في يوم من الأيام انه بيمسك منصب مدير السجون ويقوم يمحط في المساجين .. هذا من أول ما تشوفه تقول سبحان الله اللي حاط ركبته في وجهه ..
مشاري : لا يغركم الإسم .. أقبح منه ما شفت .. يوم من الأيام شافته قرده قامت سجدت سجود الشكر وقالت ( الحمد لله الذي فضلنا على كثير ممن خلق تفضيلا ) ..
سعدان : هذا يمشي تحس إنه يمشي عكس .. مسكين .
فشاره : هذا بحثت مع الاستخبارات الأمريكية عن اسمه الحقيقي ما لقيته .. وجه تقول صحن كبده ..
سلومي : هذا ربنا وربك يحب الأكل بشكل ما تتوقعونه .. لدرجه ان اللي شايفه يقعد ساعه يدور راسه من كراعينه .
عنتر : هذا ابوه متأثر بالعصر الجاهلي علشان كذا طلع أمرين : الأول ان اسمه صار جاهلي .. ثانيا ان وجهه تقول علبة مغاطات ..

هذه الأوصاف والأسماء .. والشخصيات ... وإليكم التفاصيل :

اتصل علي مشاري : آلو راسبوووو كيفك ؟؟ وش رايك تطلع معي أنا والشلة ..
قلت : ايييييش ما عاد الا هذي انا أطلع معاكم ..
قام وضاح وأخذ الجوال من مشاري وقال : أقول والله ان تطلع معنا غصبا عن خشمك هذا اللي تقول كانه واحد يقول قدام ..
طبعا قلت أنا : ولووو أبو الوضوح انا كنت بامزح .. بس مرووني >>> عاد انا جهزت لي مشعاب ( عصى غليظه ) وقلت للوقت العصيب تنفع ..

والله ومروني الشباب .. والله لا يوريكم السيارة .. جمس حوض موديل 77 انواع الأصوات وأنواع الألوان ..لا واللي زاد الطين بله ان السيارة غمارة وحده .. وأكيد تعرفون من اللي فيها البرميل سلومي والعربجي وضاح .. والبقية في الصندوق .. وعاد ماني أحس منهم .. ركبت في الصندوق .. لا والنذلان ماخذين الأماكن الزينة وأنا جالس فوق جالون ..

للحديث بقية ..........

ما ابي أطول عليكم .. ووقتي في المقهى خلص .. بكره ان شاء الله اكمل لكم الأحداث بالتفصيل ..

[ملكــة الصــمت]

ههههههههههههههههههههههههههههه

هلا والله بالرجه كلها

والله نور المنتدى

وفي انتظار التفاصيل الخطيرة

[نجــم]

بداية قصة رائعة وشيقة ... الله يكون في عونك ... طحت مع ناس قتالين قتلا ... بس للمعلومية تراااي دعيت لك بالخير مهب بالشر ... اقول عطني مهلة اذا ما رجعت لاهلك سالم ... ابغى اوح ابلغ الشرطة .....

ننتظر البقية بشغف ...

[نسايم]

ههههههههههههههههههههه

يالله يارسبو كملنا القصه

فينك يا ولد وحشتني والله

نور المنتدى بوجودك

[روووح]

ههه هههه هههه
هذي لبداية موب قادره استحمل بمووت من
واحلى شيء اوصافهم ماقد سمعتها...
مشاري : لا يغركم الإسم .. أقبح منه ما شفت .. يوم من الأيام شافته قرده قامت سجدت سجود الشكر وقالت ( الحمد لله الذي فضلنا على كثير ممن خلق تفضيلا ) ..
سعدان : هذا يمشي تحس إنه يمشي عكس .. مسكين .
من الحين هذولي ابطالي


ننتظرك....