الرئيسية التحكم التسجيل
 

 
 
العودة   منتديات الكيمياء الحيوية للجميع > الأقسام العامة > رحّب.. اضحك.. العب.. فرفش
 
 

رحّب.. اضحك.. العب.. فرفش استراحة الاعضاء للترحيب و اللعب و المزح

إضافة رد
 
 
 
أدوات الموضوع انواع عرض الموضوع
 
 
 
 
قديم 05-04-2008, 08:21 PM   #1
راسبوتين
[عضو شرف]
 
الصورة الرمزية راسبوتين

 









راسبوتين غير متواجد حالياً
افتراضي قصة مع خدامتنا .. ممنوع دخول اقل من 18 سنة

السلام عليكم

كيفكم حلويييييييييييييين .. يوووه تصدق ما عرفتكم >> محشش

والله من زمان ما مريت على هيك منتدى >> يبي يصير لبناني بس مو عارف

اعتذر عن انقطاع ارسالي .. تعرفون زحمة الاتصالات هالايام .. احم .. اقصد تعرفون زحمة الجامعة والانشغال والقرف ووووالخ .. هذا وانا عزوبي ولحالي مشغول .. اجل لو رحت عند هلي وش بيصير ؟؟

و ..

يا زمااان .. يا فله .. يا نسايم .. يالعب كرة سله .. يا بيوك يا خالد العله .. >>> صرت شاعر

تغير المنتدى تغيروا العيال وكبروا .. الله الله يا زمن >>> اي هين اللي يشوفني يقوب طاق التسعين ..


بس المنتدى والله تطور .. ماهو زي زمان .. زمان الديزل .. يوم كان خالد سامج وما ينبلع .. يوم كنت أصفقه انا وبيوك .. تذكرين ؟؟


المهم زي ما تعرفون عادتي الكريمة في صف القصص وسردها بشكل لافت يبهر العيون ويخرج السعابيل .. فقد جبت لكم قصه ..

لكنها ملطووووووووووووووشه .. لعيون خالد .. وعيون سيارته اللي دايم تورطنا وندفها ..

ولعيونكم أنتوا بعد ..

واعذرونا على التقصير ..

أتمنى انكم تضحكون من قلب .. وتناون وانتو مجانين ..




اول شي احب اعطيكم فكرة عن شغالتنا

شغالتنا يا كرام مخروشة الى ابعد حد يعني لما نشوفها جايبه الشاهي نعلن حالة الطوارئ ونزل البزران للملاجئ

لانه عادي عندها تشيل 13 بريق شاهي بيد و10 دلال قهوة بيدها الثانيه وتمشي صافطه الطبلون يعني كنها تصاقط ظلالها

انا اقول لامي احس انها مسكونه بجني كان يشارك في اختراق الضاحية

تصدقون شرينا جهاز تعلقه معها علشان امي لما تبيها تناديها بالجهاز بس للأسف علشان سرعتها صار الجهاز ما يلقط الارسال

يعني لو تبي تعذبها خلها لا تتحرك بس ثواني

وبعدين عادي تناديها وتسالها عن شي ما تدري الا هي رايحه ومخليتك.... مو تطنييش لا بس دباشه

انا احس انها ما قد شافت بشر ولا تدري وشلون يتعاملون مع بعض


تقدرون تقولون انها مخروشه وفي روايه اخرى سبيكه

المهم انا صار لي معها موقف قوي

مرة وانا راقي لغرفتي مروق وادخل غرفتي وانا من عادتي اني ادخل غرفتي وبعدين اعطي الباب كعب قوي واصكه واقفل غرفتي

واطلع جوالي وانطله على المخده مع انه دايم يطيح ورى السرير وابلش ادوره

وافسخ ثوبي واحطه في مكانه المعتاد اللي هو اجدعه على الارض

بعدين اشيل فنيلتي واصفطها لين تصير مثل الكوره واشوتها على المعلاق قصدي الشماعه <<<< خلونا نتميلح عند البنات

بعدين سروال السنه<<<< اموت واعرف ليه سموه كذا ... بعدين الشيعه وش يسمونه سروال الشيعه خخخخخخ

عني ما يبقى على الا سروال النص

المهم حمامي الله يعزكم جوا غرفتي

المهم يوم فسخت ثوبي قعدت قدام المرايه اتميلح نفسي واكلم روحي وانكت شوي وامسك المشط واتخيله مكروفون واغني الامااااااااااااااااااااااكن يعني قمة الطرب

واستعرض عضلاتي والعب كراتيه مع صورتي بالمرايه .. واكلم نفسي بالمرايه واقول بتعقل انت والا يععععع كععععع> > وارفسه برجلي خخخخخخخخ

وبقية الحركات اللي انا دايم اسويها بشرط ما يكون عندي احد

عاد انا دايم انهي حركاتي هذي بقفزه على السرير وكنت دايم وانا انط اقول دووووووق فليــــب<<< هذ اسم اللي كان يسوق كريندايزر <<< ايقالك شرح الحين

عاد وانا ناط وبين السماء والارض حانة مني التفاته<<< الله اخيراً قلت حانه من زمان وانا ودي اقول هالكلمه

المهم يوم حانة مني التفاته للحمام وش شفت

صليحه<<< اسم شغالتنا .... واقفه بوسط الحمام وماسكه مكنسة وسطل وهي منصدمه

قلت لها صليحة خيررررر وش عندك .. زي العاده ما ردت رجعت مرة ثانيه بالاشاره اسالها وش عندك كل هذا وانا بين السماء والارض ما بعد وصلت السرير<<<< ما يكذب ابــــــــــد

وجلسنا اناظر بعض اللي يشوفنا يقول والتقى الحبيبان وانا ودي اخذ المكنسة اللي معها واكنس البهاق اللي بوجهها

ثم امسك راسها وادخله بوسط السطل اللي فيه مويه علشان اشوف من وين ينسم راسها

واصرخ عليها يا دبشه ورى ما تكلمتي وعلمتيني انك هنا>> وكالعاده كنك تكلم جدار

المهم لاني عارفها دريت انها يوم سمعت صوتي انخرشت ولا درت وش تسوي

وبذهانتها الخارقه قالت بقعد هنا ومهب شايفني .... لعنبو دارك ودار مخك

عاد انا قعدت اتذكر وش كنت اسوي يلعن ابو الفشيله بس اللي مهونها علي قلت اشوى اني ما فسخت كل شي> > كان انا اللي بطلب من اهلي يسفروني انا مو هي

المهم اني قلت لها خلاص امشي اطلعي وانا ابي افتح باب غرفتي اسمع امي جايه لغرفتي وتناديني

يا سلاااااااااااااااااااام على الحظ

انا والشغاله بغرفة نومي والغرفة مقفله وانا كاسي عاري ما علي الا سروال نص

يعني امي لو هي عمياء بيروح علطول بالها لذاك الشي

يعني التهمة لبساني لبساااااني

علشان تعيشون معي الموقف

انا ما علي الا سروال نص والشغاله جنبي واقفه ,,,والباب مقفل وورى الباب امي

وانا اعرف امي ماراح تروح الا اذا فتحت الباب

في هاللحظه .... خطرت في بالي فكرة انما ايه ما تخرش الميه

لي اخو يدرس برى وامي تموووووت فيه واذا دق تركض امي ركض كأنها بنت جايتها رسالة جوال خخخخخخخخخخ

فقفزت على السرير واخذت الجوال ودقيت على بيتنا ورد على ولد اختي من تحت قلتله انا خالك بدر وين جدتك بسرعه انا اكلم من برا

فقام البزر يصوت لامي خااااااااااااااااالي بدررررررررررررر بالتلفووووووووووووون

امي اول ما سمعته يصووووت تدروشت وتلخبطت وقامت تقول يووووووه قله انها فوووووووق وصارت تمشي وتدور التلفون اللي فووووق وهي تقووول افففففففف وين ودت التلفون هالشغاله

وانا في نشوة الفرح لنجاح خطتي الجهنميه اذا بصليحه <<<< مرة ثانيه اسم شغالتنا

اذ بها يوم سمعت امي تقول (وين ودت التلفون هالشغاله) اذ بها بأعلى صوتها تقول... فوق مكتبه يا ماما

انا من قوة غبائها والحركة اللي سوتها ما استوعبت الموقف قعدت لحظات علشان مخي يتعرف على هالموقف بس ما لقى اي موقف مشابه قد مر عليه يعني سبق مو صحفي سبق غبائي لهالشغاله

الادميه ذي ذكائها خارج التغطيه الا مخها منتهي الصلاحيه هذي طفرة في الدباشه

المهم انا صرت ما اسمع لامي صوت مدري هي سمعت الشغاله والا لا

يوووووم جت المصيبه

وانا واقف عند الباب اتسمع والشغاله جنبي

اذ بصليحه تمسك عروة الباب وتبي تفتحه فرمقتها <<<< حلوه رمقتها ذي صح خخخخخخخخخخ

المهم رمقتها بعيني يعني وش تبين قالت لا بابا افتح الباب لا بابا حرااااااااااااااااااااااااااااااااام لا باب ايش يبغى انت لا بابا انا حرمه كبير انا حرمه فيه بيبي حرااااااااااااااااااااام بابا

ياسلاااااااااااااااااااااااااااااااااااااام الاخت فاهمه غلط تحسبني اسوي كل ذا علشااااني ابيهاااااااااااااااااااااااااااا

مدري اضحك والا اصيح والا وش اسوي فيها

من زينك انتي ووجهك اللي كأنه رسمة ولد بالروضه عيون يبيلها كروكي علشان تلقاها وخشم كبير كأنه محول غاز

لعنبو شكلك لو تطب علينا الهيئه اخذو علي تعهد وانتي سجنوك مؤبد وراح يسوولي انا كشف حمل مو انتي <<<<< قويه شوي خخخخخخخخخخخخخخخخخخخخخخخخخ

المهم الآدميه مصره تفتح الباب وما دريت الا هي فاتحه القفل وامي جنب الباب تقول ,,,, صليحه!!!! صليحه انتي هنا

وقبل ما تفتح امي الباب دورت بسرعه سروال السنه ولقيته على الارض وامد ايدي باخذه.<< ... في هاللحظه فتحت امي الباب

ولا لقيت تصريفه لوضعي وانا ماد ايدي للارض باخذ سروالي الا اني لا ارادياً قلت اللللللللللللللللللللللله اكبررررررررررررررررررررر<<<<< ايه سويت نفسي اصلي واسجد خخخخخخخخخخخخخخخخخخخخخخخخخخخخخخخخ

وش اسوي ما لقيت اي تصريفه وبعدين ما ابي امي تسالني عن شي فاحسن شي اسوي نفسي اصلي

المهم اني في نفسي اقول يارب انها ما تلاخظ اني اصلي وانا شبه عاري

امي دخلت وتنحت شوي بعدين قالت للشغاله وش قاعده تسوين لكن كالعاده الشغاله اكلت تبن وسكتت وطلعت

وقفت امي شوي وانا قاعد اصلي واقول في نفسي اشوى انها ما انتبهت اني متفسخ

المهم شوي الا و يوم قالت لي اجل تصلي هاه !!!!!!!!!! وانا اللي ابلع ريقي مو بس ريقي الا حتى اللوز بلعتها

قالت اجل تصلي,,,, زين بس ترى القبله غرب وانت تصلي شرق

وطلعت وصبخت بالباااااب بقوووووووووووه

يوووووووووووووووووووووووووووووووه انوااااااااع الصدماااااااات ياربيه وش اسوووووووي

واقعد افكر يارب وش اسوي والله اني مظلووووم <<<<< واقعد افكر وافكر ,,,,, قلت احسن حل الصرااااحة واللي يصدق يصدق واللي مو مصدق لا يصدق

ولا انتبهت لنفسي الا بعدين طول فترة تفكيري وانا قاعد اكمل صلاتي خخخخخخخخخخخخخخ

المهم لبست ملابسي ونزلت ورحت لامي وهي من هوووول الموقف قاعده تتنافض وتحتري ابوي

يوم جيت صرخت بوجهي لا تكلمني ولا تلمسني ابعد

قلت اسمعي

الصدق مجراه والكذب مفراه

قالت وشو

قلت الصدق منجراه والكذب مفتراه

قالت وش تقول انت

قلت اففففف الصدق زين والكذب شين وشوله الفلسفه

وقعدت اقولها كل اللي صار واحلف ايمان واقسم بالله



والحمد لله لان امي واثقه فيني صدقتني

بس مدري ليه سفرو الشغاله بعد يومين<<< الى الحين ما فهم انهم سفروها لانهم ما صدقوه خخخخخخخخخخخخخخخخ



بالنهايه احب انصح اخواني الشباب انتبهو تتفسخون بغرفكم وعندكم شغاله اسمها صليحه<<<< متعوب عليها النصيحه خخخخخخخخخخ




وسلاااااااااااااااااااااااااااامتكو ..



النهاية



من مواضيع راسبوتين في المنتدى


التعديل الأخير تم بواسطة راسبوتين ; 05-04-2008 الساعة 08:24 PM
التوقيع

تدري وش الفرق بين
الحب .. و .. الذكرى ..!

إن أول الذكرى :
( حب ) ..

وآخر الحب :
( ذكرى ) ..!

ستبقا منتديات الكيمياء اخر الحب الى الأبد .

   
رد مع اقتباس
 
 
 
 
قديم 05-05-2008, 08:03 PM   #2
يا قمرهم أنت
سفير بيوكيميائي
 
الصورة الرمزية يا قمرهم أنت

 









يا قمرهم أنت غير متواجد حالياً
افتراضي

ههههه
الله يعينك صحيح الخدم مايجيبون الا المشاكل
وانشالله مايكون فهموك غلط
لان صحيح مشكله صعبه كذا
الله يساعدك
وهذي عظه وعبره



من مواضيع يا قمرهم أنت في المنتدى

   
رد مع اقتباس
 
 
 
 
قديم 05-05-2008, 09:44 PM   #3
ريمي
وزير بيوكيميائي
 
الصورة الرمزية ريمي

 









ريمي غير متواجد حالياً
افتراضي

اهلين راسبوتين نور المنتدى
العود احمد
ومشكور على القصة الرائعة



من مواضيع ريمي في المنتدى

التوقيع


مامات وردك يالحياة المورق الجذاب

بقي شذاه يفوح بالتاريخ وثيابه
روح تعالت في سماوات الغلا ترحاب
فيها سموه طلته طيب وترحابه
جعل الخلود أخر مداه والنعيم الباب
روح مع أصحاب اليمين تقلب كتابه


----------------------------------------
اسير الشوق
   
رد مع اقتباس
 
 
 
 
قديم 05-05-2008, 09:44 PM   #4
خالــد
ضيف

 






افتراضي

هههههههههههههههههههههههه

انا احاول استوعب فكرة انك تصرفها بالصلاة ماني قادر

الظاهر انت اللي يبي لنا نحط راسك بسطل موية نشوف من وين ينسم خخخخخخخخخخخخ


*
*

اااااااه يالراس

والله ياني مشتاق لوضحى وشليويح هههههههههههه


يعطيك العافية يابطل ع القصة :)



من مواضيع خالــد في المنتدى

   
رد مع اقتباس
 
 
 
 
قديم 05-06-2008, 05:30 PM   #5
راسبوتين
[عضو شرف]
 
الصورة الرمزية راسبوتين

 









راسبوتين غير متواجد حالياً
افتراضي

قمرهم ..

المشكلة مو يفهمون والا ما يفهمون .. هذي مشكلتهم .. المشكلة ان العائلة الكريمة بتفقدني صلاحياتي من ممارساتي المشروعة >> أصلح في الأخبار صح ..

على العموم هذي حال الدنيا .. بلاوي مع الشغالات .. الله لا يبلانا بس ..

ومشكووووووووووور على المرور ..

وفيه تنبيه عليك .. لا تكتب كذا ( إنشاء الله ) اكتب كذا ( ان شاء الله ) >> وش عنده أبو زقم ؟؟

........................................

ريمي ..

هلا فيك .. والرد أجمد ..

صراحة أشك أني أعرفك .. هل قمتي بتغيير اسمك ؟؟ >> اتعلم اللغة ..

على العموم مشكوره على الرد .. عل الأقل رديتي مو مثل غيرك .. يمر ولا كلمة يقولها ..

داري انهم مستحين لكن برضه ما ينعذرون ..

.............................

خلودي ..

هلا بابو عرام ..

توك ترد أنت ووجهك .. انا كنت ناوي أدق على على أقرب تكروني عندكم في الحارة .. علشان يمردغك ليييييييييييييين تقول ربي الله ..

لكن ماهنت علي قمت ألغيت اتصالي >>>> لا ياااااااااااااااااااااااشيخ ..

مشتاق لوضحى .. اقول لا عاد توطوط على هالسالفة ترى بالعب في وجهك كيرم .. كلك على بعضك فشيلة في فشيلة ..



المهم نسيت أقول شكرا على الرد .. والا .. غصب عليك ترد ..

...........................................


الحين ما تقولون لي .. بيوك وينها ما ترد ؟؟
والحين الموضوع شايفه واحد واربعين واحد بالله وين الردود ؟؟

يالله دايم المشاهير كذا .. الناس يحاولون يحطمونهم >>> امووووووووت في الشهرة ..


ثانكيو ماي فريندز



من مواضيع راسبوتين في المنتدى

   
رد مع اقتباس
 
 
 
 
قديم 05-06-2008, 08:34 PM   #6
سونهام يغمور
Bioc سابقاً
 
الصورة الرمزية سونهام يغمور

 









سونهام يغمور غير متواجد حالياً
افتراضي

انا هنا يابو راس بس عندي مشكله تقنيه في الرقبه و الكتف الايسر

^^^^

المهم القصه كنت بدي احذفها ما ادري ليش احس انك خرجت عن النص


بس المهم <<< كثرت من المهم هذه - الحمد لله ما في ابطال من المنتدى معاك في القصه
و لا كان صار فيه انذارات و كروت صفر و حمر

الحمد لله كمان انك ما جبت سيرت البلايستيشن و لا كان خالد مسكه و ما فكه
احنا بالقوه رافعينه عنه من وقت الاختبارات و البحث و ماني مصدقه انه الدوري شغال و لا كان هلكنا في البلايستيشن

الله المقدمه حقتك ذكرتني بيوم كنا عايشين سوا و نسايم وملكه و ريانه العود (ملك) لما كانوا يعملوا السندويتشات
و لا ثامر << هو ايش كان يسوي بالظبط

على فكره في احد راح وجهو و ما رجع وواحد راح الصين وما رجع و واحد راح الديره و ما رجع <<< كلهم نفس الواحد

فين تكملة القصص الخرافيه حقتك ؟؟؟



من مواضيع سونهام يغمور في المنتدى

التوقيع

..ادعموني هنا..
فيسبوك(FaceBook) -
مدونتي(soon)

::مواقعي الشخصية::


و اخيرا اتنشر بحث الماجستير
   
رد مع اقتباس
 
 
 
 
قديم 05-07-2008, 04:02 AM   #7
نسايم
المشرفة العامة
 
الصورة الرمزية نسايم

 









نسايم غير متواجد حالياً
افتراضي

بعدين سروال السنه<<<< اموت واعرف ليه سموه كذا ... بعدين الشيعه وش يسمونه سروال الشيعه خخخخخخ



هههههههههههههههههه ،،، نفس وضعك نفسي اعرف ليش اسمو كدا ؟؟


المهم <<< كتري منها ههههههههه


فينك وفين ايامك يا جدو راسبو ،، لك فحشه ،، خخخخخ قصدي وحشه ،،،



من مواضيع نسايم في المنتدى

التوقيع


بقضي الليالي أنتظر صابر على المقسوم
متعلـق بطــرف الأمـــل يمكن يجيــني نـــــوم


   
رد مع اقتباس
 
 
 
 
قديم 05-07-2008, 05:19 PM   #8
سونهام يغمور
Bioc سابقاً
 
الصورة الرمزية سونهام يغمور

 









سونهام يغمور غير متواجد حالياً
افتراضي

اقتباس:
المشاركة الأصلية كتبت بواسطة يا قمرهم أنت مشاهدة المشاركة
ههههه
الله يعينك صحيح الخدم مايجيبون الا المشاكل
وانشالله مايكون فهموك غلط
لان صحيح مشكله صعبه كذا
الله يساعدك
وهذي عظه وعبره

يابنت الدعوه كلها خياااااااااااااااااااااااال

راس متعود على كدا

اخر تحشيش



من مواضيع سونهام يغمور في المنتدى

   
رد مع اقتباس
 
 
 
 
قديم 05-10-2008, 03:30 PM   #10
راسبوتين
[عضو شرف]
 
الصورة الرمزية راسبوتين

 









راسبوتين غير متواجد حالياً
افتراضي

سوري عا التاخير ..

ما قلت لكم ارتباطات >>> تراك أزعجتنا

نشوف الحبايب ..



بيوك :

هلا والللللللله .. وش تحذفين ما تحذفين .. النص سليم مئة بالمئة والتحاليل تثبت عدم وجود جراثيم >> يا عيني يا دكتور ..

ومن ناحية الهبل خالد .. فلا تشيلين هم .. مسوي زحمه والطريق فاضي .. كلها كم كف ويعقل ..

وبالله لا تذكرينا بايام زمان .. كذا بتخليني أعيط >>> على توقيت لغة القاهرة .

وعلى فكره الواحد هذا في القصص اللي عندي يشبه اللاعب الخفي في نادي الهلال ..


ثانكيو مدام عل الرد الكويس ..
وثاني مره لا تثقلين وما تردين الا بعد عشرينطاعش رد

.................................................. ..............

نسمو ..

هلا والللللللللله ..
بدري .. تصدقين فكرتك اعتزلتي >>> متأثر باعتزال سامي وماجد .

وش فحشه .. فحشو خشم شيطانك ..

وانتي كما لك وحشه .. حتى اني أغني دايم : وحشوه .. وحشوه >> زي اغنية عبدالحليم ظلموه ..

والايام ان شاء الله جايه ..

ثانكيو على المرور ..


.................................................. .....

فريد حليم :

يا عييييييييييييييييييييييييني عالذوق .. وعالأدب ..


على فكره وش يقرب لك عبدالحليم ؟؟

ثانكيو



من مواضيع راسبوتين في المنتدى

   
رد مع اقتباس
 
 
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
جدول انعقاد دورات 2013 في الإدارة والمال والمحاسبة والقانون والموارد البشرية مقام رفيع وظائف القطاع العام 0 12-21-2012 05:31 PM
للمجانين فقط ممنوع دخول العاقلين ..!! دلـــــــ المدينة ــــوعة رحّب.. اضحك.. العب.. فرفش 63 05-04-2009 10:07 PM
ممنوع دخول الشباب اكرر ممنووووع دخوووووووول الشباب مستحيلة الحل رحّب.. اضحك.. العب.. فرفش 8 07-17-2007 01:24 AM
عزاب جدة يطالبون بإلغاء ممنوع دخول الشباب وللعائلات فقط .... عصفورة الكيمياء القـسم العام 10 07-04-2007 02:40 AM
معلومات مضحكة عن بعض الدول .. !!! الطير الكاشف رحّب.. اضحك.. العب.. فرفش 11 06-24-2007 08:15 AM



الساعة الآن 04:03 AM


Powered by vBulletin® Version 3.8.7
Copyright ©2000 - 2018, vBulletin Solutions, Inc.
يوتك