زيارة اقارب .. قصة جديده

[راسبوتين]

السلام عليكم ورحمة الله

كيفكم يا حلوين .. إن شاء الله تمام ..

طبعا تعرفون إني ما اصبر عنكم >> باين

اليوم جبت لكم قصة .. وابشركم اني الفتها .. طبعا هذي نتيجة طبيعية .. لأن الافكار ما تجي الا وقت الامتحانات >> والدليل المعدل رايح وطي..
ومع ان الناس في اختبارات لكن قررت انزلها لكم تضامنا مع جو الاختبارات >> نذل ما يبي الناس تدرس.

تعرفون يا مخاليق إني ما احب اكتب قصة الا وخالد معي .. نظرا لأن النشبة لا بد يحشر خشمه في كل شي .. هذا اولا ..
وثانيا : لأن كل شوي طالع لي عضو .. ومثلكم عارف ان ذاكرتي مره قوية يحسدني عليها كوبنهاجن >> هذي عاصمة والا اسم مخترع الكهرباء؟ ..

قبل لا أبدأ صراحة ما ادري وش عند خالد حاط تحت اسمه تفاريس المنتدى !!
يا خلودي مسوي نفسك دفاع .. طيب ما تختار لاعب زي الناس .. زي .. زي .. اممممم .. حمد المنتشري >>> الحمد لله والشكر ..

معليش اصل الذاكرة خانتني كنت ابقول لك لاعب تمام لكن ماش ما اعرف أحد منهم ، مالي خبره في الكورة ، يعني عالزمان القديم .. زمان روماريو ومارادونا >> ايه شايب

وان تطورت مررره ما اعرف الا كرستيانو رونالدو .. والله من كثر ما ابلشوني العيال فيه .. كان ما احد في العالم يلعب الا هو ..
وعلى طاري كرستيانوا .. اذكر مرره طلعنا رحلة بريه مع جميع الفاميلي بتاعي .. انا واولاد عمي وشيبان العايله وووالخ ..
والله وقررنا اننا نلعب كورة بمشاركة الشيبان ( ابوي وأعمامي ) المهم ويلبس ابوي ( طبعا عمره يصفق الثمانين الحين .. لكن اقوى مني ومنك ، سدحني ست مرات ، ومرة تعادل .. وأشك انهم طلبوه في فيلم رامبو الأخير لكنه رفض ) طبعا لبس ابوي فانيلة رياضية عليها اسم كرستيانوا ، طبعا بالغصب اخذها على ولد عمي .. والله لا يوريكم واللعب .. ليتنا ما لعبنا .. سدد علي كورة بوووووووووز .. ما اذكر اني شفت إلا علامة اديداس ، يعني الله يهديك يا ابوي تعرف ان وجهي (لك عليه) مو ذاك الزين ، تجي وتكمل عليه .. ويكسر رجل ولد عمي ، طبعا وعماني ما قصروا كملو الباقي ، والله طلعنا تقول طالعني من مضاربة ، الظاهر انهم يفكرون ان اللعبة ما هي كرة قدم ، يفكرونها هذيك لعبة الامريكيين اللي اظن اسمها الركبي او كذا و ....

اووووه معليش خرجنا عن الموضوع .. الله يقلع ابليسك يا خالد دايم تورطني وتخليني استطرد ..

دايم سواليفي كثيره ..

المهم نرجع لقصتنا ..

تبونها .......... خلاص لا تزعجوني داري انكم تبونها ..

توكلنا على الله ..

( زيارة أقارب )

طبعا خالد صاجنا في البيت .. ابي ازور ولاد عمي ابي ازورهم .. وأشغلنا كأن ما احد في العالم عنده ولاد عم الا هو .. وبعد طلبات وواسطات وافقت المدموزيل بيوك ..
قالت نسايم : هذي المرة ابروح معاك ..
قال خالد : ايش ايش .. ما عاد الا البنات يروحون معانا ..
قالت بيوك : ليه فيه مانع ؟؟
قال راسبوتين : ايه فيه الف مانع .. >>> طلع يعرفهم .
قالت نسايم : مالك دخل يا راس .. انا ابروح يعني ابروح ..
قال خالد : معصي .. هذولا قرويين .
قالت بيوك : اش قرويين ؟؟
قال راس : يعني بدو .. يعني متخلفين ..
قال خالد : هي انت لا تغلط .. ما المتخلف الا انت واشكالك ..
قالت بيوك : خلاص كفايه .. الحين بتروحون كلكم ..
قال خالد : لا يا بيوك ما يصير .. تبوني اتفشل ؟؟
قالت نسايم : ليه رايحين نرقص احنا والا نزور ؟ >> صدق نشبه
قال خالد : لا نرقص ولا حاجة بس انا ابزور عايلتي وما ابي احد يروح معي ..
قال راس : رجلي على رجلك ، صدقني ما تروح الا وانا معاك ..
والله وبدا الشباب يتضاربون من يروح ومن اللي ما يروح ..

أخيرا قالت بيوك : خلاص . انتهينا .. خالد يحدد اللي يبي يروح معاه .. >> احلى يا خالد وش هالواسطه القوية مع بيوك ..

قال خالد : ابروح انا وراس بس .. علشان يساعدني ..
طبعا ودرء للزحمه والمهاوشات .. قامت بيوك بحل قضية النزاع >> تحسونها قضية لبنان ..
وعزمت الجميع في مطعم شاورما نظرا لقلة تكاليفه >> اما هذي البنت !!

( 2 )

قال خالد لراس وهم في الطريق : شف يا راس لا تفشلنا مع اولاد عمي .. ترى والله امسح بك ..
قال راس : ياخي وش شايفني خدامتكم ؟؟ خلاص عرفت .. من طول الطريق وانت مزعجنا ..
قال خالد : المهم قلت لك ..
قال راس : طيب وش رايك تلف لنا على صرافه .. نبي نصرف .. ونشتري من البقالة .. والله ميت جوع ..>> مسوين عيال نعمه معاهم صرافات .

ويصفطون جنب صرافه لكن في واحد كان قبلهم ..
وينتظرون ..
وبنتظرون ..
وتمر عشر دقائق ..
ربع ساعة ..
ويرتفع ضغط خالد ويطلع راسه : ياخي انت قاعد تصرف والا تحل معادلة رياضية ؟
التفت الرجال وقال : وش عندك ؟
قال خالد : مستعجلين ونبي نصرف .. ممكن تشوف لك حل ؟
قال الرجال : لا بس عندي كم جوال اسدده وامشي ..
قال خالد : لا يكون الرجال متكفل بالشعب السعودي ؟
قال الرجال : ياخي اصبر دقيقه واخلص ..
ويصبر خالد .. وما صدق ان الرجال راح ..
ويصرف ورمي بالفلوس على وجه راس ويقول : خذ لا جعلك فلحت ..
قال راس : هي انت لا تعصب على راسي .. مو عاجبك اطلع لي برا ..
قال خالد : والله لو ما انا رايح في زيارة رسمية كان فرشتك ..
قال راس : أي هين يا صاحب السمو .. ترى كلها نص يوم وراجعين .. يعني لا تنفخ ..
وسكت خالد وسكت راس ، وطول الطريق ساكتين ويتسمعون المسجل >> والله من زين الأغاني ..
والله ويوصلون لذيك القرية ..
قال راس : انت متأكد ان هذي قرية ولاد عمك ؟
قال خالد : ايه متأكد ..
قال راس: يا اخي احس ان هذي قرية غليص .. كانها قرية حراميه ..
قال خالد : اقول خل عنك الحكي ، والله لمن تعقل لافرشك .
قال راس : ياخي وش قصتك مع الفرش ؟ لا يكون شارين بيت جديد ومتورطين في الفرش ؟
التفت له خالد وقال : المشكلة ان مافيه شيء اضربه والا كان شفت شغلي معك ..
قال راس : أحلى .. متى صرت تايسون ..
قال خالد : خلاص لا يكثر .. وصلنا .

( 3 )

ارحبوا .. هلا والله بولد العم .. ورفيقه .. استقبلنا ولد عم خالد بهالكلمات ..
قال خالد : هلا فيك ..
والله وبدا مسلسل حب الخشوم ..
ودخل خالد وراس لبيت ولاد عمه ( طبعا خيمه ) .
قال راس : وش ذا الحر ؟ ياخي ما عندكم مكيف ، ولو صحراوي ..
قال ولد عم خالد ( اسمه مصلح ) : وش تقول ؟
قال خالد : لا .. ههي .. ترى خويي مره مستانس ويحب ينكت .
ويعطي ذاك الكوع السفري لراس ..
قال مصلح : حياكم الله ، تغديتوا والا لا ؟
قال راس : لا باقي ..
قال مصلح : ابشروا والله بالاكل ..
وصاح مصلح على اخوه مقادير .. ( جيبوا الأكل للضيوف ) .
قال مصلح : حياكم الله ..
قال راس : ياخي ما عندك غير هالكلمة ؟
قال مصلح : وشو ؟
قال خالد : ههي .. لا لا يقول ما احسن هالكلمة ..
ويمحط راس بكوع ثاني ..
قال مصلح لخالد : هاه كيف الديرة اللي انت فيها عسى مرتاح ؟
قال خالد : الحمد لله والله لولا هالدراسه ما جلست فيها >> ياخي لا تنصب .
قال مصلح : والله مقادير يفكر انه يجيكم هناك ..
قال خالد : هه .. ما تصلح له ، خله عندكم هنا احسن له ..
قال راس : لا عادي ، الله يحييه ، بالعكس فلـ..
قاطعه خالد وقال : فلو خشمك ، انت ما تعرف مقادير هذا .
قال مصلح : وش فيه مقادير ؟
قال خالد : اعرف مقادير ما بيقدر يعيش هناك >> حتى التصريف ما تعرف تصرف يا دلخ
قال مصلح : عن اذنكم ، ابشوف المرعى واعود لكم ..
قال خالد : خذ راحتك ..
وما امدى مصلح يعدي عتبة الخيمه >> قال ايش قال عتبه ..
الا ويمسك خالد راسبوتين ويجلس محط به يمين ويسار ..
قال خالد : حمار أنت ؟ تبي توهقنا حسبي الله عليك ..
قال راس: ياخي وش عندك انت مبلشنا مع عيال عمك ترى الوضع فري ..
قال خالد : لا فري ولا حاجة خلك رسمي .. انا جاي زيارة مو اقامة .. تفهم الكلام ..
قال راس : مع اني ما ادري وش الفرق لكن ابشر ..
وينتظرون نص ساعة وما احد جا ..
قال راس : لا يكون نسونا واحنا ما ندري .. وين غداهم هذا .. والله لو انهم يشوون فيل.
قال خالد : هاه جاك مقادير بالغداء ..
قال راس : متأكد إن هذا مقادير ؟؟
قال خالد : ايه متأكد ، ليه مو عاجبك ..
قال راس : وش ذا والله ولا عبدالرب ادريس .. الحمد لله والشكر لا وجه ولا لون ..
قال خالد : اعقل بس لا تفشلنا ..
والله ويجي مقادير ويسلم على الشباب .. وبرضه مسلسل حب الخشوم والكلام الطويل وعلوم القبايل ..
التفت مقادير على راس وقال : احس انك شاعر يا ولد ..
قال راس : أي شاعر ، في راسك شيء ؟>> الظاهر انها قافله مع راس
قال مقادير : اخس يا ولد ، هالنتفه وشاعر .
قال راس : خير يالحبيب ؟ تعرفني حتى تسوي تنكت انت ووجهك هذا اللي ما تدري انت رايح والا جاي ؟
قال خالد : اوووه خلاص انت وياه بلا مسخره ..
قال مقادير : ورنا خلنا نشوف قصايدك ..
قال راس : مقادير ياقلب العنا مقادير .. وش ذنبي انا مقادير ..
قال مقادير : اقول قديمه مسوي انك مؤلفها .. هذي اغنية ماجد عبدالله ..
التفت خالد على مقادير وقال : والله ما خبرت ان ماجد غنى اغنية وحده .. اللي اخبره انه لاعب ..
قال مقادير : المهم ان هالقصيدة مارة علي ..
قال راس : طيب ورى ما ركبتها معاك ..خخخخخ >>> سامج صح .
قال مقادير : حياكم الله .. تفضلوا عالاكل ..
قال راس: ايه اختصر من اول واعطنا المفيد >> دعاية لوزين

( 4 )
الساعة الحين صارت الخامسه عصرا حسب التوقيت الدولي لمدينة مقديشو ، نظرا لأن الساكنين في ذيك القرية اغلبهم مجهولين ونصهم من الصومال ..
خالد طبعا بعد الغداء طلع مع ولد عمه وراحوا يتمشون في ضواحي باريس .. اقصد في ضواحي ديرتهم ( خااااصه الغدير .. ياليييييييل الشقا يا خالد .. تذكر حبيبته ) .. وجحد راس اللي ما لقي افضل من انه ينام ..
لما صحى راس ما لقي احد .. طفش لا بلايستيشن .. ولا انترنت .. وحتى الجوال مافيه ابراج .. ام الحظ البايخ .. قال راس : اطلع اتمشى شوي افضل من جلستي في هالخيمة اللي والله ما كأننا في القرن الواحد والعشرين ..
والله ويتمشى راس .. وماله نفس في شي .. وهو ماشي .. شاف له وحده .. ويناظر .. ويشوف .. قال سبحان الله الخالق ، ما توقعت ان نسايم لها شبيه ، الحين لا يكون لنسايم هنا اقارب وانا ما ادري .. خلني باسال خالد ..
ويدور راس في هالديرة ، ويبي يحصل خالد .. وبعد برهة من الزمن ( تحسونها طالعه تصريفه ) .. المهم ويشوف مضاربه ، قال راس بس خلني اشجع .. ويقرب الا ويشوف خالد في المضاربه ويطب راس .. وطاااااااااااااااااااااخ طييييييييييييييييييييخ طوووووووووووووخ ( وجميع حروف المد ) ويضرب هذا ويمحط بهذا ( مسوي قوي ) شوي الا وخالد يمسكه ويمحط به ..
قال راس : خير يا خالد تراني خويك فكني عليهم ..
قال خالد : الا خير انت وش عندك ؟
قال راس : كيف وش عندي .. الحين اشوف هذولا يضربونك واسكت ..
قال خالد : يا غبي هذولا اولاد عمي اتمازح معهم ..
قال راس : عمى في خشمك اللي صاير صفارة حكم .. هذا مزح بالله ..
قال خالد : تبي اعرفك عليهم ..
قال راس : لا بالله ريحنا .. ما ابي اتعرف على مجهولين يشوهون سيرتي ..
وما لقي راس الا هالتسديده على بطنه .. قال خالد : احمد ربك انك شفتهم ..
قال راس : ليه وين كانوا في غوانتناموا ؟
قال خالد : اسكت بس والله انك فشيله .. لو اني جايب نسايم مكانك كان ابرك ..
قال راس : الا صدق تعال ..
ويسحبه من عند عيال عمه ( ما يستحي على وجهه ، عل الأقل اعتذر )
قال راس : شفت وحده تشبه نسايم هناك جنب الخيمة اللي جنب خيمتكم >> كرر الجمله خمس مرات ..
قال خالد : وين ورني هيه ..
ويروح خالد هو وراس للمكان اللي شاف البنت فيه ..
قال راس : شفها هذيك ..
ويدقق خالد في الوجه ويقول : أي والله صادق
.. والاثنين ما انتبهوا للناس عبالهم في جده .. شوي الا ويجيهم هاك العمود اللي ماسح طبلونه ( لكن ما وصل لهم ) .. ويسمعون احد يصايح من بعيد ..
قال خالد : اقول خلننا ننحاش الظاهر اننا سوينا مصيبة ..
قال راس : وين نروح ؟؟
قال خالد : وراي ..
وهاتك جري .. ويجري خالد ووراه راسبوتين .. الييين وصلوا لولد عم خالد مقادير ( طلع راعي فزعات ) ..
قال خالد : الحق يا ولد العم ..
قال مقادير : ابشر والله ، آمر وانا أطامر ( أطامر يعني أقفز .. يعني جمب بالانجليزي .. تبون بالفرنسي والا وصلت الترجمه )
قال خالد : كنا نناظر في بنت هناك ، جنب الخيمة اللي جنب خيمتك ..
قال مقادير : افا .. قل غيرها .
قال راس: ياخي لا تشك فينا .. قصدنا كان شريف .. كنا نبي نتاكد من شيء وطلع خطأ .
قال مقادير : تدرون من هو راعي الخيمة ؟
قال الشباب : نو .. وي دونت .. ما نعرفه ..
قال مقادير : هذاك شيخ القبيله ..
قال راس : ياليييييييييييل .. بالله اذا كنتوا تسوون مشهد بدوي خلصوه .. وش شيخ القبيلة هذا بعد ؟ ..
قال خالد : اسكت بس .. الحين وش السواة يا ولد العم ..
قال مقادير : خذو سيارتكم وانحاشوا قبل لا يعرفونكم وتفضحونا ..
قال خالد : باقي ما سلمت على عمي صـ ..
قال مقادير : باعتذر له نيابة عنكم . الحين انحاشوا ..
قال راس : طيب وش بتقول للرجال اللي شك فينا ..
قال مقادير : احمدوا ربكم ما يعرفكم .. باقوله هذولا مستكشفين تبع الدوله وراحوا ..
وفعلا .. ما صدق خالد وراس الخبر .. وركبوا موترهم .. ورجعوا ..

وهم في الطريق ..
قال راس : لا ابوك لا ابو اللي بيروح معاك مره ثانيه ..
قال خالد : ومن اللي قال انك بتروح معي مره ثانيه .. اصلا غلطان اللي يجيبك معه ..
قال راس : شكل نسايم داعية علينا ..
قال خالد : الا شكلها مرسلة شبيهتها حتى تورطنا >> ياشيخ لو انها كوندليزا رايس ..
قال راس : اذا سألوك العيال قل فله ووناسه .. لا تفشلنا ..
قال خالد : داري ، الا انت لا تروح تسوي سالفه وتفضحنا عندهم ..
قال راس : اووكي اتفقنا .. الحين بأنام ، ولمن نوصل قل لي ..

ووصل خالد وراس للبيت أخيرا ..
وكانت زيارة حافلة ..

ما يستفاد من القصه :
1- ان المدعو خالد قروي ما عنده سالفه وطلع على حقيقته .. يعني لا يغركم هو وجهه اللي حاطه في المسن .. كل ما لقيته في المسن قاعد يتميلح .. اقول اعقل لا احش رجولك .
2- ان خالد فشيييييييييييييييييييييييله هو وولاد عمه وحقهم قنبله ذرية تبيدهم هم وقريتهم ..
3- كل ما في الموضوع وناسة وتوسعة صدر .. ولا احد يزعل علينا خاصة الحلو حييييييييل خالد ..
4- زي ما يقولون النصابين في الافلام هذه القصة مستوحاه من قصة حقيقية .. طبعا هذي لا حقيقية ولا هم يحزنون ولا ادري من هم اولاد عم خالد ولا كيف وجيهم .. لكن تصورات .. والله يستر لا يكون صدق ..
5- ابشركم صورت صورة خاصة لخالد مع اولاد عمه .. عاد طلعوا من منهم خالد .. وهذي هي الصورة :
.
.
.
.
.
.
.
.
.
.
.
.
.
.
.
.
.
.
.
.
.

[IMG][/IMG]

اتمنى ان القصة اعجبتكم وخففت عنكم عناء الاختبارات .................

دمتم ... راس

[موج الورود]

غريبه ليش محد رد ؟

اعرف القصص و خاصة حقت راسبوتين على طول ردوووووووود

يمكن عشنها سامجه شوي

[راسبوتين]

هلا موج ..

اما من ناحية غريبة .. فهذا شي متوعد عليه ..

يمكن علشان التوقيت مو مناسب .. اختبارات وقلق ووووالخ ..

اما سامجه فهذي عل البيبان ..

المهم لا يكثر بس ..

[سونهام يغمور]

هلا راس

و الله يعني في عده عوامل تسبب انهيار السوق ..

اولها عامل الوقت
ثم قله السيوله
ثم رداءة المعروض..

<<<<<<<<<< كانت على العربيه دوبها
خخخخخخخخخخ

قالت بيوك : اش قرويين ؟؟
قال راس : يعني بدو .. يعني متخلفين

لالالا ما اسمح لك

و بعدين ليش باسأل عن القرويين يعني شايفني جايه من المريخ ما اعرفهم يعني؟؟

وعزمت الجميع في مطعم شاورما نظرا لقلة تكاليفه >> اما هذي البنت

احس كأن في شي طاير على راسك بيفشفشها

قبل لا أبدأ صراحة ما ادري وش عند خالد حاط تحت اسمه تفاريس المنتدى !!

خخخخخخخخخخخ و الله كذا مره نبهناه على هذا الشي
بس ما يسمع الكلام هالولد مسوي اذن من طين و اذن من عجين

قال ولد عم خالد ( اسمه مصلح ) : وش تقول ؟

كيف ولد عم خالد اسمه مصلح ؟؟ ما تجي

وما امدى مصلح يعدي عتبة الخيمه >> قال ايش قال عتبه ..
الا ويمسك خالد راسبوتين ويجلس محط به يمين ويسار ..
قال خالد : حمار أنت ؟ تبي توهقنا حسبي الله عليك ..

ايوه يا خالد كمان كمان

بردت قلبي

هذي اغنية ماجد عبدالله ..

ههههههههههههههههههههههههههههه

اكثر شي مضحكني بصراحه



اما الجزء الاخير من القصه

فتبقى نسايم او شبيهتها لغزا للعدد القادم
<< مع تحيات مجلة ماجد احم احم قصدي راس

خخخخخخخخخخخخخخخخخخخخ

و الله زمان يا مجلة ماجد و مجلة باسم و بساط الريح

<<<شكلو محد يعرفهم اسكتي بس

[ولد المدينه]

語語
رائعه من رائع
語語
يعطيك العافيه اخوي على ابداعك
語語

[نقاء الروح]

هههههههههههههههههه

تصلح هالقصة لمسلسل طاش ما طاش

تسلم أياديك راسبوتين

[راسبوتين]

هلا والله بالطش والرش .. الحمد لله فيه أحد رد ولا كنت ناوي اني اعتزل واجيب فريق فريندز ( تعرفونه اكيد المسلسل الاجنبي ) للاعتزال ..

المهم ..

الزعيمه بيوك >> تحسونه متأثر بالعصابات

من ناحية القرويين فهذي مشكلتك .. وش دراني انك تعرفين ؟؟ يعني يلزمك انك تسوين قصة باللهجة البدوية حتى نتأكد ..

اما من ناحية كيف ولد عم خالد اسمه مصلح .. فهذا الله يسلمك في قانون الجاذبية العام يقول ارسطوا ان المعادلة الكيميائية لها دخل في التوازن النفسي اللـ ... فهمتي شي ؟؟
واضح كلامي .. كيف يعني فهمتي ؟؟ خالد عنده عم .. عمو هذا عندو ولد .. الولد هذا اسمه مصلح .. يعني يصير ولد عم خالد النحس .. >> يوه تعبت في الشرح

ومن ناحية المجلات ال نعرفها وش شايفتنا ؟؟ بزارين ؟؟

الله يهديك بس ..

ومشكووووووووووووووووووره حيل .. ردك استانست فيه ..

............................

ولد المدينة ..

والله انت ديبلوماسي فنان ..

صراحة منصب المدير العام مضبوط عليك ..

تسلم على تواجدك

...............................

نقاء الروح

هلا فيك ..

واما طاش فهذولا ما عندهم سالفه كل سنة يعيدون نفس القصص .. طفشونا .. اقترح عليهم انهم يشوفون لهم حل ..

شكرا لك على مرورك ..
ثانكيو ..


.........................................

الحين ما تقولون لي وين خالد ونسايم ...؟؟؟؟

لا اختبارات ولا شي ..

وينهم ؟

[نسايم]

هلا والله راسبو ،، كيف حالك ؟؟

والله اني نشبه من جد ،، بس ايش رايك فيني وانا لاحقتكم لديرة خالد ،، ومسويه فيها وضحه :) ،،،

[راسبوتين]

وضحه ؟؟؟ وضحى تكتب وضحى مو وضحه .. الله لا يفشلنا ..

بعدين ما ادري عنك انتي والماتريكس بتاعك ..كل شوي نلاقي لك شبيه ..

المهم ..

مشكووووووووووووووووووووووووووووره حيل عالرد ..

ونشوفك في مشاركات ثانية ..

.

[ريمي]

اهلين راسبوتين
ههههههههههههههههههههههههه الله يرجك انت وقصصك ماادري من وين تجيبها
يعطيك العافية
بس تصدق انصدمت على بالي خريج وعاطل مادرينا عنك انك طالب توك