الرئيسية التحكم التسجيل
 

 
 
العودة   منتديات الكيمياء الحيوية للجميع > الأقسام العامة > رحّب.. اضحك.. العب.. فرفش
 
 

رحّب.. اضحك.. العب.. فرفش استراحة الاعضاء للترحيب و اللعب و المزح

إضافة رد
 
 
 
أدوات الموضوع انواع عرض الموضوع
 
 
 
 
قديم 12-24-2007, 07:02 AM   #1
Dr.Ghada
وزير بيوكيميائي
 
الصورة الرمزية Dr.Ghada

 









Dr.Ghada غير متواجد حالياً
Wink حكاية معتوق وصفيه مع البنت اليونانيه !!..باللهجه المكاويه

كيفكم ياحلويييييين

جايبتلكم قوصة بالمكاوي>>تقلد

انشاء تحوز على رضائكم

اسيبكم معاها
.......
معتوق: اصبحنا واصبح الملك لله .......... يارب ياكريم يامرخص الحريم

صفيه: معتوووووق ترى سامعتك

معتوق: هههههههه ماشالله عليكي ياصفيه عمرك دحينا خمسين سنه ولسه سمعك قوي

صفيه: امسك الخشب يابو اسعد وصلي على النبى لو صارلي شيء والله ماني مسامحتك

معتوق: ياشيخه امزح معاكي الله يعطيكي العافيه وطولة العمر

صفيه: طيب ياليت تغير الدعاء هدا حقك 35 سنه وانت ترددوا وتحرق اعصابي

معتوق: يا ام اسعد والله حريم الدنيا كلهم مايسووا ظفرك بس هاتي الفطور وفضيها سيرة

صفيه: دقايق بس واجيبلك الدبيازة والفول وحلاوة ابو نار

معتوق: ياعيني على الدلع ... ليش هدا الفطور الملكي ؟؟ ايش عندك اليوم

صفيه: والله يا ابو اسعد عندي اليوم هرجه ونفسي ادردبها قدامك

معتوق: اصلآ انا شايفك لكي كم يوم وانتي تتحرقصي كأنك قاعده على بيضه

صفيه: والله بصراحه يابو اسعد مرررررررة زهقانه وطفشانه

معتوق: ماعليكي اليوم ناخد فرشتنا والشاهي والفصفص ونروح مزدلفه

صفيه: يوووووووه يا ابو اسعد انت ماعندك غير مزدلفه

معتوق: ايش اسويلك طيب نحن اهل مكة مساكين اللي يطفش ماله الا مزدلفه او الشعيبه

صفيه: ليه عمرك ماسمعت انو في ناس تسافر بلاد بره

معتوق: ايووووووة ......... صاير شغلك على تقيل ياصفصف

صفيه: وليه هما الناس احسن مننا في ايه يعني ؟؟

معتوق: يعني قصدك تبغينا نسافر بره البلد

صفيه: ايوة زي مايسووا كل الناس في الصيف

معتوق: والله ياحرمه شكلك انتي تقريء الكف او مشعوذة

صفيه: مشعوذة في عينك ....... ياشيخ قول كلا غير دا

معتوق: تصدقي الموضوع هادا على بالي بس كنت خايف انك ماتوافقي عشان تغاري عليا من البنات

صفيه: وليه انت على بالك لوسافرنا راح اسيبك دقيقه واحده لحالك ...... لا ياعمري رجلي على رجلك في كل مكان تروحه

معتوق : الله الله الله الله هدا كله حب ؟؟

صفيه: واكتر من كدة كمان بس انت منتا اخد بالك

معتوق: طيب ايش رأيك نسافر مصر ولا سوريا

صفيه: لا عيوني انا مو اصوم اصوم وافطر على بصله

معتوق: اجل فين تبغيني اوديكي المريخ ولا زحل

صفيه: ياراجل ايش الكلام هدا انت تبغى تمشيني ولا تموتني ؟؟

معتوق: كمان انت جننتيني ...... معروف انو الناس لما تسافر تروح يامصر او سوريا

صفيه: لا وفي ناس كمان تسافر اوروبا ولا هدول ماسمعت عنهم

معتوق: ايوه ياعياااااااااال ......... انتي وصلتي لاوروبا ياصفصف ..... انتي صاحيه ولا مسخنه اليوم اوروبا مره واحده

صفيه: ايوه اوروبا يامعتوف ...... انا ما اسافر دول عربيه ابدآ

معتوق: وايش فيها يعني الدول العربيه ..... ماهم اهلنا ومننا وفينا

صفيه: لاحبيبي شوف عندك جارتنا ام عبير قالت انو كانت تسافر دول عربيه بس كلها نصابين وحراميه وبعدين بطلت من الدول العربيه وصارت كل سنه تتنطنط بين دول اوروبا وتقول صراحه تعاملهم هناك مرة كويس

معتوق: وين تبغي انشالله انتي في اوروبا لندن ولا باريس ولافرنسا

صفيه: ههههههههه الله يقطع شيطانك لاحد يسمعك باريس وفرنسا واحدة

معتوق: انا داري عنك كمان تبغي تودينا اماكن لانعرفها ولانعرف لغتهم

صفيه: بسيطه يابو المعاتيق يقولوا هناك الواحد اول مايوصل ياخد معاه مرشد وهو يترجملوا كل شيء

معتوق: والله انك عفريته ........ اترينك مرتبه كل شيء وانا نايم على وداني........ لاتكوني حاجزه كمان وانا ما ادري

صفيه: لا يا ابو اسعد برضو انت راجل البيت وانت اللي تروح تحجز دحينا

معتوق: دحينا ...... دحينا ؟؟

صفيه: ايوه الله يخليك اجبر بخاطري الله يجبر بخاطرك

معتوق: وفين تبغينا نروح ياستي ؟؟

صفيه: نروح اليونان يقولوا حلوة ورخيصه ......... يعني على قد فلوسنا

معتوق: ايش يقولوا علينا عيالنا دحينا ........ بعد مازوجناهم رحنا نتصرمح بره

صفيه: ياشيخ كل واحد يعيش حياته زي ماهو يحب

معتوق: توكلنا على الله واليه المصير

وبالفعل الجماعه لموا عفشهم وراحو المطار وركبوا الطيارة

صفيه: معتوق............. والله انا مرررة خايفه انت عارف انو هدي اول مرة اركب طيارة

معتوق: يعني انا اللي كنت طيار وانا صغير ........مو انا برضو اول مرة اركب طيارة

صفيه: والله لو رحنا بالبيجو حقك كان احسن

معتوق : بيجو ايه ياحرمه والله هدي ماتوصلنا حتى المدينه

صفيه: طيب احضّني يا ابو اسعد انا مره خايفه

معتوق: احضنك ايه ؟ بلا قلة حياء ياحرمه قدام الناس .... بس انتي اربطي الكمر على خصرك واقريء دعاء السفر وربك يعدلها

معتوق وصفيه في الاراضي اليونانيه

معتوق: الف حمدالله على السلامه ياعمري

صفيه: الله يسلمك ياحياتي

معتوق: الله ياصفصف والله وعرفتي تختاري شوفي البلد كيف حلوة وبناتهم احلى واحلى

صفيه: معتوووووووق وديني لو ماتبطلك الكلام هدا ترى اشرد منك هنا وارتاح من ملايكة اهلك

معتوق: ههههههههه ياشيخه امزح معاكي ........ وسعي صدرك شويه

صفيه: المهم شفلنا فندق على البحر ويكون شرح شويه

معتوق: طلباتك اوامر ياعسل

معتوق وصفيه في فندق كوناكيوس في اثينا

معتوق: الله ياصفيه تعالي هنا في البراندا وشوفي البحر وكيف الناس مبطحين على الرمله

صفيه: وليه من البراندا ....... غير الفوطه والبس جلابيه وخلينا ننزل بنفسنا على البلاج

معتوق: يالله ياستي ننزل نتمشى وهو نحن جينا هنا ليه

معتوق وصفيه على الشواطيء الرمليه

معتوق: والله صحيح ربنا اعطاهم الدنيا واعطانا الآخره ...... شوفي كيف عايشين حياتهم بالطول والعرض

صفيه: صحيح للسفر سبع فوائد

معتوق: طيب ايش هي السبع فوائد

صفيه: والله مدري عنها بس الناس يقولوا كدة

معتوق: والله انك صادقه خلينا ننبسط وبس

فجأة وهما يتمشوا لمحت صفيه صخرة كبيرة وباين من وراها رجول حرمه وهي تزعق
صرخت صفيه: معتووووووووووق الحق

معتوق: ايش فيه ياحرمه خير ؟؟

صفيه: شوف الوليه الحجرة طاحت عليها وجالسه تزعق

معتوق: الله الله الله وايش قدرنا نرفع الحجرة هادي

صفيه: يابويه الحق الحرمه قبل ماتموت

معتوق : يالله نروح سوا

ويشمر معتوق جلابيته وصفيه بالبالطو حقها وهات يا جري يبغوا يلحقوا الحرمه قبل ماتموت ولما وصلوا عند الصخره وطالعوا لقيوا حرمه وراجل في وضع مخل بالشرف !!

صفيه: يعععععععععععععععع

معتوق: الله يقرفكم

صفيه: الله يهلكك يابعيده وانا سامعتك تزعقي ........ حسبت ان الحجرة طاحت عليكي واترينك جالسه تعملي ملوخيه مع السربوت هادا

معتوق: ايش قلة الحياء هادي ياسرابيت يعني من قلة البيوت عندكم ؟؟

صفيه: معتوووووووق انا ما اجلس دقيقه واحده في البلد هادي

معتوق: مو هادي شورتك المعفنه ؟؟

صفيه: وانا ايش دراني انهم يعملوا ملوخيه في الشوارع

معتوق:طيب ايش الحل دحينا ؟؟

صفيه:اقرب بلد عربي او اسلامي

نعتوق: اقولك مالنا الا تركيا يقولوا قريبه من هنا مرة

صفيه: يالله يا ابو اسعد حاسه اني راح استفرغ من اللي شفته

معتوق: بصراحه موقف مقرررررررررف

معتوق وصفيه في تركيا الإسلاميه

صفيه: ايوة يا اخوياهادي البلد محترمه مو زي اليونان الله يخسفبهم

معتوق: صراحه ........ اسطنبول احلى وفيها حرية منظمه وتنفع للعوايل

وجلسوا معتوق وصفيه يتصرمحوا في الأراضي التركيه اسبوع في اسطنبول واسبوع في يلوة واسبوع في انطاليا وقضوا شهر العسل في الوقت الضايع ورجعوا للديار المكاويه وقالوا للناس حكاية الملوخيه وحذروهم من السفر الى الأراضي اليونانيه !!!







انشالله تكون القصة عجبتكم

مع العلم انها باللهجه المكاوية الكح واللي ما فهم بعض الكلمات ممكن يستفسر عنها ونحن نترجم على طوووووووووووول


على فكرة

الموف ...لمرمر حبيبة البي

والازرق ..للقاعدة الجماهيرية الهلالية

والاخضر..للاهلي

والبنك ..ليا



من مواضيع Dr.Ghada في المنتدى


التعديل الأخير تم بواسطة Dr.Ghada ; 12-24-2007 الساعة 07:06 AM سبب آخر: مزاااااااااااااج
التوقيع

الدنيا مسألة [حسابية]
خذ من اليوم [ عبرة ]
ومن الامس [ خبرة ]

اطرح منها التعب والشقاء
واجمع لهن الحب والوفاء
واترك الباقى لرب السماء

   
رد مع اقتباس
 
 
 
 
قديم 12-24-2007, 07:36 AM   #2
الريمـ
ملك الكيمياء الحيوية للجميع
 
الصورة الرمزية الريمـ

 









الريمـ غير متواجد حالياً
افتراضي رد: حكاية معتوق وصفيه مع البنت اليونانيه !!..باللهجه المكاويه

هههههههههه

فيه كلماات مافهمتهاا

بس أحلى شي لما قالت له بشرد منك خخخخخ

يسلمو غدو وثاانكس ع الموف



من مواضيع الريمـ في المنتدى

التوقيع

{حظ عـيني لو تـشوفك كل يوم...
.
.
   
رد مع اقتباس
 
 
 
 
قديم 12-24-2007, 05:30 PM   #3
نايف
ملك الكيمياء الحيوية للجميع

 









نايف غير متواجد حالياً
افتراضي رد: حكاية معتوق وصفيه مع البنت اليونانيه !!..باللهجه المكاويه

ههههههههههه تسلمليييييييييين دكتوره غادة



من مواضيع نايف في المنتدى

   
رد مع اقتباس
 
 
 
 
قديم 12-26-2007, 04:40 AM   #4
وائل
كيميائي بالفطرة
 
الصورة الرمزية وائل

 









وائل غير متواجد حالياً
افتراضي رد: حكاية معتوق وصفيه مع البنت اليونانيه !!..باللهجه المكاويه

ههههههههههههههههههه


ياعيني عليهم المكاوية


شكرا دكتورة غادة على الحكاية

الله يعطيك العافية


اقتباس:
المشاركة الأصلية كتبت بواسطة Mamo0ora مشاهدة المشاركة
هههههههههه
فيه كلماات مافهمتهاا
مامورة

اسئلي عن اي كلمة مافهمتيها

باصير قاموس
حجازي - نجدي

وانفع برضة
نجدي - حجازي

خخخخخخخخخخ


عندي خبرة في اللهجتين

هههههههههه



من مواضيع وائل في المنتدى

التوقيع

   
رد مع اقتباس
 
 
 
 
قديم 12-26-2007, 02:31 PM   #5
سونهام يغمور
Bioc سابقاً
 
الصورة الرمزية سونهام يغمور

 









سونهام يغمور غير متواجد حالياً
افتراضي رد: حكاية معتوق وصفيه مع البنت اليونانيه !!..باللهجه المكاويه

اقتباس:
صفيه: معتوق............. والله انا مرررة خايفه انت عارف انو هدي اول مرة اركب طيارة

معتوق: يعني انا اللي كنت طيار وانا صغير ........مو انا برضو اول مرة اركب طيارة

كأنوا ناس اعرفهم .... خخخخخ




اقتباس:
صفيه: والله لو رحنا بالبيجو حقك كان احسن

معتوق : بيجو ايه ياحرمه والله هدي ماتوصلنا حتى المدينه

صفيه: طيب احضّني يا ابو اسعد انا مره خايفه

معتوق: احضنك ايه ؟ بلا قلة حياء ياحرمه قدام الناس .... بس انتي اربطي الكمر على خصرك واقريء دعاء السفر وربك يعدلها

خخخخخخخخخخخخخخ اما هذا من جد قال احضني قال



اقتباس:
معتوق: الف حمدالله على السلامه ياعمري

صفيه: الله يسلمك ياحياتي
ياناس على الحب



اقتباس:
معتوق: الله ياصفصف والله وعرفتي تختاري شوفي البلد كيف حلوة وبناتهم احلى واحلى
طول عمره عينو طويله الرجال يالطيف بس


اقتباس:
صفيه: معتوووووووق وديني لو ماتبطلك الكلام هدا ترى اشرد منك هنا وارتاح من ملايكة اهلك
ايوه ياقويه

اقتباس:
معتوق: ههههههههه ياشيخه امزح معاكي ........ وسعي صدرك شويه

خواف



من مواضيع سونهام يغمور في المنتدى

التوقيع

..ادعموني هنا..
فيسبوك(FaceBook) -
مدونتي(soon)

::مواقعي الشخصية::


و اخيرا اتنشر بحث الماجستير
   
رد مع اقتباس
 
 
 
 
قديم 12-26-2007, 05:44 PM   #6
نجــد
ملك الكيمياء الحيوية للجميع
 
الصورة الرمزية نجــد

 









نجــد غير متواجد حالياً
افتراضي رد: حكاية معتوق وصفيه مع البنت اليونانيه !!..باللهجه المكاويه

والله احس هالعجوز وهالشايب مراهقين مدري ليه ههههههههه

طيب جاري استخراج بعض الالفاظ التي تحتاج للترجمة واسدحها فيذا...



من مواضيع نجــد في المنتدى

التوقيع

:


:

:


هنــاك بعيــد

يا الشــوق غنينـي وحبينــي


هينـا لاتقــربي

ضـاق المكـان بزحمــة الأقــدار
   
رد مع اقتباس
 
 
 
 
قديم 12-26-2007, 05:49 PM   #7
صــــالح
عالم حيوي
 
الصورة الرمزية صــــالح

 









صــــالح غير متواجد حالياً
افتراضي رد: حكاية معتوق وصفيه مع البنت اليونانيه !!..باللهجه المكاويه

مشكوووووووره دكتوره


من جد مت مت من الضحك
واللهجه تمام وكله واضح ومفهوم



من مواضيع صــــالح في المنتدى

التوقيع

يا (عالم ) أحبه (حسبي الله عليه)...
لا تركـني أنام .. ولا تركـني ونام ...
يا (عالم) حتى .. دمعتي تشتكيه ....
كن بيني وبين (؟؟؟؟) حالة هيام ...

   
رد مع اقتباس
 
 
 
 
قديم 12-26-2007, 07:05 PM   #8
كيميائية طموحة
بيوكيميائي ماسي
 
الصورة الرمزية كيميائية طموحة

 









كيميائية طموحة غير متواجد حالياً
افتراضي رد: حكاية معتوق وصفيه مع البنت اليونانيه !!..باللهجه المكاويه

هههههههههه

قصة حلوة

تسلمي د/ غادة

وإلي ما فهم شي أنا حاضرة



من مواضيع كيميائية طموحة في المنتدى

التوقيع

   
رد مع اقتباس
 
 
 
 
قديم 12-27-2007, 06:03 PM   #9
نجــد
ملك الكيمياء الحيوية للجميع
 
الصورة الرمزية نجــد

 









نجــد غير متواجد حالياً
افتراضي رد: حكاية معتوق وصفيه مع البنت اليونانيه !!..باللهجه المكاويه

[align=center]لو سمحتوا ,,هنا نحتاج لترجمة الكلمات اللي باللون الأحمر..

----------
اقتباس:
صفيه: دقايق بس واجيبلك الدبيازة والفول وحلاوة ابو نار
<<والله حتى الأكل له دلع خخخ
--------

اقتباس:
بس انتي اربطي الكمر على خصرك واقريء دعاء السفر وربك يعدلها
<<شفرت اللي قبلها وأخذت هالمقطع هههههه

------

اقتباس:
غير الفوطه والبس جلابيه وخلينا ننزل بنفسنا على البلاج
<<شلون يعني؟؟

,,,,,,,,,,,,,,,,,,,

...[/align]



من مواضيع نجــد في المنتدى


التعديل الأخير تم بواسطة نجــد ; 12-28-2007 الساعة 08:24 PM سبب آخر: اتهزأت
   
رد مع اقتباس
 
 
 
 
قديم 12-28-2007, 04:10 AM   #10
وائل
كيميائي بالفطرة
 
الصورة الرمزية وائل

 









وائل غير متواجد حالياً
افتراضي رد: حكاية معتوق وصفيه مع البنت اليونانيه !!..باللهجه المكاويه

اهلا بالاخ طلال خخخخخخخ

الدبيازة / اما ذي اسمحيلي ماعرفت لها

وحلاوة ابو نار/ ابو نار هاذا شركة تستورد وتصنع الحلاوة الطحينية والنواشف بشكل عام وعندهم حلاوة ابو نار مادري كيف اوصفها لك لكنها تشبة الطحينية بس والله حلوة <<<<< الليلة بعد العشاء مريت من جنبة لو دريت كان جبت لك معي طحينية خخخخخخخخخ


الكمر / هذا يعني الحزام وكثير يقولون الكلمة هاذي حتى في نجد


الفوطه / هاذي قطعة قماش يلبسونها المكاوية في البيت على ملابسهم الداخلية يلفها على وسطة الين اقدامة يعني قميص النوم خخخخخخخخ


البلاج / هاذي برضة ماعرفت لها


الديبازة - البلاج


هاذي بغالها واحد مكاوية محنك

خخخخخخخخ



من مواضيع وائل في المنتدى

   
رد مع اقتباس
 
 
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ولد يستهبل على بنت بالتلفون طالبة مقهورة رحّب.. اضحك.. العب.. فرفش 5 10-21-2008 02:06 PM



الساعة الآن 07:40 PM


Powered by vBulletin® Version 3.8.7
Copyright ©2000 - 2024, vBulletin Solutions, Inc.
يوتك