الرئيسية التحكم التسجيل
 

 
 
العودة   منتديات الكيمياء الحيوية للجميع > الأقسام العامة > رحّب.. اضحك.. العب.. فرفش
 
 

رحّب.. اضحك.. العب.. فرفش استراحة الاعضاء للترحيب و اللعب و المزح

إضافة رد
 
 
 
أدوات الموضوع انواع عرض الموضوع
 
 
 
 
قديم 05-22-2008, 01:37 PM   #1
طالبة مقهورة
بيوكيميائي برونزي

 









طالبة مقهورة غير متواجد حالياً
افتراضي خكري يسولف مع امة

تخيلوا خكري طالع من عائلة عرابجة وحونشية ( حاجة غريبة ) !

تعالوا وشوفوا هذا الحوار الافتراضي واللي لطشته من احد المنتديات مع حذف بعض المقاطع البذيئة ( حفاظاً على الذوق العام ) واعطونا آرائكم عني صراحة اشفقت على الخكري yay لأنه يعاني بقوووة مع هذي العائلة المتوحشة





رطوبه

رطوبه

رطوبه


حررر طفشش

خلاص

تعبانه




يؤ

قصدي

تعبان



العجيز .. اقول ياجعل عيني ماتبكيك ورا ماتتمرجل مع الرياجيل
وتغدي ذيب

نعن ابو فررتك انت طالعن على من؟
انا يوم اني بسنك كنت اقود قطيع من الغنم واقود قبيله مثلك


yay: ماما اش معنا غنم ؟؟ .. اييه قصدك الخروفه


العجيز:اييييييييييييييييه ياويحي تقول خروفه ها ياحره تسبدي


ابوك يوم كان بسنك كان يطارد ورا الاسود يبي يصلخ جلدها ومن ثمن يبيعها ..يدور ورا رزقه

انت لو يطب في حظنك (شبث) =عنكبوت انكسر حوضك

yay: ماما يعني بابا كان زي ماوكلى؟


العجيز : نعن ابو حيك الى يسمع سوالفك يقول عمرك ثلاث سنوات وانت ترا جالس تبحر بالعشرين ..



yay :خلاص ماما بروح انام


العجيز: نم ياجعل تنام فوق ظهرك تريله .. ربها تقسي عظمك يالرخله

yay:ماما ؟ ليش انتي عدوتي ليش انتي دايم تحاولين تحطمين مشاعري
ليش انا مو دلوعتك يؤ قصدي دلوعك انا مو ضناكي الى تخافين
عليه


العجيز: تصدق احرجتني بكلامك تصدق حمرن خدودي وبجلس ادق راسي اسفا للى سويته فيك وراك والله ماذقت عقال ابوك وهو على ظهرك




العجيز: اقول ليت والله تاخذ اخوك خلف قدوت(ن) لك مع انك اكبر منه بسنه

هذاك والله الى شعر شنبه اكثر من الشعر الى بجسمك

هذاك والله الى زنده يوقف عليه التيس .. انت لو تلبس ثوب شتوي ثقيل جاك الغظروف

هذاك عزوتي .. وسندي

العجيز: يااي

yay: يس مام

العجيز: وش يس ذا جعل تيس ينطحك ..

انت من الى علمك الهرج ذا

قل لبيه يمه سمي يمه

لو طب علينا حرامي وش بتسوي ياروح ماما

yay: بشد شعره وبقوله عيب عليك

العجيز: لاتكفى ارحمه مسكين

انت تفكر الحرامي مخلي شعره مثلك ياباربي????

الحرامي يجيك في وجهه شطبه سكين اعرض من يدك


yay: يووه لا تخوفيني ماما اجل بقوله حوحو خذ كل شي الا السكيتنج حقتي واغراضي من بدي شوب خلها لى الله يخليك

العجيز: الله... وانت منت بمسويله شي ؟

yay: وش اسويله ياماما بقوله لا تسرق ترا السرقه حرام

العجيز: بس

yay: يس

العجيز: الله يخلف على امن جابتك بس

((على دخلت خلف من الشارع ))

العجيز: تعال خلف تعال

خلف: سمي يمه لبيه

العجيز: هلا بعزوتي وبسند ظهري هلا

لو دخل علينا حرامي ياخلف وش بتسوي فيه.. امتعني سمعني اطربني

خلف: بكسر ظهره ثمن بدعس على رقبته واقطع يده وافك ركبته... واعلقها على باب الشارع عضه وعبره لغيره

yay: يووء بتسوي فيه مثل ماسوو في بطل فلم الحريه مسكين

خلف : سكين والله تقطع اذنك ذي الى كنها كليه فار

yay: يو ترا ما استحمل الكلام ذا ترا ما اعرف انام اخاف..
بروح انام احسلى من الجلسه معاكم يا عيال دراكولا؟

العجيز: دراكولا يمص دمك هذا لو عندك دم ماطلع الى بجسمك عصير دناو

احد يقول عن امه تسذا؟

yay: خلاص ماما سوري

العجيز : سوري يهابدبك بجدران دمشق قول امين

yay: ماما ترا بروح بعد ما الشمس يخف زعلها محل نكتار بشتري لى بعض الحاجات مخلصه من عندي

العجيز: وش يخف زعل الشمس ماخبرت الحتسي ذا ؟

yay: يعني يماما لمن تبرد اشعه الشمس يعني بعد المغرب

العجيز: وراك ماتطلع بالضحى ياجعلي اضحي فيك العيد الجاي... قصدي والشمس زعلانه



yay: لاماما اخاف على بشرتي تتعور

العجيز: لاعاد تقول ماما ياجعل مومياء تحضنك ...ياللأنثى

وبتروح مع من ؟

yay: بروح مع اصحابي وائل ولؤى وهيثم

خلف يطمر من بعيد ويقول :على فكره حبيبي يااي اخبار وائل وشلونه هو

yay: وليش تسئل عنه؟

خلف : بس اسئل عن حاله

yay: زين تمام وتوه ماخذ شهاده في رقص الباليه

خلف: والله انا الى برقص من الفرحه لو استفرد به

yay: وشو ماسمعتك

خلف: لالا سلامتك توكل بس

yay: ثانكس بباي

العجيز: اقول خلف وش جالسن تثرثر به انت وخوك المايع مهيب عوايدك

خلف: لا ..بس اخوي واشوفه لايكون يمشي مع دشير ولا شي خايفن عليه

العجيز: ليته يمشي مع دشير ولاهو جالس يتمكيج قدام التسريحه كل يوم

خلف: والله يايما كان سمعتي عن قصه برجس ثانيه

العجيز: وشو

خلف: سلامتك يالغاليه..



((وبعد ان خف زعل الشمس وجا وقت المغرب))

yay: مامي انا طالع

العجيز: وين رايح يا سالى ؟

yay: يؤ مامي نسيتي بروح نكتار

العجيز: ايه ذكرتني طيب وانت راجع جب معك خبز

yay: ليش مام

العجيز: .. بتعشي ياجعلى اتعشي يوم عرسك...... مهما كنت ولدي وابي افرح بك
مدري انت الى بتخطب ولا هم الى بيخطبونك ياحسرتي بس

yay: لامام بجبلك كلوب هاوس

العجيز: كلاب والله تعض خصرك ذا الى كأنه خاتم

yay: وبعدين مام انا بتزوج تشلسي

العجيز: وشو ذا

yay: بنت كلنتون

العجيز:وش لبتن ذا

yay: هههه مام ضحكتيني لا بنت رئيس الولايات المتحده الامريكيه السابق

العجيزز: وشوتقصد.. عمريكا؟

yay: ايه شيكا بيكا هههه

العجيز: وتضحك بعد ايه خبري بك راعي شكشكه

yay: ايه مام وش احلى من اني العب بخصري واهز وسطي
واتزوج حبيبتي تشلسي
وبعد ما اتزوجها .. اكلم ابوها واقوله اطلع من العراق وكلم اسرائيل وخلها تنسحب من فلسطين ولا ترا بزعل تشلسي ولا راح اشتررريلها ايس كوريم


العجيز: وهذا الى تقدر عليه ياكبده امك تزعلها ولا تشتريلها عسكريم

انا ابوك يوم زعل على اعطاني طلقتين بالشوزن في ظهرى



من مواضيع طالبة مقهورة في المنتدى

   
رد مع اقتباس
 
 
 
 
قديم 05-22-2008, 06:12 PM   #2
يا قمرهم أنت
سفير بيوكيميائي
 
الصورة الرمزية يا قمرهم أنت

 









يا قمرهم أنت غير متواجد حالياً
افتراضي

هههههههههههههههههههههههههههههههههههههه
مشكوره طالبه مقهوره
يعطيك العافيه
بنتظار جديدك



من مواضيع يا قمرهم أنت في المنتدى

   
رد مع اقتباس
 
 
 
 
قديم 05-22-2008, 11:46 PM   #3
سيانيد
سفير بيوكيميائي
 
الصورة الرمزية سيانيد

 









سيانيد غير متواجد حالياً
افتراضي

هههههههههههههههههههههه

موضوع يضحك

تشكرات



من مواضيع سيانيد في المنتدى

التوقيع

   
رد مع اقتباس
 
 
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
سوالف خكري مع امــهـ >> خطيررهـ .....!! نايف رحّب.. اضحك.. العب.. فرفش 10 12-27-2007 03:25 AM



الساعة الآن 11:40 PM


Powered by vBulletin® Version 3.8.7
Copyright ©2000 - 2018, vBulletin Solutions, Inc.
يوتك